اقتباس:
المشاركة الأصلية كتبت بواسطة العويد
بسم الله الرحمن الرحيم
السلام عليكم,
أغضبني جدا ما قرأته مؤخرا في بعض المنتديات سواء الساحه او غيرها من المنتديات التي تهاجم سبيع وتتهكم بناصر الفراعنه وقولهم ان الشبرمي وراه قبيله في الدول العربيه كلها ومن هنا اريد ان اوضح كم نقطه/
اولا: ونعم بقبيلة تميم من غير قصور في القبائل
ثانيا: مبروك للشاعر خليل الشبرمي فوزه فهو شاعر يجبرك على احترامه بخلقه
ثالثا والأهم: شاعركم ياتميم السنه اللي راحت في نفس البرنامج (عبدالله البكر التميمي) وهو سعودي خرج من التصفيات البدائيه بنسبه يستحي الرجل ان يذكرها!!!
تدرون ليش يا تميم لأن اللي وقف وراه تميم بعينها القبيله لا الدوله!؟
لا تقعدون تهايطون وتسبون وتلمزون في سبيع انها سبب هزيمة العملاق ناصر,,
وقولتكم ان تميم تمتد من المغرب الى العراق فأحب اوضح ان اغلب قبائل تميم في هذه الدول ذابحها الفقر ولا تلقى مايسد رمقها,,
واللي فوز الشاعر خليل الشبرمي مهيب تميم اللي فوزه الشيخه موزه وبعلها المحترم :)
فلا تقعدون تهايطون وتسبون في سبيع ويجب على كباركم تعليم مراهقيكم كي لا يعتدوا على الكبار فاللي قاعد ينقرأ في المنتديات من قدح وسب لا يرضاه الأجنبي فمابالك بالسبيعي
وشكرا
|
اولآ : ماعليك زود ونعم بقبيله سبيع
ثانيآ : الله يبارك فيك
ثالثآ : الشاعر / عبدالله البكر التميمي خرج مثل ماخرج بدر خرفاش ولا شفنا اي دعم وحماس مثل الفراعنه
واذا كانت دوله قطر واقفه مع ولدها للمعلومه ال ثاني شيخ من شيوخ بني تميم وحاكم دوله واكيد راح يفزع من ابي بلده وابن عمه ومثل مادعمو شيوخ السبعان للفراعنه يعني حلال عليكم وحرام علينا.
وبالنسبه للفراعنه انتم من خذلتوه والعتب عليكم اولآ
وبالنسه للقفر فااعلم اخي بان الرسول ولد فقيرآ ومات فقيرآ .وجميعنا قفران والله هو الغنى الحميد
بالنسبه للشيخه موزه فجزاها الله خير على دعمها لابن البلد واذا في بالكم انها مسبه فهذا يدل علي جهلكم وجميعكم تعاتبون الدوله لعدم الوقوف مع ابناء بلدهم
ولا تنسون الشاعره منيره سبت السبيعي شاركت وخرجت ولا شفنا منكم اي كلمه او وقفه مع العلم انها سبيعيه وهي نفسها من صرحت بذلك واتوقع شينه بحقكم يالسبعان
وهذا بيان من برنامج شاعر المليون بمجموع الاصوات :
حيث اوضحت ان المجموع الكلي للاصوات بلغ 9402184 صوتا وزعت على النحو التالي :
خليل الشبرمي: 3814955 صوتا, عامر بن عمر: 2025146 صوتا, محمد حماد الكعبي: 1871437 صوتا, عيضة السفياني: 1340498 صوتا وأخيرا الفراعنة : 363184 صوتا. يذكر ان قيمة الرسالة الواحدة تبلغ أربعة ريالات مما يعني ان دخل الحلقة الأخيرة -اذا صحت المعلومات التي سربت من القائمين على البرنامج- بلغ نحو 40 مليون ريال.
وكذالك صرحت صحيفه الرياض قبل امس بأن مجموع اصوات الشبرمي من الممكله تجاوزت 3 مليون والفراعنه 300 الف فقط
تحياتي لكم