ياسعود

[الشاهق]

بسم الله الرحمن الرحيم

هذي قصيده وحبيت انزلها لكم يا الربع
والمناسبه اتعذرها



ياسعود مادام الحقايق لها باب
وراك ما تقرع لها الباب يا سعود

لاشك في هذي وهاذيك كذاب
ما للعام تونس لك على الكبد لاهود

يااللي تعذر وانت غادر ونصاب
فالعذر في سلم الاجاويد محمود

ضربت لك خبتن تعاوا به اذياب
وعديت راس الواد والواد مسدود

وجهك بعد هذي تقل ريشة اغراب
ولا لك وجودن بين الاصحاب موجود

احدن ليا من غاب بين له اغياب
واحدن ليا من غاب ماهوب مفقود

وانته ترانا ما نحسب لك احساب
ولنته ترى من بين الاصحاب معدود

اللي يدور كيف تفريق الاصحاب
وزود حطبها بين حامد ومحمود

وشبت شبايبها تقل راس مشهاب
وراحت كما نارن على جال بارود

ان كانها بذراع من دونها اشناب
وان كانها بالصوت فالعلم مردود

مانيب ادور للمشاكل ولا هاب
لكنها فالجوف نيرانها اتزود

مير انتبه لا تقرب الضرس والناب
ثم تطحنك يا لقمتن مابها فود

ان كان قال اعراب حنا ترى اعراب
افعالنا في وقت طارد ومطرود

راياتنا ترفع على راس مرقاب
وراياتكم سودن من فعولك السود


وسلامتكم

[نبع الوفاء]

صح لسانك على القصيده الرائعه والله لايهينك ياشاااااااعرنا الوافي

[الشاهق]

صح بدنك ولاهنت على المرور
تحياتي

[صندلي و أفتخر]

صح لسانك ولا هنت

[الشاهق]

صح بدنك
ولاهنت على المرور
تحياتي

[إبن قطنان]

صح الله لسانك يالشاهق على هذه القصيده الجزله انشهد انها قصيده قويه ومن شاعر متمكن له بصمته