رائعة الخويطر في مدح الأمير / زامل السليم رحمه الله

[الهداد]

بسم الله الرحمن الرحيم

الاخوة اعضاء ومشرفي منتديات سبيع الغلبا
السلام عليكم ورحمة الله وبركاته وبعد...

فأقدم لكم هذه القصيدة الرائعة للشاعر عبدالله بن ابراهيم الجابر الخويطر الخالدي وهي قصيدة مروبعة في مدح الأمير زامل مطلعها :

ياركب يا مترحلين هجاهيج = نحايف فج عجاف حراجيج
خضع الرقاب مبعدات المناهيج = يدنن بعيد البيد عجلات الأدلاج

ويمضي في قصيدته واصفأ هذه النياق إلى أن يحمل راكبها سلاماً زكياً حاراً كعدد البروق اللامعة في كبد السماء ، والأمواج التي تحركها الرياح وعدد حجاج بيت الله ، وماركب على الإبل من راكب ، وما تلالا بالسماء من نجوم وكواكب ، سلاما من اعماق القلب ، وكوامن الفؤاد ، مركبا منظما كعقود اللؤلؤ ، وكالجواهر المنظومة ، سلاما اطيب رائحة من الطيب ( العود ) الفاخر ، واعذب من ماء السحاب . لمن يذهب هذا السلام ولمن يهدي ؟!

أخن وأنوج من جنا فاخر الطيب = وألذ وأحلا من مجماج الملاجيب
يهدى لمسد الجود ريف المراكيب = زامـل الى جنب هل الهجن هلباج
هو ماهل العاني ومندى خياره = شيخ براسه فاح خمر النماره
كل هفا عن طولته وافتخاره = زبن المخيف المجرم الجالي الداج
حامي حما الفيحا وعزه وسوره = فيحا الجباحي الربا من نفوره
دار لها بعيون الاضداد صوره = اعز من نصر مقام وصنهاج
دار الرخا والجود دار الرخيين = دار الصخا والفضل دار المجلين
الا ولا ياطاه حكم السلاطين = ماوقف الضابط فيها ولا داج
دار النقا دار الكرام الوهاهيب = دار السقى دار العدام الحراريب
عيين عدمين تعايوا على الطيب = ماطاوعوا بارخاصها كل ملاج
فتال صعب الراي حبر الذهاني = ادهى من الكاهن بحل المعاني
كافل عن الجيران ضيف وعاني = ولا ترفد بالبخاشيش والباج
مطفي لظى الهيجا نهار الطرادي = مرخي على الصابور راس الجوادي
لاجن مثل مقاطرات الجوادي = لاقوض الهودج سريعات الامعاج

والفيحا من ألقاب مدينة عنيزة

منقول(مستل)


والسلام عليكم ورحمة الله وبركاته

[سهم الدوسري]

اخوي لاهنت عالقصيدة بس انا فهمت المعاني لكن لم افهم وزنها وعلى اي وزن هذى القصيدة

[الهداد]

سهم هلابك

ولانت

القصيدة مروبعة مثل منت شايف


حياك الله

[lion1430]

مشكور وما قصرت والله لا يهينك

[صامل الميقاف]

الله يرحم الخويطر والأمير زامل

[منسم الحفيات]

مشكور وما قصرت ولا هنت

[مترك ثواب]

قصيدة جزلة ووافية في مدح الامير الراحل / زامل بن سليم الثوري رحمه الله واسكنه فسيح جناته

دار الرخا والجود دار الرخيين *********** دار الصخا والفضل دار المجلين
الا ولا ياطاه حكم السلاطين *********** ماوقف الضابط فيها ولا داج


عز الله انه ماكذب الشاعر


الله لا يهينك وبيض الله وجهك ياأخي الهداد على نقل القصيدة الأكثر من الرائعه

[جعد الوبر]

مشكور وما قصرت ولا هنت

[خيَّال الغلباء]

الهداد جزاك الله خيراً ولا هنت

[مواجيب]

ياركـب يامترحلين هـجـاهـيـج @@ نحـايف فـج عجاف حراجـيـج

خـضـع الرقـاب مـبعـدات المناهـيـج @@ يـدنن بـعـيـد الـبـيـد عـجـلات الأدلاج


مطلع قوي وبداية قصيدة مؤثرة ,,,اشهد بالله انها كايفه وتشنف الاذان لها !!



دار الرخا والجود دار الرخيين @@ دار الصخا والفضل دار المجلين

الا ولا ياطاه حكم السلاطين @@ ماوقف الضابط فيها ولا داج

دار النقا دار الكرام الوهاهيب @@دار السقى دار العدام الحراريب

عيين عدمين تعايوا على الطيب @@ماطاوعوا بارخاصها كل ملاج



الله ...الله ...الله واكبر هذا والله المدح ويستاهل رحمة الله علية رحمة واسعة
كفو والله بسلالة زهري بن جراح الثوري السبيعي كفو بسلالة الشيوخ زامل بن سليم
شيخ من ظهر شيخ واهل امارة قبل بن سعود وقبل بن رشيد وقبل بن عريعر
ومن عام 630 هـ وهم حكام عنيزة وعلى العز والمعزة الى الان الله يبارك فيهم



مطفي لظى الهيجا نهار الطرادي @@مرخي على الصابور راس الجوادي

لاجن مثل مقاطرات الجوادي @@ لاقوض الهودج سريعات الامعاج



كفو كفو كفو والله والف نعم بهكالشوارب الله يرحمه ويغفر له




لاهنت وبيض الله وجهك على هذا النقل الرائع والممتع ..شكرا لك تحياتي والى اللقاء