من غثاهم يلحق الشعر والشعار ظيم = جيروا للشعر شيكات ما فيها رصيد

[النداويـ]

هذه ابيات اسندها الشاعر/حجاب بن بدحان الروبه السبيعي الى عدة شعراء منهم

الشاعر/محمد بن ماضي الحقي المجامعه السبيعي

كثرو الشعار ذا الوقت وكثرهم غشيم=والله ان شعر الحداثه فراقه يوم عيد
بعضهم يشره على صاحب النهج القديم=قال انا شاعر ونا فارس الشعر الوحيد
وبعضهم لوقال انا صاحب الفكر السليم=ان هرج مافاد واليا استمع مايستفيد
وان بغيت الشعر فنشد محمد وبراهيم=ولابو حزمي عمر صاحب النضم الفريد
الرجال الي تكلم ومنطقهم حكيم=عندهم تلقى جزيل السوالف والقصيد
قلهم يالربع جت في الفؤاد وفي الصميم=الشعر ذكي من اقصى الوريد الى الوريد
ولعبوبه مثل نارن تولع في الهشيم=والعبوبه مثل ماقالها الشاعر رشيد
وشاعرن ماصان شعره ترى فكره عقيم=والشعر يبغى رجالن تصونه من جديد
والختام ارجوك عفوك ولطفك ياحكيم=عايذك يالله من كل شيطاناً مريد

فرد عليه الشاعر/محمد بن ماضي الحقي المجامعه السبيعي بهذه الابيات

ياهلا يامرحبا عد ذعذاع النسيم=بالصحيب الي بشعره عن الهزله بعيد
كثرو الشعار لكن وين المستقيم=الأديب اللي عن الحق نهجه مايحيد
في زمانن فيه كثرو هل الشعر السقيم=عالم تبني بيوت القصايد من جريد
من غثاهم يلحق الشعر و الشعار ظيم=جيرو للشعر شيكات مافيها رصيد
لابغيت توسع البال ماتلقى نديم=تستلب الما يقوله ويطلبك المفيد
صار جو الشعر يابو فهد كاسيه غيم=ادخلت فيه الحداثه ولقيت من يشيد
والضحيه قيمة الشعر والنهج القويم=قل منهو مثل شرواك للجزله عضيد
بس تبقى حشمة الجزل في صدر الحشيم=والنشاما من هل العرف يبغون المزيد
والختام اطلبك يالله يالرب الرحيم=رحمتك ورضاك والعفو والحض السعيد

[/poem]



وتقبلو تحياتي/محمد المجامعة

[صـــــــــــرام]

صح لسان الشاعرين وسلمت يمينك يامحمد المجامعة

[النداويـ]

مشكور على مرورك اخوي صرام

[النداويـ]

مشكور

[النداويـ]

مشكورين على المرور جميعاً