منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذا الزمان اسمه زمان المصالح=لا والله إلآ إسمه زمان المهايط ازريت اميز بين مصلح وصالح=تشابهت بعض الصور والخرايط واحترت مابين العبي والمشالح=اللي فتوق جيوبها ما تخايط حلو الزمان اللي مضى صار مالح=وسلومنا الزينة دخلها خلايط كلاً يقول أناابن هدلان شالح=لو هو ردي من حساب السقايط واللاش يبقى لاش ماهو فالح=بينه وبين الطيب عشرين حايط فيه الردا موجود والوجه كالح=ودّك تقول إليا تكلم تلايط دار الزمان وجاب من كل طالح=وساط العلوم اللي على البال سايط ضاع الحلا يوم اختلط بالموالح=ريش العقاب من الدجاجة معايط راحوا هل الدنيا العزاز الصوالح=وجانا زمان الدردشة والوسايط
الشاعر عايض فرزان السبيعي
اللي يخالف مزاجي ما تقدابه
طبيعتي والليالي ما تغيرني
التعديل الأخير تم بواسطة عاشق الباديه ; 04 - 01 - 2012 الساعة 20:21
سبب آخر: تصحيح
غير متصل
