السلام عليكم ورحمة الله وبركاته
اهلا وسهلا باعضاء وعضوات المنتدى ارحب بكم في هذا الموضوع
يا مرحبا ترحيبة(ن) تسبق الفار *** لا صار مع دربه ثلاثين بسه
فكرة الموضوع هي انشاء ديوان للشعر الفكاهي اللي دمه خفيف وليس شرطا ان تكون الابيات لشاعر مشهور او ان تكون قصيدة كاملة.
وسابدأ انا بهذه الابيات التي اخترتها لكم مع رغبتي بان تشاركوا في اعداد هذا الديوان.
1) سنبدأ ببيت شعر يردده الكثير على انه بيت مازح مع ان الهدف منه هو اختبار سرعة بديهة الشاعر حنيف بن سعيدان المطيري فدعاه الرجل الى بيته وبعد ان شرب القهوة قال له:
خمسة عشر فنجال لحنيف صبيت****لو ان بطنه جربت(ن) قد ملاها
فرد عليه حنيف قائلا:
عز الله اني من دلالك ما تقهويت ****ماتنقه الشراب من كثر ماها
ياموصي الحرمه على صكت البيت***تقول ماهوب فيه وانت وراها
وا خيبت امك يوم قالت تضنيت ******وا خيبت امك يوم انت رجاها
2)وهذه القصيده في الحقيقة لا اعرف شاعرها :
تل قلبي تل قير السبرماني*******سايقه هندي وعماته نخنه
ناصيات العرس والعرس اببياني***صالة(ن) عنوانها ما وكدنه
دوج الهندي لساعة ثماني********وزعلن وكرت الدعوة قطعنه
3)وتصف الشاعرة مويضي البرازيه صفات الرجل الذي تريده زوجا لاختها قائلة:
اريد مندس(ن) بوسط الجماعه ******يرعى غنمهم والبهم والبعارين
اذا نزرته راح قلبه رعاعه **********يقول يا هافي الحشا وش تريدين
وان قلت هات الحطب قال طاعه****عجل يجيب القدر ويا المواعين
ولو اضربه مشتدة(ن) في كراعه***لاهوب شاكيني ولا الناس دارين
4)وهذه القصيدة للشاعر عبدالرحمن الحربي يدعو على حبيبته سابقا:
شخص(ن)هويته جعل ربي يشله*****اصعب شلل ويكون مايوجد ادواه
وإلا برص يضفي على الجسم كله***يبدا بوحهه ثم يمشي على اعضاه
وإلا مرض طاعون حتى يفله ********يسمع علاجه بس من دون يلقاه
ويصاب بالسكر وجسمه يسله*******حتى المشي بالرجل ما عاد يقواه
اللي بلاني وانتقل من محله ********وانكر عهود(ن) كانت العام ممضاه
5)الشاعر الفارس سعيد الهاجري يتوجد قائلا:
يا مل قلب(ن) ضاع مفتاح بابه*** ومن اول(ن) ننقد على اللي يضيعون
بيبان قلبي غاديات(ن) خرابه *** وبها المهبل والوراعين يجرون
6)وللشاعر سعد الفعم موقف من العسكريه يقول :
وش قولتك ياعريف حمود *** فالطلعه اللي بغيناها
واليا اتصل بي نعيم العود*** طوفتك هذي طمرناها
7) اما الشاعر مفرح الضمني عندما كان يدرس مسائي وجاء الاختبار ولم يكن قد درس كتب في ورقة الامتحان الابيات التاليه:
ياالمعلم ما نجحت من الكتابه********لو حضرت الدرس عنه القلب غايب
دفتر التعليم قلبي ما شقا به********شقوتي في صاحبي صافي الذوايب
ياالمعلم لا تطالبني طلابه ***********شل قراطيسك و جوز من الطلايب
لا تلوم اللي تعذب في شبابه********عذبه طفل(ن) مع البدوان غايب
صاحبي صوب النفود اقفت ركابه***حالف(ن) لانصاه لو دونه نشايب
لو تشوفه ياالمعلم في ثيابه******** كان تصبح عن جميع الدرس تايب
8)وهنا واحد من الجنسية الباكستانيه يصف حاله لصديقه بعد ان عاش في الكويت وتحسنت احواله :
صديق سلم على رفيق*********** قله ترى حالتي تيكه
من اول(ن) نشر على الطريق **** واليوم نركب تماتيكا
غير متصل
