الله لايعود حلمي اللي تحلمته

[الهداف]

من بعد طال الغياب وطالت المده
اليوم في منتدى السبعان ميعـادي

والمعذره كان عنكم طالت الصده
ياكثر شوقي لكم وايضا توجادي

الى جميع الأخوان الأعزاء اقدم لكم هذه المشاركه واتمنى ان تحوز على رضاكم---------تحياتي واشواقي للجميع

ماني مصدق عيونـي يـوم لاحظتـه=اشوف نور(ن) وخلف النور قومانـي
شفت الهوايل وجيتـه ليـن قربتـه=ياليتنـي كـان ماجيتـه ولاجـانـي
نحوه جذبني جمـال(ن) ماتصورتـه=الخد فيه الـورود اشكـال والوانـي
ونظرات نجل العيون القلـب ذوبتـه=والمبسم اللي كمـا خاتـم سليمانـي
الطول نايف وزود الطـول بارقبتـه=والخصر ناحل وعود الزين رويانـي
ونهوده اللي رهيف الثـوب شالعتـه=وشقر الذوايب نثرهن فوق الأمتانـي
تكهرب الجو عنـدي بعـد ماشفتـه=واصبح مكاني بثوبي واحد(ن) ثانـي
ومديت يمناي لـه والقلـب سلمتـه=من دون ماشعرعطيت اسمي وعنواني
صوب فؤادي وانا عـودت ماصبتـه=وقعت اغنـي ياليلـي لال يـا دانـي
اثر الخبر لي حلـوم الليـل جالبتـه=نهضة من مرقدي وجل(ن) وشفقاني
الله لايعـود حلمـي لـي تحلمـتـه=نقض جروحي وانا قد طابت اكوانـي
اليـا تذكـرت ماشـفـت وتأملـتـه=حاولت بالنوم لأجل المشهـد الثانـي

[أبونواف{الثوري}]

«®°·.¸.•°°·.¸¸.•°°·.¸.•°®»أخي العزيز {الهـــداف}«®°·.¸.•°°·.¸¸.•°°·.¸.•°®»



أسعد الله أوقاتك أنت وجميع الإخوة الأعزاء



أخي العزيز حاولت مجاراتك في المقدمه الرائعه التي بدأت بها وهي البيتين الجميلين فكتبت هذه المحاولة التي لا ترقى لمستوى ما تقدمه لنا من روائع فأرجوا أن تعذرني عليها



يـا مرحبـــا بالــذي ربـي لـنــا رده {=====} بقــدوم هــداف نـور المنتـدى زادي
لعـل ظــرف قديـم ما يعـود ويحـــده {=====} وغيابه اللي مضى ما عــاد ينعـادي
شـرواه يثـر عليـنـا غيبـتـه وبعــده {=====} وفي ماقفه ما نحصل رجل ســدادي
أما الـردي ما يحسفـنـا ترى فـقــده {=====} اللـي غيابـه وحضوره عندنا عـادي




أما بالنسبة للقصيدة فبيض الله وجهك قصيدة رائعة وجزلة لا يبدع مثلها إلا شاعر كبير ومتمكن مثلك {ماشاء الله} وهذا ما تعودناه منك ولا هنت يا ذيبااااااااااان






هذا ولك ولجميع الإخوة خالص تحياتي وتقديري وأحترااااااااامي

[السيف]

صح الله السانك مليون يالهداف

قصيدة جدا جميلة

فلا تحرمنا من تواجدك وقصائدك الطيبة

تحياتي

[عبــداللــــــه]

صح لسانك بالهداف

[الهداف]

ابو نواف


مرحبا مليوووووووووووون يشرفني حضورك الله لايهينك واشكرك جزيل الشكر على هذه الأبيات الرائعه

[عيسى السبيعي]

[

صح لسااااااااانك يالهداف الا على فكره انت لعاب كوره
ملايييييييييييين على هالرايعه بالحيل
تحياتي

[محمد بن سلطان]

صح لسانك اخوي الهداف ..

قصيده جزله وقمه في الروعه .. سلمت وسلمت يمناك يالجزل ..

تقبل تحياتي ،،

اخوك
محمد بن سلطان الثوري

[الهداف]

السيف

مرحبا مليوووووووووووووووون اسعدني حضورك يالغالي

[الهداف]

عبدالله

صح بدنك الله يعطيك العافيه واشكرك على مرورك الكريم

[الهداف]

الواسطه

صح بدنك الله لايهينك --واذا تبيني العب كور حاضر وممنون---لك تحياتي