الشاعر الفارس / خالد بن هرسان رحمه الله وقصيدته في الزكور

[المنتبه]

	أيها الاخوة الكرام :: السلام عليكم ورحمة الله وبركاته ..وبعد.. نطرح لكم في هذه المرة وفي منتدانا الموقر شرح عن فارس وشاعر من أبرز شعراء سبيع في عصره خاض مع بني عمه الكثير من المعارك وله باع طويل في ذلك. قال في مجد سبيع الكثير وقصيده جزل يرفع روس القبيلة لانه مبني على حقائق. أرسل قصيدته المشهورة للزكور أهل رنية وخص الشيخ مناحي بن باحص بتلك القصيدة ليساندون أهل الخرمة ضد البقوم وسوف نزودكم ان شاء الله من قصائده الجزلة. وهو الشاعر والفارس خالد بن هرسان القريشي السبيعيي

	واليكم قصيدته في ابن باحص وقبائله:

يا راكب اللي كنها مغزل المها=رعت حيا وادي من الوسم سايلي
قم يا نديبي من عليها وسرها=والعصر لبلاد الزكور اتخايلي
خبر قبائلنا وخص مناحي=زيزوم عيرات على كل طايلي
ذباح دسمات الظهور لمنهشل=زبن البلود من القحوص الحايلي
قل وش عذركم من دار ابوكم وجدكم=اللي مدها يرمي ورى المكايلي
ارسلنا ركب الدلات ألقيفنا=وجنا ركب التاليات نكايلي
وجا الراي منا واستعنا بالله=وحطينا الرقاب الغاليات عدايلي
وجونا وجيناهم وانهزعنا شويه=لين اغتشى روس الجريد نفايلي
صحنا عليهم صيحة بامر الله=يصبح بها الشايب غرير وطايلي
يا نعم والله بالاد الوجيرب=يرسي بهم غرس الدجا فالظلايلي
مظاريبهم حول الجباه وفانحر=بمثومن يفضا العظام الصايلي
ولاد القريشي في نحا الهوش تفتلي=مصاوطة القعاما تاديب العايلي
يصطون في جمعة البقوم اليا انتحوا=صوط الجمال الصايكة فالشوايلي
واشرافنا اهل المدح والجود والثنى=واهل النفايل في نهار الدبايلي
وفهيدٍ الحارث تنومس بشيخهم=يا جعلنا ما ناخذ فيه البدايلي
وذوي فهيد اللي تسقي حريبها=سم على الاكباد بالموت سايلي
ويا نعم والله يا لاد الرويبي=بنفوسهم ومحكمات الفتايلي
ويانعم والله يا دعوى بني عمر=جمعه وراء المحناب ما جاك مايلي
وراحت زهازيم الرشيما طرايد=ورجف الفرنجي مثل رجف المخايلي
وبنو بيوت العز وامسوا ولا اصبحوا=هذه عليهم من اكبار الفشايلي
لكن تناع البيض باقطار نزلهم=غواني حمام تو واديه سايلي
هذه على خوها وهذه على ابنها=وهذا حليل ما لقت له مثايل

	هنا وجب التوضيح ذوي فهيد الشيخ / هذال بن فهيد الشيباني وجماعته ساندوا سبيع وهذا رد جميل سابق وتأخير اهل رنية وأبن باحص وقبائله بسبب معاركهم مع قحطان في تلك الايام... أخوكم المنتبه

[خالد الشماسي]

تعجز الكلمات عن تقديم الشكر لك


لما تقدمه لإخوانك من توثيق معلوماتك وتسجيلها في موقع القبيلة



دمت لنا أخي المنتبه وجزاك الله خير

[ابن عفتان]

	لهنت يا المنتبه علي الطرح المتميز وبيض الله وجهك وتشكر علي ذلك اخوك ابن فليح

[خالد ابن هرسان]

لا هنت يالمنتبه على هذي المشاركة وبيض الله وجهك على كل حال وأختيار موفق

[خالد ابن هرسان]

بيض الله وجهك يالمنتبه ومشكور جداً على هذا الطرح الجيد ونعجز صراحة عن شكرك

[كليب]

مشكور وما قصرت والله لا يهينك

[خيَّال الغلباء]

جزاك الله خيرا

[مسلط 22]

مشكور وما قصرت ولا هنت