يوم بعض من الرجاجيل ما فيـه بركـه

[جزل العطايا]

	ياوجودي يابو تركي كما وجـد الكسيـر يوم خلوه الأصاحيب بـأرض المعركـه ما يشوف الا العدو والعزاوي والزحيـر ما معه حيلة ولا حيل والمـوت ادركـه وجد حالي مثل وجده مع الوقت الأخيـر يوم بعض من الرجاجيل ما فيـه بركـه أن نخيته ما أنتخى وأن فزع ما فيه خير أيترزز بـس يذيـك فـي كثـر حركـه أكمه ما يفهم العلـم والوضـع الخطيـر أكمه واللـي يترجـاه بالطيـب أكمكـه من تشوفه يكره الكيف ويحب العصيـر بيده اليمنى زقـارة والبيسـرى كعكـه ما يسرّك فالمخابـر ولا يسـر النظيـر منطقه منطق مياعـه وبالـراس تنكـه مثل هذا ما يشـرف عذييـن الضميـر رجال راهين المواقف وبالعـرف بركـه ما يخلون الخوي بيوم يحتـاس المريـر اليا غدا للجمال الأجواد فالضيق عركـه يرتهي ذرب الفعايل على الحمل العسيـر لو بدا بالوقت ميلات والصـدر ضنكـه والله ان السيف يجزع من خشاب الجفير لين برقاب المناعير توحي لـه صركـه والقطام أن طال سجنه وشاف الوقت غير يكفخ بجنح الشهامـه ويعـذره شركـه والرخوم رخوم والهيس ما يصله أميـر والبحر ما عاف دره ولا عـاف سمكـه والذيابه تجتلـد والجعـر يجعـر جعيـر وللمهـام رجـال ولا المراقـص دنبكـه وللحمول جمال وأصل الجمل يهدر هديـر يوم تسمع للهملس صيـاح وصكصكـه وأنكر الأصوات يلعنك ياصوت الحميـر يوم يرفع صوته النحس والحق ما أدركه والسملق يوم يلبس على الثوب الستيـر شماغ بسام المسمى .. ويختـار كبكـه والشكاله في رجال الشكالـه مـا تحيـر هب ... يابعض الرجاجيل ياكثـر زنكـه والرهى لو طيب الهيس مـا ذل الفقيـر والفقر لو جاور القرم طبعه مـا تركـه أفهموها والمعانـي لهـا ورد وصديـر يالله أنك لا تخلي علـى الحـق شبكـه الشاعر / محمد المغري

[صـــــــــــرام]

صح لسان الشاعر وسلمت يمينك ياكاتبها

وتقبل مروري أخوك /صـــرام

[فتى خدان]

والذيابه تجتلـد والجعـر يجعـر جعيـر
وللمهـام رجـال ولا المراقـص دنبكـه
وللحمول جمال وأصل الجمل يهدر هديـر
يوم تسمع للهملس صيـاح وصكصكـه


صح لسان الشاعر وتسلم يمينك ياجزل العطايا وافي في مواضيعك