بسم الله الرحمن الرحيم
في هذه المناسبه انقل لكم قصيدة الشاعر ناجي بن سعد السبيعي ابوليل موجهه الى حمود بن محمد بن وطيان السبيعي...
بصرف النضر ياحمود عن فايت فات وش هقوتك بيامنا المقبلاتي
ان كان باقي فالليالي حلاوات زانت لنا للجيات والرايحاتي
وعشنا مع الايام طربة ولذات لابه حياه الى وراها مماتي
من يوم جيت من الديار العذيات معادلك يم الطويله شفاتي
بمخطط العشريين شارع سلامات غديت بين الوارد والصادراتي
منت بتجيني في علو العمارات وان جيت يمك قيل ودا البناتي
اعداك شيال الحمول الثقيلات يشفق على المغباش قبل الصلاتي
نسيبك للي كل ماقلت وش فات قال انا بسند للغنم وغرساتي
دنياك يابن وطيان ماهيب مشهات يكفيك منها شربة في طراتي
انتهت قصيدة ناجي بن سعد ابو ليل...
وهذه القصيده ردها حمود بن محمد على ناجي قال فيها...
خذت القلم واحضرت كل الادوات بعد ما جانا الخط والمرسلاتي
اسمع كلام صح مافيه زلات اللي كلامه زين يامرحباتي
انته من اللي ينطحون المهمات ربع على ظهور النظا المرهفاتي
العلم الاول مايجيب السهولات والعلم الاخر عندكم له مباتي
قصدي علوم الطيب والطيب عادات من عصرنا ها الحين والاولاتي
لاجيتني حقك خروف مع الشات وان كان جنبت طريقك سلاماتي
يابو محمد هات هيهات هيهات علمك مع الطيب يجي له حلاتي
نسيبي اللي قلت وقول باالذات رجل كريم من جميع الجهاتي
وتحلها وأن كان في الامر حلات ولا عليها كثروا الالتفافي
ابو محمد للعلوم الصعيبات ولحد يسوي فيه والله سواتي
يأبو ليل البلد فيه الخلات تدري بها من قبل تسمع وصاتي
لاضاق بالك خذ مع الناس سجات صفاتكم ضني تقارب صفاتي
ختامها مني عداد الصلوات اللي فرض الاسلام هو الصلاتي.
اخواني ارجو من الله ثم منكم ان تكونو قد استمتعتم من هذه القصيد التي نقلتها اليكم وان تحوز على رضاكم وترقبو الكثير والكثير من القصائد التي لها حب الذوق والتسمع والاستنصائح بها نقلها اليكم ..... .
اخوكم/
((((( قايد الطوابير))))
غير متصل
