رثاء الفراعنه

[راعي النيسان]

مـا أرانـي فاعـلاً فـي الليـل إن أرخـى سدولـــه



مـا أرانـي فاعـلاً والصبـح قـد حــان احتـضـاره
طفلي الـلي مات فـي اول يــوم مــا ذاق الطفـولـه
عاجلـه سهـم الـقـدر واخـتـاره الله فــي جــواره
طفلي اللي مات في غمضة طرف ما حال حـــــوله

يــوم عـمـر الآدمــي مـا كـان يـومـاً باختـيـاره





يـا وجـودي يـوم لفّـوا شـاحـب الأكـفـان حـولـه

مــا تـقـول إلا شـظـيّـة لـؤلــؤٍ داخـل مـحـاره



يا وجودي يـوم أطالـع فيه,فـي عرضـه وطولــــه
تنتحـر فــي العـيـن مـنـي دمـعـةٍ كنْـهـا شــراره
نفس عيـن آبـوي عينـه بـل ونفـس الـزول زولـــه


وبالأمــاره, فـيـه مــن عمه(شبـيـبٍ) كــم أمــاره
جـابـه الله مـثـل هـتّـان المـطـر سـاعـة هطـولـه


ديـمٍ احـيـا بـهـجـة امـــه تـارةٍ وآبـــوه تــاره


ويوم شــاف الشرّ من صوب آهلـهْ يشعـب ذلولـــه
حــطّ دون صدورهم صـدره مـن الرحمـه ستــــاره
ومــات تــوّي مــا بـعـد بـإيـديّ لبّسـتـه نـعولـه
مـات تـوّي مـا بعـد سـاويـت فــي ثـوبـه زراره
كـنّ عينـه يـوم مـات تقول:بابـا, ويـش هـو لــه؟
يوم تبكـــي وانـت تـدري ميـن انـا ذلحيـن جـاره
كلنـا راحــل وخـيـر الـنـاس مــن زوّد رحـولـه
باغتـنـام الصالـحـات وكــلّ كـسـرٍ لـه جـبــاره
طفلـي اللـي صوّبـت كبـده قبـــل ساعـة وصـولـه
بنـدقٍ مـن عيـــن حاسـد واودعـت قلبـي طـشـاره
يـــا وجـودي مـا لقيـت أنسـب لمـولـودي مقـولـه
مـن مقولـة: يـا وجــه صبـحٍ تحـرّر مـن خـمـاره
أو ثـغـر بـرقٍ تـهـامـيٍّ تـبـسّـم فـــي ثـعـولـه
ضـوح مصباحـه علـيـه يــورّد النـجـدي بـكـاره
يـوم اشيلـه مـا تقـول اشـيـل شــيٍّ مــن نحـولـه
آتشـمّـم ريحـتـه -مــن فجـعـة القـلـب- بـحـراره
يوم جيـت العـب معـاه وغـاب قلبـي مـن ذهـولـه
يـوم مـا شفتـه تبسّـم لـي وانـا فــي اول زيــاره
قمت أحدث عنه نفسي- والعرب حولي وحــــــوله
ليت ما هـو ميْـتٍ؟إلا ميـت! مـا تبغـى استشـــاره
اْخنـقـنتـي عـبـرتـي يـوم آتـذكّــر ما تـقـولــه
عـنـه أمّـه يـوم أنـا فــي ديـــرةٍ مـاهـيـب داره
آتـذكّـر يــوم هــو فــي بطنـهـا يـحـرّك رجـوله
وانتعيرّ:لـيـت مــا هــو أقـشـرٍ؟ لـبّـى الـقـشـاره
كـم سهرنـا معـه ليـلـه كامـلـه مــن كـبـر هـولـه
ليـن صرنـا نعَـرْف موعـــد قومتـه داخـل قــراره
وان تأخّـر مـا صحـى فـي موعـده قمنـا نصــولـه
ننغـزه يــا مــن يمـيـن البـطـن وإلا مــن يـسـاره
ما نبي شيْ بـــــسْ نبـي نضحـك علـى ردّة فعولـه
ننـغـزه ويـفـز خـايـف مــا درى ويــش العـبـاره
مـن يـدي غـيمة علـى أيـدي الملائكـة محمـولـه
غيمـةٍ مــن نــور ما تشـبـه نضارتـهـا نـضـاره
يـا إلهٍ كـل مـا فــي الأرض طــراً سبّـحـوا لــه
شفّـعـه فـيـنا غـداً واجـعـلـه لابـوانــه بـشـاره
فـي نـهـارٍ فـيــه أعـنـاق الشيـاطـيـن مغـلـولـه
يتلقّفـنـا مـثــل مـا يـلـقـف الـحــاوي صــراره

[(جزاء السبيعي)]

قصيده حزينه ومؤثره لكنها رائعه
في رثاء ابنه المتوفى حديث الولاده مات في بطن امه
جعله الله شفيع له

صح لسانك وعلى شانك اخوي الغالي

ربي يعطيك الف عافيه

اخوك

جزاء السبيعي

[الو]

جعله شفيع لوالديه

[س ب ع 777]

[نجم سبيع الغلبا]

قصيدة محزنه جعله شفيع لوالديه

[ابـــن مهـــراس]

اللهم جعله شفيع لوالديه يوم الحشر

واللهم ارزق ابوفارس بعشرة اولاد طائعون لوالديهم ولايقونهم بالكبر ولا بالصغر

اللهم آمين

وتقبلوا مروري
اخوكم
ابــــن مهــــراس القــريــشـي

[راعي النيسان]

شاكرلكم مروركم كل ابوكم

[بروق الصيف]

صح الله لسان راعيها

وتسلم على النقل بس لو نقلتها كاملة

كانة أزين لاني قريتها كاملة وكانت قصيده رهيبة

والصراحة ابو فارس معرفتة كبيرة جدا

[فهد القريشي]

يالله عساه يشفع لوالدية وان الله يعوضهم الذرية الطيبه