رد على الشاعر ياسر التويجري

[جزل العطايا]

أسمع عوا سرحـان أثـره عـوا ذيـخ=لا جر صوته كـن فـي الحلـق غـده
بعض البشـر مـا يمشـي الا بتوبيـخ=وان كـان عيـا لا يطيـعـك فـشـده
وبعض البشر جمعـا ولكـن مماصيـخ=هلجامهـم واجــد ولا بــه مـسـده
وبعض البشر نكويه على الصدغ بالصيخ=لين ايعـرف مـن ويـن حـده وجـده
وبعض البشر راسه على كبـر بطيـخ=والعقـل مـيـح ويالله انــه يـسـده
والبعض من ثـوب الحيـا كالمفاصيـخ=ويشـوف حالـه كـن مـا فيـه قـده
إن كان( ياسر ) نشب في الطاخ والطيخ=يجنـي الثمـر مـن زرع فمـه ويـده
اللـي يلطـخ سمعـة النـاس تلطيـخ=لا لا يلـوم النـاس فـي كسـر مـده
والهـرج لا طـول بينـمـل ويبـيـخ=إذا تعـدى حــده يصـيـر ضــده
بالمختصـر حنـا علـم كـل تاريـخ=ومن لا حسبنا ربـح مـا حـن نعـده
حنا الجنوب اهـل الكـرم والمطانيـخ=عدونـا مـن بطشنـا بــاح ســده
في السلم سلم وفـي الملاقـا صواريـخ=لـو العـدو كالـطـود حـنـا نـهـده
واللي خـذا الشيخـه ولا جـده بشيـخ=لا بـد عرقـه وان تـمـادى يــرده

[أبونواف{الثوري}]

المشاركة الأصلية كتبت بواسطة جزل العطايا

أسمع عوا سرحـان أثـره عـوا ذيـخ=لا جر صوته كـن فـي الحلـق غـده
بعض البشـر مـا يمشـي الا بتوبيـخ=وان كـان عيـا لا يطيـعـك فـشـده
وبعض البشر جمعـا ولكـن مماصيـخ=هلجامهـم واجــد ولا بــه مـسـده
وبعض البشر نكويه على الصدغ بالصيخ=لين ايعـرف مـن ويـن حـده وجـده
وبعض البشر راسه على كبـر بطيـخ=والعقـل مـيـح ويالله انــه يـسـده
والبعض من ثـوب الحيـا كالمفاصيـخ=ويشـوف حالـه كـن مـا فيـه قـده
إن كان( ياسر ) نشب في الطاخ والطيخ=يجنـي الثمـر مـن زرع فمـه ويـده
اللـي يلطـخ سمعـة النـاس تلطيـخ=لا لا يلـوم النـاس فـي كسـر مـده
والهـرج لا طـول بينـمـل ويبـيـخ=إذا تعـدى حــده يصـيـر ضــده
بالمختصـر حنـا علـم كـل تاريـخ=ومن لا حسبنا ربـح مـا حـن نعـده
حنا الجنوب اهـل الكـرم والمطانيـخ=عدونـا مـن بطشنـا بــاح ســده
في السلم سلم وفـي الملاقـا صواريـخ=لـو العـدو كالـطـود حـنـا نـهـده
واللي خـذا الشيخـه ولا جـده بشيـخ=لا بـد عرقـه وان تـمـادى يــرده

الله , الله , الله ,

صـح لسااااااان الشاعر ولسااااانك يا جزل العطايا وسلمت يمينك على النقل الراااااائع

مع اني ما أعرف مناسبة هذا الرد الحار والجارح من الشاعر وأتمنى إذا تعرف السبب

الذي جعل الشاعر يرد بهذا الرد أن تنقله لنا ولا تنسى أسم الشاعر اللي قال هذه القصيدة

لكن على العموم بيض الله وجهك والله يعطيك العافية يا ذيباااااااان

و

على كل ما تقدمه من مواضيع رائعة ومفيدة وعلى جهودك الرائعة {ما شاء الله عليك}

لك ولجميع الإخواااااان

[جزل العطايا]

مرحبا والله ومسهلا يابو نواف ولاهنت على المرور الطيب الذي يعكس اصالتك ومعدنك الطيب والمناسبه من هذا الحدث عندما قال الشاعر / ياسر التويجري انه لا يوجد في الجنوب شعراء فقامو شعراء الجنوب بالرد على هذا الشاعر ومن ضمنهم صاحب هذة القصيده

اخوك/ جزل العطايا

[مسلط 22]

بسم الله الرحمن الرحيم
الاخ جزل العطايا بعد التحيه صح لسانك وسلمت اناملك على هذا الرد الجزل والتويجري يستاهل لانه البادي قال الشاعر
من قال انا زين الملا حقه العناء ومن قال انا ضيم الرجال يضام
واخيرا بيض الله وجهك ولعله يرعوي والسلام

[المتوهج]

اخوي جزل

العطايا

السلام عليكم

اولآ نعم باهل الجنوب رجال فيهم خير ولافيهم قصور

ولكن ماعلاقتنا بالشاعر ياسر التويجري واهل الجنوب ؟؟!!

ومن هذا الشاعر اللي رد عليه اذا كان من اهل الجنوب بكيفه هو حر وليس من المنطق ان تنشر قصيده في منتدى الغلبا

فيها سب للآخرين واذا كان سبيعي ماله حق ولاله دخل في اهل الجنوب واهل الجنوب دون ارواحهم ويردون عليه في

منتدياتهم او في منابرهم الخاصه

اخي العزيز جزل العطايا ارجو ان تتفهم ماقلته برحابة صدر وتعلم يقينآ ان هذا الكلام من باب الحرص على سمعة القبيله

قبل كل شي

وشكرآ

[جزل العطايا]

يا هلا وغلا اخوي مسلط مرحبابك والله وصح لسانك ولاهنت على المرور الطيب يالغالي

[جزل العطايا]

مرحبا والله ومسهلا اخوي المتوهج هذي الساعه المباركه اللي شفناك بصفحتنا اخوي الكريم القصد مو اني انشر بس قصايد سبيع القصد اني امتع الربع اللي مثلك ياشعرنا الكبير وشرواك بالقصيد الطيب ويكونو على اطلاع كامل بكل القصايد الجديده من جميع القبايل وما نسعى نحن له ليس للمشاكل بل تكونو على معرفه تامه بالقصيد وهذا القصد وانا اخوك ولا ما شاركنا في هذا المنتدى الشامخ ارجو ان تكون قد فهمتني وان اكون قد نقلت لك المعلومه بالشكل الصحيح

اخوك / جزل العطايا