دثريني يا منيرة زمليني يا منيرة = يا منيرة في فؤادي فرخ عبد طق زيره

[خيَّال الغلباء]

بسم الله الرحمن الرحيم

دثريني يا منيره زمليني يا منيره=يا منيره في فوادي فرخ عبدٍ طق زيره
من هنوفٍ صوبها راع الهوى يشعب بعيره=سيدة سادات قومٌ سادةٌ أبناء ساده
من بهاها يا منيره ويش أوصف ويش أخلي=في جبين الطهر منها بدر سبتين متجلي
هالةٍ دون المصلى أخلفت وجه المصلي=في محاجرها عقيد القوم يومي به جواده
الحجاج هلال ما هو في أهلتنا مقيّد=من يشوفه قبل لا يبدي هلال العيد عيّد
لا متى والموت حدر رموشها السود يتصيد=لا متى ذبح البشر عند العيون السود عاده
دوب يانع وردها في روض لبتها تفتق=في سحر منطوقها صرفٍ من الراح المعتق
وكن ظفايرها على الغره ليا قامت تنتق=خدم سودٌ وقوفٌ حول بنت البيه غادهٌ
يا وجودي يالزباد الزبد يالبيض المقشر=يوم حازت من أمامي عمد وأحمر المؤشر
ما أنا إلا أخو عقمٍ بمولودٍ مبشر=من سروري يوم أعانق طيفها فوق الوساده
كن أصابعها من العناب أو بسر عراقي=أو بلح شامٍ مجفف أو قناني خمر ساقي
وكن ترايبها صحاف الترك حمران الطواقي=في سنا نور رقبتها ذابت أكثر من قلاده
فتنةٍ من شافها في جو سابع عرش عرّش=كاد ناعم ثوبها في جسمها الغض يتحرّش
مرحبا يا مرحبا يا مرحبا بالطش والرش=بالحرير الحر والغرو الغرير الغر عاده
كل ما تكبر تزين وكل ما تقدم تجدد=كن نحرها من وراء بوابة الثوب يتهدد
حجم ناحل خصرها في ردفها لا جيت أحدد=حجم نقطة نون داخل نون ما تقبل زياده
بين خصرٍ إشتراكيٍ وردفٍ رأسمالي=ويل ويلي شيب عيني طر جيبي ويل حالي
كل غضٍ في نحرها شايفٍ نفسه معالي=والثنين بكل صراحه يستحقون الإشاده
كن عايم صدرها في وقفته قرمٍ ينادي=في خضم المعركه هل من مبارز أو معادي
من غروره يعتبر كل ما نقوله فيه عادي=يا مصابيح الرواهب من بياضه في سواده
من مزاج الزنجبيله في شفاه السلسبيله=أورد الساعي كليبٌ حتفه نظم الجليله
جمرةٍ في روح تمره ضيعت أبو دليله=قايدٍ حاذاه قايد ريم وأنساه القياده
من ليونتها كأن ماله ولا عظمٍ جسدها=ومن نعومتها تخاف خدودها من لمس يدها
ومن كثر ما مشيها جذاب ما تمشي وحدها=ومن كثر ما جلدها صخيفٍ تحب اللبس ساده
ويش يسوى المسك وأبو المسك مع ريحة عرقها=يوم ذبت شالها وأهتز في الملعب حلقها
ما كأن الله مثل باقي مخاليقه خلقها=فتنةٍ كانت ركون القصر تعبدها عباده

منقول وأنتم سالمون وغانمون والسلام .

[متواجد لسبيع]

ليت عند ناصر فكر السفياني اللي عرف كيفية توظيف
فكرة القصيدة بحذافيرها

ناصر بيضيع البيرق بإسلوبة المعاند وقصائدة الشاطحة نبي قصيدة الرسول
(صلى الله علية وسلم ) أو قصيدة ( أرض فارس )

في أمان الله

[خيَّال الغلباء]

كل في عقله راضي إلا بماله لا وشاعر الثقلين والوطن الكبير / ناصر الفراعنة السبيعي ناضج بما فيه الكفاية ولا يحتاج رأي السفياني ولا غيره من دون قصور فيهم والسلام .

[نواااف]

لا شاعر الا ناصر


مشكوووور يا خيال الغلبا

[feisal]

لا نريد إلا روووعة الشعر

و أن جاء البيرق مليون مرحبا

[خيَّال الغلباء]

أخي الكريم / نواف السلام عليكم ورحمة الله وبركاته وبعد : لا شكر على واجب وقصيدة أبو فارس رائعة بما تعنيه الكلمة من معنى وكعادة شاعر الثقلين والوطن الكبير في كل مشاركة وإطلالة جديدة يبحر بنا فوق موجات رحبة وجميلة ولكنها عاتية لا يستطيع أن يمخر عبابها إلا شاعر فحل متمكن من جميع أغراض الشعر وبحوره وقد أجاد شاعرنا بالوصف الجميل بكل معانيه الحسية والمعنوية فلله درك يا شاعر الثقلين والوطن الكبير / ناصر بن محمد بن فارس الفراعنة السبيعي ويبقى الشعر شعرا والشعير شعيرا ويا ليت بعض المنتقدين استطاعوا التفريق بينهما أو علموا بصفاقتهم مع أطيب الأمنيات واسلم وسلم والسلام .

[السهـــلي]

طول عمرك مبدع يابوفارس في الفخر والمدح ونصره الدين وحتى الغزل


سر ونحن ورائك

[الصمله السبيعي]

ارق سنود يا ناصر ولا عليك من احد انتقدك لانه ماينتقدك الا الي فيه نقص او انه احد اعداء نجاحك وخصوصا بدر صفوق

[ناصر بن مناحي]

يا ناصر انا معك والله لو تمدح امريكا وتتغزل في في بنت كلنتون

[سبيعي الاحساء]

يا ناصر انا معك والله لو تمدح امريكا وتتغزل في في بنت كلنتون

هههههههههههههههههههههههههههههههههههه

وانا معاااااااااك وارقى سنود يابو فارس وخلونا نقهر العبد صفوق