انا داري واداري وانت داري

[عين الصحافة]

قصيده رائعه للشاعر فهد المفرج


أنا داري و أداري وإنت داري ** على جروحي وظرفي و اعتذاري

ولكن التغلي فيك عادة ** وأنا مليت من طول انتظاري

تسمّع قول عدواني وتزعل ** حذاري يا بعد عمري حذاري

ترى العدوان نيتهم خبيثة ** يجيبون الغداري بالقماري

تأكد قبل ماتزعل عليّ ** تثبت مثل مسلم والبخاري

ألا ياطير صيدك لي تردى ** علامك وأنت صياد الحباري

أنا والله خطير ومتولع ** وجاري اللي من الأحباب جاري

وعيني ماتنوم إلا لك إلا ** سهير الطرف وتهل العباري

أنا اللي ما بقاء ألا ثواني ** من مجافاك وأستدعي الطواري

يشوفون العلاج اللي يناسب ** قبل يكشف علي الاستشاري

أنا عارف من أشكيله همومي ** إلى من صارت الدعوى إجباري

أشاكي من يعرفون المودة ** مثل عـزام وإلا بومـشاري

رجال لا انتخيت بهم شفوني **رجالٍ نفتخر فيهم و أماري

أبشكي عندهم ظبي ظلمني ** رماني بالمشوت والتواري

وخلاني طريح ٍ في حباله ** أصوت مير مالي من مجاري

عليه الله أكبر كل ما جاء ** مع العذال له ذكر ٍ وطاري

لعبي لعبة الكورة وسجل ** هدف محسوب في بابي كباري

لعبي لعب تاريخ البطولة ** وغدا فوز البرازيل انتحاري

يتل القلب مني تل طايش ** إلى من تلله جيب ٍ سفاري

مدلل واعذابي من دلاله ** على فرقات الناس ضاري

غزالٍ شايف ٍ نفسه علينا ** تقول مرشح لمنصب وزاري

وله حق يتدلل ويتكبر ** مادام أهل الجمال أصبح يداري

ولي حق اشتكي مادام قلبي ** يحب الزين رغبة واختياري

وختم الشعر صلى الله وسلم ** على محمد عدد رمل المذاري

[دبلوم]

شكراً لك