ضيافة عربية للرئيس الأمريكي00( إقرأ واسكت )

[عبيد ابو شيبه]

مسهم بالخير



يالربع جيتكم بقصيدة الظاهر إنها ( منحوسة ) كتبتها أربع مرات وكل ماأبي أنزلها يعلق الجهاز ومع ذلك مصر إنكم

تقرونها ولكن اتبعوا نصائح ما قبل الإستعمال:


أولاًـ لمن لم يقرأ العنوان جيداً أكرر000 ((إقرأ واسكت))0000 بعبارة أخرى : (( على شحم ))

ثانياـ ما بين الأقواس لا يتعدى كونه (( خلل فني في الكيبورد )) لا يستحق محاولة التذاكي

بغداد هِلّي مـن ورودك وكاديـك =واستبشري بزيـارة القايـد العـام
الريّس اللي لامشـى كنـه الديـك =البوش ولد البوش والسبعـة انعـام
شرفتنـا ياسيّـدي ياهـلا فـيـك =اقلط وعَدّ ومجلسك قصـر صـدام
عشـاك جهزنـاه والله يحيّـيـك =أشرف على تجهيزه (الشيف عزام)
امفطح(ن) ماظنـي إنـه يوفّيـك =مع ملحقاته من مطازيـز وايـدام
وقبله وبعده واجـب إنّـا نقهويـك =ونصير لعيونك عبيـد(ن) وخـدام
ونجهّز الحمّـام لجلـك ونعطيـك =شمبو معطر مع مناشـف وهنـدام
لكن ترى ماعندنـا خمـر نسقيـك =ممكن تمشيها بشيشة هـل الشـام
ولاّ نـدوّر لـك بنيّـة تسلّـيـك =مير انتبه تغلط مع البنـت وتنـام
واليا قضى نومك طلعنـا نمشّيـك =بالديرة اللي (مابعد صقرها حـام)
وإن جيت بتسافر بلدكـم بنهديـك =تمر(ن) قطعنا نخلته صيف ذا العام
وإن كان عندك (سكري) مايواتيك =جبنا بداله بشـت وشمـاغ بسـام
مير انت ماودك بهـذي ولا ذيـك =مـاودك إلا (بالبراميـل والخـام)
آمر تدلل (واسرق) اللـي يكفّيـك =هذا (حلالك) يادوا كـل منضـام
بترولنا ياسيـدي (بيـن اياديـك) =(ورقابنا) فدوة زنازيـن الإعـدام
(واعقولنا) رهن الإشـارة تلبيـك =والحب لك منا شعوب(ن) (وحكام)
أجـل تبينـا مانحبـك ونغلـيـك =وانت الذي بيدك مفاتيـح الأحكـام
لا والله إلا من كثـر حبنـا فيـك =قمنا نشوفك في (كوابيس) واحـلام
سافر بحفظ الله وسلم على (ابيـك) =الشايب اللي يوم (جاه الخطر) قـام
عز الله إنه (بالعروبـة) موصّيـك =من يوم هو في منصبه ذيك الأيـام
وجيت انت كملت المسيرة (بتكتيك) =جبت القذايف والقنابـل والألغـام
يالعنبو ذا (العرق) عرق الصعاليك = عرق(ن) (ملوّث) بالخيانة والإجرام
ياسيّدي ماقصدي اجرحك وابكيـك = مير الحقيقة دايم(ن) طعمهـا سـام
هذي (الحقيقة) للأسف دون تشكيك = لكن (وعدنا) ياولـد بـوش قـدام

[فتى رمـاح]

عز الله الربع قضبو الوصاه
كل من قرا سكت

[جفين الطويرش]

أنشهد انها جزله ونها في الصميم

وصح لسانك وبيض الله وجهك




تقبل تحياتي

[عبيد ابو شيبه]

اخواني

فتى رماح

جفين الطويرش

اشكر لكم مروركم

وثقبلو فايق الود

وللمعلوميه منقول منتديات

[سمح آلمحيآ]

صح السانك يالذيبان

ماشاءالله براعه في الشعر

عادي من بيت شعر تقول اطلق منها ياولد بو شيبه