الولد وإن طاب قالوا من خواله = بالخوال يسال قبل الوالديني

[مخايل الغربي]

بسم الله الرحمن الرحيم
الاخ العزيزالشاعر الحميدي بن بلعوس السبيعي السلام عليكم ورحمة الله وبركاته وبعد اشكرك على المرور ورحم الله الشاعر صاحب مكارم الاخلاق راشد بن خر الذيب وانت سالم وغانم والسلام

[ماضي المديري]

سلمت يمينك يا مخايل الغربي

وصح السان ابن الذيب


لا هنت

[مخايل الغربي]

بسم الله الرحمن الرحيم
المكرم الاخ العزيز عقيد القوم السلام عليكم ورحمة الله وبركاته وبعد اشكرك على المرور بالقصيده ورحم الله الشاعر وانت سالم والسلام

[أبو حمود]

مشكور اخوي مخايل الغربي على المشاركه الرائعه وصح السانك والساااان الشاعر
وأضافة الي ماذكره الأخوه الآعضاء أن الشاعر محمد الخس وكذلك الشاعر دبيان بن عساف
قاما بمجراة الشاعر على هذه القصيدة وهي لاتحضرني الآن ولكن سوف أبحث عن مجاراة الشاعرين
لأبن الذيب وأضعها بين أيديكم ..
مشكوووورين ولاعدمناااكم ,,,,,

[مخايل الغربي]

المشاركة الأصلية كتبت بواسطة مورد الهايب

مشكور اخوي مخايل الغربي على المشاركه الرائعه وصح السانك والساااان الشاعر
وأضافة الي ماذكره الأخوه الآعضاء أن الشاعر محمد الخس وكذلك الشاعر دبيان بن عساف
قاما بمجراة الشاعر على هذه القصيدة وهي لاتحضرني الآن ولكن سوف أبحث عن مجاراة الشاعرين
لأبن الذيب وأضعها بين أيديكم ..
مشكوووورين ولاعدمناااكم ,,,,,

بسم الله الرحمن الرحيم
المكرم الاخ مورد الهايب السلام عليكم ورحمة الله وبركاته وبعداشكرك على المرور بالقصيده وجزاك الله خيرا على البحث عن مجاراة الشاعرين الكبيرين دبيان بن عساف ومحمد الخس للقصيده وانت سالم وغانم والسلام

[عواكيس]

الله يرحم ابن الذيب ويسكنه الجنة

[منسم الحفيات]

أخوي / مخايل الغربي شكرا لك على هذا القصة والقصيدة والله يرحم ابن خر الذيب مع أطيب أمنياتي وخالص تحياتي .

[جعد الوبر]

المشاركة الأصلية كتبت بواسطة مخايل الغربي

بسم الله الرحمن الرحيم

الولد وإن طاب طيبه من خواله=فإن تردى فاعلم إنهم خايبيني

وقد رد عليه شاعر سبيع الغلباء الشهير / دبيان بن عساف رحمه الله وأسكنه فسيح جناته :

الولد وإن طاب طيبه من عمامه=والخوال الطيبين مسانديني

من لا يعرف .. هذا البيت بيت أشهر من نار على علم قد يجهل البعض قائلهما ولكن أكيد سمع بالبيت من قبل حتى أصبح مضرب مثل يتداوله كثير من الناس وقائل هذا البيت هو الشاعر الكبير / راشد بن حسن بن مانع بن رحيان الضاعني الملقب بــ ( ابن الذيب ) رحمه الله وأسكنه فسيح جناته وقيل إنه توفي عام 1986م وهو في نجران وكان شايل معه شخص موصله إلى قرية في نجران وحصل عليهم حادث وتوفي رحمه الله راشد بن حسن كان يشتغل في شركة أرامكوا السعودية وكان معه سيارة الشركة ( جمس أرامكوا ) وكان كل ما شاف له رجلي وإلا طرقي على الخط يبي أحد يوصله يقوم ابن الذيب ويوصله بدون مقابل على سيارة الشركة حتى اشتهر بذلك عند البادية لا جاء أحد يبي يروح مكان ولا عنده مطية وإلا موتر يمشي في طريقه ويقول عسى يلقاني ( ابن الذيب ) على الطريق وإلا أنا ألقاه ويشيلني ويوديني للمكان اللي أنا أبيه حتى قاموا الناس يطرونه ويحكون فيه وهم لا يعرفونه ولا قد شافوه جاء يوم من الأيام وإذا عجوز ومعها غنم و ( راشد بن حسن ) كان مشغولا ومتأخر على الدوام شوي وشاف العجوز وشاف معها غنم تعداها وهملها عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز يوم جاها قال : لها يا مره أنا أبشيلك وبوديك المحل اللي تبينه لكن بدون غنمك أنا متأخر على الدوام وأخاف غنمك تأخرني زيادة قالت : له العجوز خلاص رح الله يستر عليك يا ولدي أنا جالسة هنا أنتظر ( ابن الذيب ) هو اللي بيجيب العلم وبيوصلني المكان اللي أنا أبيه أنا وغنمي وهي ما تعرفه ولا تدري إنه ( ابن الذيب ) هو نفسه اللي هي تكلمه فانصدم ( راشد بن حسن ) بقولها وتعجب !! قال اركبي يا خاله أنا ( ابن الذيب ) وأبشري بعزك أبوصلك أنتي وغنمك وكانت أنظمة أرامكو تمنع السائقين أن يشيلوا الرجلية اللي يوقفون السواقين ويطلبونهم توصيلهم على طريقهم وشلون توصيل الغنم ؟ حتى وصل علم للشركة بفعل ( راشد بن حسن ) وهدد بالفصل من الشركة أكثر من مرة وبعض رؤسائه يئسوا من المحاولة معه وأعجبتهم شهامته وصل العجوز إلى منصاها والمكان اللي تبيه وقال هذه القصيدة :

قالها ابن الذيب من هاجـوس بالـه= كلمـةٍ يلعـب بهـا والبـال زينـي
قالهـا يومـه طرالـه ما طـرالـه= من هواجيسٍ تشيـب المرضعينـي
حالفٍ ماخذ علـى الطرقـي ريالـه= وبالثـلاث محـرم إنـه ما يجينـي
لا لقيت اللي على ( السكه ) لحالـه= يلتفت ويقـول ويـن المستحينـي
أوقف الموتر حيـا وأبـي الجمالـه= يوم ولد الـلاش وجهـه ما يلينـي
الطمع في كـروة الرجلـي رذالـة= خص وإن جابه مجـال الغانمينـي
والردي فـي حالـةٍ ما هـي بحالـه= واعوينـه مـن كـلام الطيبيـنـي
الردي لـو بـان ما يذكـر عمالـه= ما يعـد الـلاش مقصـور اليمينـي
أركبـه لعيـون مـن زيـنٍ دلالـه= ما تحاكـوا فـي قفـاه الرامسينـي
ما بغى غيري وأنـا ما أبغـى بدالـه= قاعدٍ لـي بالرجـا مـدة سنينـي
الصبي وإن طاب طيبه من خوالـه= بالخـوال يسـال قبـل الوالدينـي
أشـرب الفنجـال وأكـب البيالـة= تابـعٍ سلمـي سلـوم الأوليـنـي
ولا قعدنـا بالعمـل بنـا الـرزالـة= ناخـذ العليـا طريـق الفايزينـي
غرني بعض الرجـال بكثـر مالـه= ما درى إن الموت في حبل الوتينـي
كيف ينفعني وأبا (..........) خالـه= ما يقوم البيـت دام السـاس طينـي
ماش وين اللـي عوايـده الجمالـة= مثل ابن ظافر حمد ليتـه يجينـي
الثنـا والجـود دايـم فـي خيالـه= علمـه ظافـر سلـوم الطيبيـنـي
جـوّد العليـا ولزمّـهـا عيـالـه= وأدركوا من علمتـه دنيـا ودينـي
وا هني من باع حظه واشتـرى لـه= وسار في درب النبي وأخزى اللعيني
موقفـه مـا كـل رجــال ينـالـه= من بغـى ممشـاه يقعـد مرتينـي
كم ذبح من حايلٍ مـن حـر مالـه= وعادته لطمـة خشـوم العايلينـي

والشاعر / راشد بن الذيب رحمه الله وأسكنه فسيح جناته هو والد الشاعر المعروف حاليأ / محمد بن الذيب . منقول وأنتم سالمون وغانمون والسلام .

أخوي / مخايل الغربي شكرا لك على القصة والقصيدة ورحم الله الشاعر / دبيان بن عساف والشاعر / ابن الذيب ولا هنت مع أطيب أمنياتي وخالص تحياتي .

[مخايل الغربي]

أخوي / عواكيس شكرا لك على مرورك الكريم بالقصيدة والله يرحم ابن الذيب مع أطيب أمنياتي وخالص تحياتي .

[مخايل الغربي]

أخوي / منسم الحفيات شكرا لك على مرورك الكريم بالقصيدة والله يرحم ابن الذيب مع أطيب أمنياتي وخالص تحياتي .