منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قصيدة رثاء في المغفور له بإذن الله / نايف بن مهدي بن وندان رحمه الله
اليوم الموافق 18/ 12 / 1430 هـ
ياتل قلبي يالونادين تلي=من يوم شفت ضلوع صدره نحايف
من يوم شفته شوفةٍ ماتسلي=كني اشوف اطراف قبره تهايف
جاني خبره اليوم ثم جيت كلي=لو الله الي موت مثله حسايف
مرحوم يالي طولته طولتلي=واف الشبور موفي الكيل نايف
ماقد نصيته قط في حاجتلي=لكن صيته فوق روس النوايف
مرحوم يالي لصعيبه يشلي=ماهوب من يبلش بشيل الخفايف
ياليت في قبره خمامٍ مقلي=منصب .. ودايم ميت الصيت خايف
مايدري ان الطيب يحتاج للي=ماراح تلقى باب بيته مسايف
حر بمداخيل المعارف يدلي=يبغى مثل نايف عديم الوصايف
يفقده من جاب الشهاده وخلي=وظاقت به الدنيا ولابه وظايف
ويفقده من شاف الحميا وذلي=واليا زبن نايف فلابه كلايف
لسبيع والاجناب لشمس ظلي=وعدٍ يروي فالسنين العجايف
رمزٍ من رموز القبيله معلي= وتشهد على فعله جميع الطوايف
مرحوم يالي دايمٍ مسفهلي=صامت ولا سولف هروجه طرايف
صامت حليم ولصعيبه يحلي=ورايه لصعبات المواضيع كايف
الله يبيحه عد وبلٍ يهلي=وعساه باليمنى يشيل الصحايف
وعساه يوم مراجعات السجلي=يغفر له الي بالمخاليق رايف
ولامات من يخر نشاماً تهلي=أعياله الي لفقيده خلايف
واختامها صلوا عدد من يصلي=على النبي وعد ما طاف طايف
ayyash.2@hotmail.com
التعديل الأخير تم بواسطة خالد بن عياش ; 06 - 12 - 2009 الساعة 08:15
أخي الكريم الفاضل الشاعر / خالد بن عياش بعد السلام جزاك الله خيرا على هذه المرثية المعبرة في / نايف بن مهدي بن وندان الله يغفر له ويرحمه ويسكنه الجنة واسلم وسلم والسلام .
اخي العزيزالشاعر/خالد بن عياش صح لسانك والقصيده مؤثره جدا والله يرحم نايف بن مهدي بن وندان السبيعي سايلن الله ان يتغمده برحمته
وان يدخله الجنه انه سميع مجيب الدعاء وهذا الرجل يحبه القريب والبعيد ومن حبه الناس فقد حبه الله والحقيقه انه فقيده على
قبيلة سبيع كافه وعلى من يعرفه تغمده الله بواسع رحمته
غير متصل
