راعي ملقا

[خالد الشماسي]

والنعم وألف نعم بجري بن هملان وبلاد العسيلي القريشات

ذكر الحضبي في كتاب سوالف الطيبين قصيدة للشاعر والفارس المشهور (( ناجم بن بويتل الفراعنه السبيعي )) . في هذه الوقعة ( الحنو ) بين بن رشيد و سبيع .


ياراكب من فوق بواجة الخلا *** مافوقهـا الا الميركـة مـع صميلهـا
وضحا رعت من خايع العرق مزته *** ومصيافها من جنب رغوه جثيلها
ذعاره .. نيـاره .. عيدهيـه *** كـن اشهـب البـارود روج ظليلهـا
ولا كما ربدا ظليـم تحسسـت *** بيـن الحجايـا مامـن الله جفيلهـا
رز مسامعهـا وبتـر فخوذهـا *** وهجـف سماريهـا وكـد هجيلهـا
تلفي هل العارض صباح من السحر *** دار بني عمي رعو في نثيلهـا
ياليتهم شافو عن الهرج فعلنـا *** يـوم الجهامـه ماصفطنـا هزيلهـا
جتنا جيوش ابن رشيـد وسبلـت *** دون الحفـا نهارهـا مثـل ليلهـا
جانا بتميم وشمر وحضر حايل *** وهتيم واهـل الشـام جنـا يهيلهـا
يقودها قود المزاغيف بالرسـن *** مقـدم حصيـن وحصيـن محيلهـا
يبون(( لحيات )) عساهم للفنا *** ولحيات مقابيـس البـلا دون حيلهـا
من وقفنا صاحو وطاحو وظللو *** كن الدبا الكتفـان مذعـور خيلهـا
نطرح عواديهم ونقلع ثبارها *** لعيون مـن بالطيـب كـدت جديلهـا
ولعيون شرف بالمهامه ترايعت *** عيرات اهل حايـل تلاطـم شليلهـا
جيوش شرايدهـم وهـم كثـر الدبـا *** قلايـل ماينتـدواى عليلهـا
لكـن مجالدنـا ليـا ضيقـو بنـا *** مجالـد سبـاع مايحقـر ذليلهـا
وحتى ايش لو نهم ضيقو بنا *** جـروح الخفـا ماعـاد يبـرد غليلهـا
شلنا عليهم بالمراجيف والقنـا *** ليـن الله ادنـى للاعـادي رحيلهـا
والنعم يالزكور حدودهم عن العـذا *** ماتطـرح الجمعـه الا جليلهـا
اولاد علي اليا تعـزوو بجدهـم *** ماطاوعـت دون العشايـر قبيلهـا
من سو وقع سيوفهم ورماحهم *** روس العـدا ازرىسيلهـا لايشيلهـا
ونعـم يـالاد العميـري بفعلهـم *** والله ماللحـرب نرجـى بديلهـا
يوم ارهجو صنـع الهنـادي وسبلـو *** نقالةالزومـة تبرشـم دليلهـا
ونعم ياترثة بني عمر لااقبلو *** مثـل الهجايـا مـن غبايـا مخيلهـا
كم سابقن توهنـت دون جمعهـم *** خيالهـا ياكـل ثمـر حنظليلهـا
والنعم ياللي من ورى الدار سبلو *** عوامر حبـل الـدرك يستويلهـا


وقد كانت كثير من القبائل تدفع الجزية لبن رشيد الا سبيع والسهول ويام

يقول عجران بن شرفي


كل قد ذاق حرب سيفه وطاوع &&& الا سبـــــــــــــــيع والسهـــــــــول ويام

[ابن فاهد]

بيض الله وجهك يالقريشي معك ابن فاهد القريشي

[خالد ابن هرسان]

لا هنت على هذا الموضوع الوافي الجزل ونقل القصص كاملة وواضحة للقارئ
والله لا يهينك على كل حال ونطمع للمزيد
وتقبلوا تحياتي

[ابن جمل]

مشكور يا ذيب القريشات

تقبل تحياتي

[الزناجه]

بيض وجهك ياذيب القريشات او عزالله انك ذيب على اسمك
والقريشات اهل صولا وجولات ولنا الفخر بهم

[راعي الجوفا]

ذيب القريشات بيض الله وجهك على هذا الموضوع

[عز المجاهيم]

السلام عليكم ورحمة الله وبركاته :
والله ونعم ياذيب القريشات ونعم بجري بن هملان
عقيد قوم وفارس مشهور لا يشق له غبار وجميع سبيع تفتخر فيه .
واشجع الاخوة القريشات ممن يعرفون المزيد من القصص لهذا الفارس المشهور أن يزودونا بالمزيد عنه ، لتوثيقها في المنتدى ولتكون متاحة لمن أراد أن يوثقها في كتاب لأن التراث الشفهي الذي على ألسنة كبار السن إذا لم يوثق في كتب وعن طريق مؤرخين ثقات فإن هذا التراث سوف يندثر لا سمح الله .
وفق الله الجميع

[رآعي الأوله]

بيض الله وجهك ياذيب القريشات على السرد الجميل لهذا الفارس

ونطمع بالمزيد مما ذكر من مأثر عن هذا الفارس

وتقبل التحية،،

[حفيد جري هملان]

السلام عليكم ورحمة الله وبركاته
أشكركم على المنتدى الناجح الذي أهتم بمواضيع تاريخيه ناجحه والتعريف بفرسان أسبيع ... وكذاللك هذي اول مشاركه لي بالمنتدى الذي سمعت عنه الكثير .
وانا ابدي اعجابي لكم . وانشاء الله تعم الفائده للجميع من خلال طرحي للمواضيع وخاصه بقصص جدي الفارس : جري بن هملان.
وشكرا مره اخرى لذيب القريشات على هذا الطررح الجميل وشكرا.

[فهد القريشي]

http://www.sobe3.com/vb/showthread.php?t=5311