منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
جات القصايد فيض من ضيف الاحساس = واخترت من عذب المعاني جددها
قصيدةٍ تاخذ من الصدق نبراس = يسمو به المقصود واللي قصدها
والشاعر اللي ماقصيده على ساس = تسقط بيوته لو يجود عمدها
لاصار ماهي صادقه صدق الانفاس = مامن وراها غير ضيعة جهدها
والله خلق خلقه وميز له اجناس = علا مراتبها ووثق عهدها
وخلا الفعول لكلمة الشكر حراس = عن ناس فالتاريخ ماحدن حمدها
وكبر المواقف تكشف الناس للناس = ينشاف راعيها ويذكر ولدها
وانا نصيت اللي كسب كل نوماس = لو المكارم فيه يصعب عددها
وكتبتها من حب عن كل هوجاس = من فيض فكرن قالها واعتمدها
فيك انت ياحثلان ياشامخ الراس = يمك بيوت الشعر تمشي وحدها
ماهيب في حاجة دليله وعساس = سحابة بالطيب يسمع رعدها
يخط بارقها على بيتك اقواس = ويشوفه اللي نون عينه فقدها
من قبل لاكتب فيك حبرن بقرطاس = كم واحدن قبلي بشخصك نشدها
جاتك ولبسها من افعالك لباس = وضحاً عليها من الذهب طول يدها
الله خلق لك روح ماتعرف الياس = برهان من هام المعالي صعدها
يوم الاوادم تضرب اخماس واسداس = مالان من وجه الحياة ونكدها
بين السنين بقوة العزم والباس = مارتاح لين النفس نالت سعدها
واصبح له بمجلس هل الطيب مجلاس = مع صفوة ارجال العطا في بلادها
مايشبهه في معدنه غير الالماس = فيه المكارم والله اللي وجدها
لو الهمم تحسب بشخصاً وتنقاس = صرت المقاس لهمتن مابعدها
صح لسان الشاعر / صالح الديحاني وحثلان بن ناصر يستاهل
إنا لقوم أبت أخلاقنا شرفا = أن نبتدي بالأذى من ليس يؤذينا
قوم إذا خاصموا كانوا فراعنة = يوما وإن حكموا كانوا موازينا
تدرعوا العقل جلبابا فإن حميت = نار الوغى خلتهم فيها مجانينا
إن الزرازير لما قام قائمها = توهمت أنها صارت شواهينا
بيض صنائعنا خضر مرابعنا = سود وقائعنا حمر مواضينا
صح السااان الشاعر صالح الديحاني
ويستاهل الممدوح
وبيض الله وجهك ماقصرت طال عمرك
اصفقلك على نقل القصيدة الراااائعه
والله يجعلها في ميزان حسناتك
تستاهل
تقبل مروري لاهنت
غير متصل
