منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
سلام الله على من يسهرون لصدت العدوان = يدوسون الخطر ويشتتون لفكر الارهابي
رجالن يرخصون ارواحهم في طاعة الرحمان = لأجل دين ووطن ماحسبو للموت بحسابي
رجال الأمن فرسان المواقف خيرت الشجعان = اهل شيمه وأهل قيمه وأهل توحيد وأكتابي
اهل دين وعقيده يقطعون لدابر الخوان = يزيلون الخيوط اللي تنسل كنها الدابي
خيوط الهدم والأرهاب والتضليل والنكران = من اللي عقلهم مغسول من تشكيل الاحزابي
بقايا شرذمه بأفكارهم غدرن وسم أبدان= سوات الداب في سمه يجيك ابقرصت النابي
يشبون الفتن ويشجعون اللعب بالنيران = يجرون العقول الناقصه في درب الأتعابي
كفايه بأنهم مافكرو في منهج القرأن = يحرم قتل نفسن مؤمنه من دون الأسبابي
يشيلون البنادق والقنابل شلت البهتان = يحبون الفساد وقتل الأنفس والتلعابي
حسافه كم تأتم من صغير وعاش باالأحزان = يصيح ويشتكي من فقدته لأعز الأحبابي
وكم من والدن يبكي على فرقى ولده افلان = فقد عطفه عليه وبرته به بعد ماشابي
تشوف امه تظم لملبسه ياظمت الحرمان= تقول اشلون أعيش ونور بيتي تو ماغابي
وكم من زوجتن مترمله وتشيل بالأحضان = صغارن دمعهم بعيونهم تلقاه ينسابي
مصيبه لأسئل طفلن سوالن يبكي الأنسان= يقول ابوي وينه يوم راح ايجيب الألعابي
حسافه من يجاوبله سؤال العاشق الولهان = سؤالن ماتعجب لو نجح في حرق الأعصابي
الا يالله يارب العباد الواحد المنان = رجانا بك ولاغيرك بنرجي منه بجوابي
الاياالله عليك ابمن حرمنا نعمت الأمان = عليك ابمن سعى فأرضك فساد وهدم إخرابي
عليك ابمن تمادو باالخطا والعنف والجحدان = رجالن بينهم والنور حيل اليوم بأحجابي
الاياالله تحمي هاالوطن من شلت الطغيان = من اهل الفسق والتكفير واللي فعلهم كابي
لأجل حب الوطن حنا نرد وفعلنا ينبان = نرد ابسيفنا اللي مهنته في قطع الأرقابي
شموخك ياوطنا مايهزه خاين الأوطان = بفضل الله ثم اجهود لمعربت الأنسابي
مدام اللي على حكمك حكيم ويعدل الميزان = تفاخربه ويفخربك حصدبك زين الألقابي
ابومتعب حبيب الشعب طيبه يروي العطشان = فتح بابه لشعبه ماضرى في صكت البابي
وفي وبالوفاء نادر شجاع وبالكرم له شان = كمل والكامل الله يوم غيره راح ينعابي
خصاله ماتعد ولاتقارن بأي كاين كان = ومن يحصرخصاله قلت ذاك الشخص كذابي
وعن يمناه ياقف فارسن من خيرت الفرسان = يقود الجيش بأسلوب الرياده والتدرابي
يفز اليا سمع طفلن ضغير ايقول ياسلطان = مسح دمعه وهلابه وقال انته من اصحابي
وعاش الأمن واللي قايده يكرم ولاينهان = يقوده من حفظ لأمن الوطن من غدرت ارهابي
يقود الأمن نايف نايف التخطيط والأتقان = شجاع ولايهاب ولو يشوف الموت ماهابي
يوجهله أرجالن يخمدون لثورت البركان = رجالن جاهزين وعاشقين لخوظ الاصعابي
حفظ ربي بلادي من سهوم الغدر والعصيان = حماها من هل الفتنه وأهل تنكيس الأعقابي
عهد بأني لأحبك يابلادي وأفتديك أزمان = عهد لاعيش لك مخلص وموت ابفخر وأعجابي
كلام الشاعر اللي حب لأرضك وأثبت البرهان = ولو بكذب عساني في لهيب النار يرمابي
غير متصل
