سوأل للعموم

[سيف ربعه]

السلام عليكم ورحمة الله وبركاته
أطرح عليكم سوأل وارجوا الاجابه الشافيه
هل سبيع من القبايل القحطانيه أم من القبايل العدنانيه

[العويد]

من القبائل العدنانيه وليس القحطانيه

[محمد بن سلطان]

قبيلة سبيع قبيلة عامرية هوازنية قيس عيلانيه مضريه عدنانيه ..

[سيف ربعه]

أشكر الاخوان الذين شاركو( العويد/ومحمدسلطان)
سبيع قحطانيه ولدي مايثبت ذلك

[العويد]

الاخ سيف ربعه

اولا اتمنى تغير لون خطك لأن على قولتهم الشوف شجر

ثانيا مايحتاج تثبته الظاهر انك عالم جديد في النسب مثل هندوس العتيبي الروقي ;)

انسابنا مهيب تثبت بين يوم ليل وليله وخل عنك الخوض في هالشي وتشكيك الناس في انسابها من دون قصور في القبائل القحطانيه

ودورلك علم تنتفع وتنفع منه مهوب تبي تخوض في شي منتب في مستواه مع احترامي لك

وبعدين الله يهديك ويصلحك الرجال اللي يبي يخوض في اشياء مثل هذي يكون عالم في النسب وملم بالتاريخ العربي سواءا في الجاهليه او الاسلام يعني عشان اكون واضح يكون رجال مثقف وعارف النحو العربي وانت يا علامة زمانك منت عارف تكتب كلمة سؤال في عنوان موضوعك يا حمد الجاسر زمانك ..صدق من بغى يشتهر طبق مقولة خالف تعرف

وحياك الله في المنتدى وخل عنك الخنبقه

اخوك

[محمد بن سلطان]

اخوي العويد ..لا هنت على الرد الرائع :-)

الظاهر انه بيقول انتم من قبيلة السبيع الهمدانيه القحطانيه .. ((قول غيرها يا طويل العمر)) .. رح اقرى في كتب التاريخ وشوف نسب قبيلة سبيع ..

يخوي الانساب محفوظه الله يسلمّك ومافي داعي تتعب نفسك ترانا عارفين نسبنا من قديم ..

ولو سمحت اخي الكريم ممكن تعرف لنا نفسك ومن اي قبيله انت ؟؟ عشان نعرف نتناقش وياك ..

ودمت سالم يالشيخ ..

اخوك
محمد بن سلطان الثوري

[ابوريم]

(أخوي العويد)

السلام عليك ورحمة الله وبركاته وعلى جميع الاعضاء
وبعد

فقبيلة سبيع من القبائل الكبيره والمعروفه نسبا وأفعالا وصاحب السؤال أما أن يكون جاهلا أو انه من غير قبيلة سبيع ولايريد سوى اثارت النعرات داخل المنتدى ويجب أخذ الحيطه والحذر,,,,

مع أطيب تحياتي,, أبوريم

[سيف ربعه]

أشكركم على الاخلاق وشكر خاص للاخ/مذكر ثورتها بالخباء
الاثبات أرسلته ل أبوعمر

[فارس الاول]

سيف ربعه !!!!!!!!

حدث العاقل بما يعقل................

الكلام ما عليه جمرك ...........

لكن تنسب لسبيع وتقول انها قبيله قحطانيه.. مع احترامي لك اقول معصي!!

وكان غيرك اشطر .....

والعبره في دليل عطنا دليلك ان كنت صادق؟؟؟

اما تقول الاثبات ارسلته لابوعمر...ابوعمر على عيني وراسي...

بس ابوعمر ما يمثل سبيع !!!

مدامك فتحت فمك وتكلمت ...ملزوم تطرح حجتك ولا تهرب بهذه الطريقه !!

[محمد بن سلطان]

صح لسانك يا فارس الاول ..

يالقحطاني ...

سبيع عدنانيه ولو دورت في اي كتاب بتلقى فيه نسب سبيع الى بني عامر بن صعصعه بن هوازن بن قيس بن عيلان بن عدنان ..

وهذا معروف من قديم الزمان .. والنسابه كلهم يعرفونه .. تجي انت مع احترامي لك .. وانت منتب من هل العلم وتقول سبيع قحطانيه .. لا والله ما صدقت وعطنا اثباتك على كلامك .. مع اني ماظن انه شي صحيح ..