بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فلقد وجدت هذه الأبيات والتي يبدوا لي أنها من الشوارد فإليكم بعض من قصيدة عصماء لراع القصب الشيخ / جبر بن سيار بن حزمي الخالدي رحمه الله وأسكنه فسيح جناته في الشيخ / ابن عيسى البدراني راع البدرية رحمه الله وأسكنه فسيح جناته والتي منها قوله :-
وصبر (ن) على الدنيا ولو بك تقلبت = من الراي صبرك حين يبدي عثورها
وصبر (ن) على زلات الأصحاب طولة = فلا يدرك الطالات إلا صبورها
صديقك ولو عادك يوم تعمد = فهو عند زومات العداء في نحورها
لو شان وجهه يجلي الغيظ بالرضى = من الحلم نساي الجنايا غفورها
فلا خير في رجل (ن) إلى صار طلعه = قريب (ن) وملاق الحكايا هذورها
من الغش ممزوج وبالوجه باسم = أخو منجل (ن) ساعات المقافى عقورها
وهذه بعض من قصيدة اّخرى جميلة لا أعرف شاعرها إلا أنها مدح في الأمير / سعدون الحميدي الخالدي رحمه الله وأسكنه فسيح جناته ويقول شاعرها :-
مراقي العلا صعب (ن) شديد سنودها = ما كاد على عزم الدنايا صعودها
فمن رامها بالهون ما نال وصلها = ولا رد غيظات العدا في كبودها
تراها بغالي الروح والمال والشقا = وصبر (ن) على مر الليالي وكودها
فلولا غلاها سامها كل مفلس = ولولا عناها كان كل يرودها
فلا كنها بالحزم والعزم والشقا = مخاطر (ن) بحلات خفي سدودها
وبذل العطا في ماجب الحمد والثنا = وخضب الهنادي بالدما من غمودها
واغضى نظير العين عن ذنب صاحب = تجي من صديق (ن) زلة ما يعودها
يجيبك إلى نادي المنادي لمطلب = سريع (ن) مطيع (ن) سالم (ن) من حقودها
وبالحلم عن زلات الأصحاب طوله = ولم العصا ما يقطع الشر عودها
فلا طير إلا بالجناحين طاير = ولا كف إلا بالقوي من زنودها
فمن لا يرد الغيظ بالحلم زينت = له النفس حالات (ن) خبيث ورودها
ومن عنها بالصبر حتى يردها = يشوف مطاليع الهدى في ورودها
ولا فايت (ن) من صالح في هواده = ولا طايل (ن) في قص يمنى زنودها
ولا خير في عين (ن) حديد نظرها = قريب (ن) ويعمى شوفها عن حسودها
ومن لا يبادر فرصة في زمانه = على الضد يضحي نادم من فقودها
فمن هاب خاب وعاشت بالذل وأشرفت = عليه الأعادي طالبين حقودها
ومن أشرع الخطي ضحى الكون وانتضى = نهار الوغى بيض الظبا من غمودها
تحامى حماه الضد من نازح المدى = وذلت له أرقاب العدا في سجودها
ومن ودع أوباش البرايا حديثه= فهو عادم الشوفات مخط قصودها
فلا تورد الحاجات يوم (ن) لباخل = أياديه ما يرجا الجدا من مدودها
فمد الرجاء واقصد جناب تعودت = بيمناه مد (ن) من غوالي فيودها
فمن عودك من فيض يمناه عاده = عليه لزوم (ن) بالسخا أن يعودها
ومن فك عن زنديك بالعسر يسره = وهي كان ملوي عليها زنودها
عطايا تجي من بارع الجود تنذخر = ويقضي العطايا عقب هذا وعودها
ترى إن كنت غاليت الثنا في مديحه = أجل عنك ما خاب الرجاء في حصودها
فلا غير سعدون (ن) ملاذ إلى غدت = علينا الليالي صايلات (ن) جنودها
مدحته على ما كان مقدار فعله = فلا عاش كتام الحساني جحودها
فهو لي على الشدات عون (ن) ومقصد = ويا نعم مقصود (ن) لنا من ظهودها
بوجه طليق بالبشاشات مشرق = وعين عن العاني قليل (ن) صدودها
بكف حميدي (ن) كريم بنانه = وكم ذا جلا فقر المقلين جودها
وهذه قصيدة هجائية أعجبتني ولا أعرف قائلها فإليكموها :-
يا رخوم (ن) تزاحم اشبعـي يا رخـوم = الجيف لك تنادي يوم عـاف الأسـدْ
يا رخـوم البقايـا ما أحـد لـك يلـوم = جيفة (ن) من مقامك ما بغاهـا أحـدْ
إنهشي في سكوت (ن) عظمها واللحوم = لا تغثين ليث (ن) فـى عرينـه رقـدْ
والغراب اعزميه ولا تخليـن بـوم = واشبعي من مرار (ن) يوم راح الشهدْ
الأسد له فضائـل واحترامـه لـزوم = حيـث لـولاه أنتـي ما تعّشيـن أبـدْ
الأسد فى عرينه يا رخوم (ن) تحـوم = والجيف لك تركهـا وعنّهـا ما نشـدْ
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .
غير متصل
من شوارد الأبيات
