الراوي/ عبدالله بن فايز بن فراج آل غليظ القباني ،،

[الفهد العربي]

مناسبة القصيدة :
يقول الراوي عبدالله بن فايز القباني: رحتنا لي في مشوار ما أعجبني ولا صلح لي ، وتكلم علي واحدٍ مهوب قد الأمور كلها ، ورديت عليه بهذه القصيدة

روحتنا مع درب مهـــــوب لـي درب
وخليتنـا درب المـعـــــــــزة خـــــلافـــي

أنا من اللي يشربون الوغى شــــــرب
ويردون حيضــــــان الـوغى لو عيافـي

ربعي بني قبان في موقـف الكــــرب
لاجاء نهـارٍ فيـه تقطــــــع وتافــــــــــي

مخيلةٍ ساق الهــــــواء نوّهــــا غــــرب
وتحـدرت براقهــــــــــــا لـه إرهـافـــــي

تقرْوَت الضلعـــــان من بــــــرك لـدّرب
درب الحصان اللي على الإسم وافي

سحابها مـن خيّلـــه يـــلبـــطــــه زرب
نصوبهـا كـدرات مــاهـي نـــــظافـــــي

براقها الهندي يبشر علـــــى الحـرب
ورعادها البـارود جالــــــه إقــــصافـي

هلت مطرها يفعل الكرب والــــضـرب
ماها صرى ما ينشرب يـا مكافـــــــي

وتلاحقت الأشعاب من سيلها الورب
منّـه مناعيـــــــــر النشامـى تخافـي

غثاه جثي الزنايـــج عـــلـى الـــدرب
جروم الرجال مـوردة كـــــل هافـي

مصري بضلعه صار للمعركة جــرب
بضلع الغويــــــبـة زاد فينـا التلافـي

لا اْنهار طابور نشى في آخره سرب
تكشف ضغاينهـا لـــــــلأنـواء ترافـي

متناوخين ليـن فــــانوسهـم خـرب
أقفوا علـى قـبٍ عرايـا عــــــجافـي

أملاكنا مشريةٍ مـــــن دمـي عـرب
نبيع الأنفس بيـع رجـل المطـــافـي

حنـا ملكناهـا بحـــــــدبٍ لهـا زرب
يومٍ الألحي عـوج فـوق الكتافـــي

[مشعاب]

صح لسان عبدالله بن فايز القباني


ولا هنت يا ناقلها

[رمح مهنا]

صح لسان الراوي الشاعر عبدالله بن فايز القباني


وشكرً لنقلك الفهد العربي

[khaled alsobe3]

صح لسان من قالها


و يمين من نقلها


تقبل خالص إحترامي
أخوك/خالد السبيعي...