قصيدة الشاعر هذال ماضي السبيعي الشبابيه

[الفايز]

جبنا الدفاتر واطبعي يامطـــابـع = مثايلٍ ماهيب يادان دانه
خطي على بيض الصحايف واتابــــع = هيض القلوب المشفقات المصانه
مثايلاٍ يطرب لها كل سامــــــــــــــــع = واللي يقدمها لسانه احصــــــانه
يدفع احساسي للمواجيب دافـــــــع = وان حضرت يالله بك الاستــعانه
يشدني وضعاً يثير الــمواجـــــــــــــع = قلته وصمتي عنه مثل الخــــيانه
عشنا وعايشنا الدهر والـــطبايـــــــع = حتى خذينا للتجارب ضمــــــانه
مذاهبٍ شتا وناسٍ تنـــــــا و ع = كلاً مخصص له لحن واسطو انه
لاكن كل المشكله جيل طـــــــــــا لــع = امضيعين المرجله والامانه
دايم مواترهم اطيسها تلامـــــــــــــــع = ومنزلينه لين زان ازحــــفــــــانه
واطيبهم اللي في الجلنطات بـــــا ر ع = ومسجله عالي ويمضغ البـــــــانه
يقفي ويقبل والربع في التقــــــــاطـــع = حيوه ياحلوه وحلو اروغـــــــــانه
وقفايهم وقبالهم بالـــــــــــــــشــوارع = ومضايقين افلان ولا فـــــــــلانه
والاكل عند اهل المطاعم كــــــوارع = ولا من الربيان هاتوا اسمــــــانه
وان غلق المصروف مافيه مانــــــــع = اخذوا طواقينا اهنيا ارهـــــــــانه
يابن الحموله لاتخاو المخـــــــــاد ع = تراك في دربه بتلقى المهـــــــانه
ويابن الحموله لاتخيب الروابــــــــــع = اللي هقينا فيك وانت التكـــــــــانه
خلك مع اللي للفضائل أيـــــــســـارع = يصير لك بين النشامى مكـــــــانه
اللي تجافى اجنوبهم بالمضـــاجـــــــع = يرجون رحمة ربهم وعفيـــــــانه
بوجيههم نور من النور ســــــاطـــــع = وقلوبهم فيها الامن واليــــــــــــانه
الليل قضه بين ساجد وراكــــــــــــــع = اكسب رضى الله لاتفيد اعصيــانه
ستر العذارى بالعبي والبــــــراقـــــع = لاكن وش سترالولد في زمــــــانه
وسلامتك يلي للاشعار سامــــــــــــع = ياطيبن شان اهل الطيب شــــــانه
تمت وصلى الله على خير شــــافـــع = نبينا اللي بلغ اطهــــر ديــــــــانه

[ابن الغلبا]

لاهنة يالفاير على القصيده الطيبه



وصح لسان شاعرها

[الفايز]

ابن الغلبا
مشــــكور على المرور

ولاعدمناك

[الزناجه]

الليل قضه بين ساجد وراكع اكسب رضى الله لاتفيد اعصيانه
ستر العذارى بالعبي والبراقع لاكن وش سترالولد في زمانه
وسلامتك يلي للاشعار سامع ياطيبن شان اهل الطيب شانه

صح السان الشاعر هذال بن ماضي على هذه القصيده الرائعه والسانك يالفائز على هذه الروائع التي تختارها لنا والله لا يهينك الغالي

[الفايز]

مشكور يالزناجه

وهذا من طيبك

طال عمرك

[العود]

السلام عليكم ورحمة الله وبركاته

صح السانك يالفايز

وصح السان شاعرها

هذال السبيعى

بصراحه اختيار رائع

ولاهنت

ودمت.........

[الفايز]

شكرا اخوي العود

وبيض الله وجهك على الاهتمام

[ناصر المديري]

صح لسان الشاعر وبيض الله وجهك يالقرم ,,