مساجله بين منصور بن فلاح بن جدعان وسعود بن بادي المرشدي ومجاراة لمحمد الكرناف النفيعي

[ابن جدعان]

القاف فن وكل فن[ن] على قاف=احاول اعرف موقفي من حروفه
ما دام اله عندي معزه وميقاف=ببذل معه جهدي واقدر ضروفه
واذا بغيت اصف تأملت الاوصاف=والناس كل[ن] تبع شفه وصوفه
واذا بغيت امدح كريمين الاكفاف=ذكرتهم واللاش ممدح كفوفه
واذا قنصت اطلع على كل مشراف=واتشوف عيني ما تيسر،تشوفه
واذا نويت اغوص في موج واصداف=القا الجواهر يوم غيري تطوفه
واذا نويت الخيل فارس وعساف=العاصيه بعدي تقول معسوفه
واذا حصل زله ومنقود وخلاف=تركت للرديان كل الكلوفه
ولو عشت في عزله وكتوف الاطراف=اخير لي من لقف ناس[ن] لقوفه
والحر تكفيه الاشاره اذا شاف=واذا انعمى راسه تشيله كتوفه
حسب اعتقادي ماعسر شي الاسلاف= وحنا خلفهم والسنين أمخلوفه
للي تبع سنة سبب بيت الاشراف=ومن رحمة الله ما يطري حسوفه
ما قل ، دل ، وللـزهـر فيه قطاف=بشاوره ويزود قطفي قطوفه
شاعر ومعجبني ، وفاهم وعراف=ومن راس ناس[ن] فالزمان امعروفه
يصرف درر، يوم اكثرالناس ينعاف=ريف الخوي والجار مكرم ضيوفه
اسعود بادي بنك صارف وصراف=الله يكافيه الزمان وصدوفه
القاف فنً عن فنون العرب كاف "=" سجل عناوين الفخر في كشوفه
ياشاعرً قبلي سعى فيه واطاف "=" اكمل طوافه ست واتبع بطوفه
صخر بيوتً ماتصخر كذا حاف "=" الا لمن قافه بفكرة يحوفه
شاعر بحر ماحط قارب ومجداف "=" يغوص غباتة ويشهر سيوفه
اخذ من بحورة على عرفه اصناف "=" وقمت اتفكر في عجايب صنوفه
الشاعر اللي صدر بيته على آف "="والعجز جابه من صميمه على اوفه
جيت وعقبته ياجماعه بمغراف "=" مرً زلال ومر طينً غروفه
الشعر ضيف لمن عنى فيه لاضاف "=" يكفي قليله عن كثيراً تعوفه
اسير له خطوة ويمشي لي آلاف "=" يلقى هنا شاعر بحضرة صفوفه
ورجلً مثل منصور حاوي وشواف "=" يجني من الجزلات دايم شفوفه
من ينتظر من وقتنا كلمة انصاف "=" تابس شفاه ولايشاف معروفه
مثل الشجر ياقف وله ظل واطراف "=" بس المصيبة من يقدر وقوفه
مات الضمير ولحفو فوقه لحاف "=" ومات الكلام الصدق فينا بخوفه
انص الذي بالمرجلة والكرم ناف "=" والا الردي لوقال جعله ذلوفه
لاجاء نهاراً فيه خفه وخفخاف "=" تقول تضرب وسط قلبه دفوفه
ناظر يمين وقدام وايسار وخلاف "=" ناس حذفت ناسً وناس محذوفه
ياسيد الكلمه ويامطوع القاف = ويابحر زاخر البحور مغروفه
ويانايف(ن) بالشعر والشعر بك ناف = في نايف(ن)يزري الردي لا ينوفه
ابدعت في قولك وجاوزت الاتحاف = بغزاره المعني وقوة حروفه
ولو كان مابرقك علينا بكشاف = شوف الحيا يجذب عيون[ن] تشوفه
ويجبرك في روضه تمشى وتطاف = وتقطف وتنظم ماتحالى قطوفه
هذا وانا شاعر وللرمي هداف = اصيب مركوز الهدف وسط جوفه
وليا نويت اغزي تباعدت الانكاف = ودون الهدف ما اقنع ولا ابغى النكوفه
ولاني على المقفي شفوق(ن) ومزهاف = يعرض ونعرض لا عطانا كتوفه
واشهر كما يشهر على الخيل كرناف = بالعزوه اللي بالفعول معروفه
بسيف(ن) يجز الراس من فوق الاكتاف = من فعله ابصار الخصوم مخطوفه
والشعر يامنصور يسّمو بالاهداف =وتراجم السان العرب ومن حروفه
وللشعر يامنصور ناقد وعراف = صراف(ن) وعراف بفكره يحوفه
ومن يرمي الجمله بلاميز وجزاف = شوفه بعيد ولاتدانا بشوفه
ومن كان مثلك مايبي نصح واسعاف = يكفيه مد كفوف غيره كفوفه
وانته وانا نمشي على نهج اسلاف = اللي مواقفهم تجلي الحسوفه
والخاتمه اسلم ودم يابن الاشراف = ياشاعر(ن) منك البحور مغروفه

[اخو شما]

شاعر ومعجبنـي ، وفاهـم وعـراف
................ومن راس ناس[ن] فالزمان امعروفـه

والنعم ملااااااااااااايين يابن جدعان

رديه جميله من شعراء متمكنين

[المولع]

صح لسانك والشعار

وواللــه وسبعين نعم بابن جدعان

لاهنت اخوي ابن جدعان على النقل

وننتظر منك كل جديد

[ابن جدعان]

ما عليك زود يا اخو شما


وطيبي من طيبكم يا خوالي

[ابن جدعان]

اخوي المولع

ما عليك زود الله يعافيك ويبارك فيك

واتمنى ان احضر بما يرضي الجميع

[ولدالوجيرب]

صح لسان

الشعار


والله والنعم




يابن جدعان





قصيده رائعه



ننتظر الجديد



ومشكور يالغالي

[ابن جـــــــراح]

الف نعم يا ابن جدعان

وبيض الله وجهك على نقل القصايد
وسلمت يمينك
صح لسانك والشعار كلهم ما قصروا
قصايد جزلات لا هنتوا عليها
لك ولباقي شعار هذه المساجله الف تحيه

[ابن جدعان]

اخوي ولد الوجيرب

ما عليك زود

وابشر بالخير.

[ابن جدعان]

اخوي ابن جراح

وجهك ابيض

وصح بدنك

[الراعي]

السلام عليكم ورحمة الله وبركاته
لست من يقيم الشعراء
فكما يعرف لست شاعر
لكن نقول قواكم الله وان كنت اتمنى ان يستغل الشاعر موهبته في الدعوة الى الله فللشعر وقع جميل وصدى غي نفوس البادية وان يهدي بك رجلا خير لك من حمر النعم
لكن
أحب ان اسجل تحية للاخ سعود بن بادي بن وديد ابو لهب المرشدي
ابن أمير رنية ومحافظها الاسبق حتى أوائل عام 1416هـ تقريبا
ولعله يبلغ تحيات الراعي لوالده فكما كنت أعزه واقدره وهو بالمثل
وشهادتي به مجروحه لكنني أحبه والله في الله لخلقه ودينه وحب للخير وتقدير لذوي الهيئات والمكانات ونبذه للخنى والردى