Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 341 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 443 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 579 )           »          حساب سعر الصرف (اخر مشاركة : ارينسن - عددالردود : 0 - عددالزوار : 788 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 670 )           »          قمصان نوم تركي (اخر مشاركة : ارينسن - عددالردود : 0 - عددالزوار : 585 )           »          فستان مناسبات (اخر مشاركة : ارينسن - عددالردود : 0 - عددالزوار : 601 )           »          جلابيات مغربية (اخر مشاركة : ارينسن - عددالردود : 0 - عددالزوار : 619 )           »          ايشارب حرير (اخر مشاركة : ارينسن - عددالردود : 0 - عددالزوار : 535 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 942 )           »         
 

 
العودة   منتديات سبيع الغلباء > مـنـتـديـات الـقـبـيـلة > منتديات الـمـشـاهـيـر والقصص البطولية
 

منتديات الـمـشـاهـيـر والقصص البطولية شامل القصص والروايات البطولية لمشاهير وفرسان قبيلة سبيع الغلباء وبعض المشاهير من القبائل العربية معلومات و توثيق لتاريخ مجد اشهر رجال قبيلة سبيع


قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـبيع

شامل القصص والروايات البطولية لمشاهير وفرسان قبيلة سبيع الغلباء وبعض المشاهير من القبائل العربية معلومات و توثيق لتاريخ مجد اشهر رجال قبيلة سبيع


موضوع مغلق
 
أدوات الموضوع
 
غير متصل
 رقم المشاركة : ( 31 )
الطير الخضر
عضو
رقم العضوية : 45933
تاريخ التسجيل : 03 - 12 - 2010
الدولة : ذكر
العمر :
الجنس :
مكان الإقامة :
عدد المشاركات : 12 [+]
آخر تواجد : [+]
عدد النقاط : 10
قوة الترشيح : الطير الخضر is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 11 - 12 - 2010 ]


ناصر بن علي سالفة الفراعنه مع ال عبود معروفه

الفارعنه عينو 3 رياجيل من ال عبود ضاوي بن عرار بن عبود _ وغتار ال حماليه ال عبود _ وواحد ثالث ،،، وال عبود ناصبيم خيامهم في المهمل وشافوهم السبعان ونووهم وكان وقت العرب فيه رقاد وشافهم ضاوي بن عرار وقدهم قريب ومقبلين على شراعهم ورد لبندقه وصوب منهم 17 رجال وخوياه فالشراع رقاد تشابك عرار مع الرياجيل وطاح والريجيل اللي في الشراع جوهم الفراعنه وذبحوهم وهم رقود وهاذا الفعل ما يفخر به احد

الخنافر وال مسعود نوو ياخذون القضا من الفراعنه ولكن للاسباب التاليه ماخذو القضا !!!

1) 3 من ال مسعود كانو في السجن من قبل المعركه في قضيه تخص السبعان

2) تخوف ال مسعود من اخذ قضا موتاهم من الفراعنه فتقوم الحكومه بابقاء سجناءهم مده اطول

في السجن.

3) تخوف ال مسعود من الحكومه (الملك عبدالعزيز) خاصة وان ال عبود قامو سابقا بغزو قبيلة

الدواسر لاخذ اراضيهم بالقوه بعد توحيد المملكه مما اغضب الحكومه عليهم اكثر واكثر.

4) تدخل القضاء والشرع والحكومه في الموضوع لحل قضية الفراعنه وال مسعود وسجن من

الفراعنه 11 رجال وقامو الفراعنه بدفع الديه (ديات قتلى ال مسعود) وبالتالي فكت الحكومه سجناء

الفراعنه وسجناء ال مسعود.

وسلامتكم.


 
 
غير متصل
 رقم المشاركة : ( 32 )
ناصر علي
عضو فعال
رقم العضوية : 39152
تاريخ التسجيل : 08 - 10 - 2009
الدولة : ذكر
العمر :
الجنس :
مكان الإقامة :
عدد المشاركات : 147 [+]
آخر تواجد : [+]
عدد النقاط : 10
قوة الترشيح : ناصر علي is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 12 - 12 - 2010 ]

تقول عددهم قليل قد يكون تقول نايمين فهذا غير صحيح والرجال تذبح الرجال ولا هو بعيب كذلك الرجال تسمح في الرقاب ولايعيبها شي
وانت ياصبي ال مسعود والله ان ربعك كفو لكن المخطي مالله يعينه

 
 
غير متصل
 رقم المشاركة : ( 33 )
الطير الخضر
عضو
رقم العضوية : 45933
تاريخ التسجيل : 03 - 12 - 2010
الدولة : ذكر
العمر :
الجنس :
مكان الإقامة :
عدد المشاركات : 12 [+]
آخر تواجد : [+]
عدد النقاط : 10
قوة الترشيح : الطير الخضر is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 12 - 12 - 2010 ]

القريشي11 يقول/

ابك عيال القريشي ذبحو شيخان واجد ماهمب يذبحون دخيلهم مزبنين ابن حميد وماخذين الشرف ابل الشريف وفيهم الهملان فرسان ترثة فرسان


وانا اقول/

يالقريشي حنا اللي بعد اللي نعرف نذبح الشيخان ونمرّغ وجيه الرياجيل فالتراب ولا جات على ال حميد فرح انشدهم من فعل ال عبود في وقت الجهل ويعلمونك انشدهم من (ونيّان بن حميد) وش سوا به جعفر بن عبود اخو شيخ العتبان تركي بن حميد ولا جات على الفرسان فحنا الفرسان ومارثة الفرسان وان كانكم كاسبين الشرف ابل الشريف فحنا بعد كسبنا الشرفا ابل الشريف وعزوتنا (خيالة الشرفا الاد مسعود موسعة الحدود) ولا شانت القالات فحنا اللي نعرف نرد يالقريشي .. اما قولتك انكم ماتذبحون دخيلكم فهاذي ماصدقت فيها يالقريشي11 والله وبالله وتالله ثلاث ايمان ان ذبحة هديف بن عبود كانت ذبحة غدر وفيها سواد وجيه وهديف كان في (وجه واحد من القريشات) ودك تزعل والا ترضى هاذا الصدق وذبحة المنيع ما هيب ناموس يالقريشي :)


القريشي11 يقول/

واول مره اسمع ان في الهملان فايز اثبتها بقصيده او اورد القصه ان كانك صادق


انا اقول/

اثبت لي انكم ماخذين 90 لحيه من ال عبود على لسان الفراعنه شاعركم يالقريشي11 ان كانك صادق


ناصر بن علي تقول/

والقصيده في هديف والفراعنه وانشد عنها وعن تكملتها

وتقول/

تقول عددهم قليل قد يكون تقول نايمين فهذا غير صحيح والرجال تذبح الرجال ولا هو بعيب كذلك الرجال تسمح في الرقاب ولايعيبها شي
وانت ياصبي ال مسعود والله ان ربعك كفو لكن المخطي مالله يعينه


انا اقول/

ناصر بن علي جعل شيبانك فالجنه اخذ العلم ال مسعود 3 مات منهم 2 وهم رقود في الشراع ذبحة (غدر) وصوب من الفراعنه 17 رجال واللي صوبهم ضاوي بن عرار بن عبود ببندقه .

كفوك الطيب والعود الازرق يا ناصر بن علي وانا متفق معك يوم تقول الرجال تذبح الرجال وتسمح فالرقاب هاذا الكلام مايخالفه احد ومواقفكم مخبوره يا سبيع .

تقول (هديف المجدع) عندكم وهو غير هديف بن عبود عطنا القصيده اللي تثبت كلامك تراه ما يزيدنا الا فخر (قرم وماذبحه الا قروم) وقول معه ثبتان تراه ازين من القول اللي يتبعه نقصان وعاداتنا

يالقحاطين نقول الصدق معنا والا ضدنا!! التاريخ تاريخ ما يزعل منه احد بالعكس يبين الحقيقه :)


التعديل الأخير تم بواسطة الطير الخضر ; 12 - 12 - 2010 الساعة 16:22
 
 
غير متصل
 رقم المشاركة : ( 34 )
الطير الخضر
عضو
رقم العضوية : 45933
تاريخ التسجيل : 03 - 12 - 2010
الدولة : ذكر
العمر :
الجنس :
مكان الإقامة :
عدد المشاركات : 12 [+]
آخر تواجد : [+]
عدد النقاط : 10
قوة الترشيح : الطير الخضر is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 12 - 12 - 2010 ]

مشاركه محذوفه


التعديل الأخير تم بواسطة الطير الخضر ; 12 - 12 - 2010 الساعة 16:04
 
 
غير متصل
 رقم المشاركة : ( 35 )
ناصر علي
عضو فعال
رقم العضوية : 39152
تاريخ التسجيل : 08 - 10 - 2009
الدولة : ذكر
العمر :
الجنس :
مكان الإقامة :
عدد المشاركات : 147 [+]
آخر تواجد : [+]
عدد النقاط : 10
قوة الترشيح : ناصر علي is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 12 - 12 - 2010 ]

ياراكب حرا تذرب سنامه 000 يهوي مع الميثب كما يهوي الذيب
على الجحادر من هديف 000 0 تنومسوبه ناقلين المشاعيب

يقصد بناقلين المشاعيب الفراعنه
ويعني ان ذبحته ناموس وليست غدر وسلامتك

 
 
غير متصل
 رقم المشاركة : ( 36 )
الطير الخضر
عضو
رقم العضوية : 45933
تاريخ التسجيل : 03 - 12 - 2010
الدولة : ذكر
العمر :
الجنس :
مكان الإقامة :
عدد المشاركات : 12 [+]
آخر تواجد : [+]
عدد النقاط : 10
قوة الترشيح : الطير الخضر is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 12 - 12 - 2010 ]

ناصر بن علي يقول/

اخي الطير الخضر القريشات من اهل الخرمه ولهم من البطولات الشي الكثير مع قحطان وغيرهم وعندهم منكم عدد من الفرسان والشيوخ وكذلك السوده وال محمد وسبيع و تسعين لحيه من ال عبود قد يكون في هذا البيت شي من المبالغه وقد يقصد من ال مسعود وقحطان واما هديف الذي هو محور الحديث فقد ذبحوه القريشات عند ابلهم ولم اسمع انه كان منيع اما اعترافكم بقتل هاجد ابن سحمان وهو منيع وتبريركم انه قضا لهديف لتسترون هذه الغدره فهذا لايقبل وذبحة المنيع عند العرب عار وسواد وجه وقد قتله عرار ابن عبود وهو منيع لبادي ابن جذنان الخنافرالذي لم يقف دون منيعه ووجهه كما تفعل العرب وكما فعل بطي ابن منيره ال فاضل قحطان الذي منع هاجد ابن سحمان في معركة سابقه بعد مقتل طرجم ابن لبده
او مثل ناصر ابن سفران في معركة ثانيه الذي منع هاجد ابن سحمان بعد مقتل اخوه عقيل ابن سفران والتاريخ يخلد الافعال


وانا اقول/

يا ناصر بن علي قلت لك طال عمرك الشاعر ماهوب كاذب على لحى الرياجيل من 100 سنه ورده كان واضح وضوح الشمس في رابعة السما الزرقا يقول/

كان تطري الشيخ ماذبح في نور --- عود منيع ولا حمته العزايا

انشد الشيبان اللي اعرف مني ومنك قل ميدهم وش معنا ذا البيت هو معناه ان هديف بن عبود مذبوح وهو وجه لوجه عند القريشات السبعان والا مذبوح (ذبحة منيع) وان كان ال مسعود مثل ما قلت ذبحو بن سحمان ذبحة غدر وهو (منيع) فلا باس ولا احد بلايم ال مسعود يوم ذبحوه وهو (منيع) لانه قضا في دم هديف اللي ذبح عندكم (بالغدر وهو منيع) وهو في وجيه القريشات. اما انكم ياسبيع ذابحين تسعين لحيه من ال مسعود فو الله ما صدق الفراعنه يوم قالها حنا نعرف اللي عندكم منا ونعرف اللي عندنا منكم وقولك انه يمكن يقصد انه ماخذ تسعين لحيه من باقي قحطان الجحادر وعبيده فافعال ربعي معروفه وواضحه مثل وضوح الشمس في كبد السما وقضاهم وخذ عاد بقعا صبيِّه.

ويكفيني ابيات ابن ريفه اللي تنومسني لا سمعتها/

ورماحنا عند المدينه علامه=مركزات(ن)قبل نمرود وهشام
حتى الشريف العبدلي ابو عمامه=اللي يقلط بالعساكر والاورام
في دقل ربعي هو وابوه وعمامه=كلاهم السرحان والطير لاحام

هاذا الفعل اللي ينومس يا سبيع جعلكم تحييون اما ذبحة (المنيع) امنعونا منها ماهيب لكم !!!!!!!!!

احب اختم الكلام بأن حنا يا قحاطان حتى لو خذانا غريمنا وهو (منيع) فلا نتفاخر بأن غريمنا ميت عندنا (منيع) وانتم تتفاخرون انكم ذابحين هديف بن عبود وهو مذبوح ذبحة (منيع) وهاذي ياسبيع لحقتها لحقت عار ولا فيها ناموس الله يطول عماركم على العز والطاعه. والخزي والعار حن وياكم بعيدين منه انشالله والعار هو قتل (المنيع) وقتله لا يجوز ومحرم حتى شرعا وسلما لا سيت لا جات على الفخر والتنوماس بذبحة اللي يجي في وجهك!!! والمنيع اسمه منيع علشانه قليل حيله (اعزل).

هاذي سالفه حصلت ايام الجهل على ذياب بن هذال بن عبود هو وخاله العاطفي حول السرداح يوم شافو عمر بن بن عبيد حميد الملقب (بالمعترض) ومعه بعض العتبان وعقيدهم حنك العتيبي،،، فكانو 2 ذياب والعاطفي ضد جمع كامل من العتبان ابن حميد وحنك العتيبي و 70 فارس ،،، فقام ذياب بن عبود ونطح عمر بن عبيد بن حميد وجات البندق في ذياب بن عبود ومات وكان مع ذياب خاله الربادي العاطفي وتناطح العاطفي هو ويا بن حميد وترامو وطاح العاطفي ميت وبن حميد (المعترض) ما جاه شي وكانت خيل بن حميد سبوق وبارود بندق ذياب والعاطفي ماجا كله فبن حميد والا كان بيذبحه، راحو العتبان صوب ديارهم وخلو ذياب والربادي ماتان حول السرداح وجاو ال مسعود الباقين وكان على راسهم (معيض بن عبود) وعينو ذياب والعاطفي ميتين وراحو ال مسعود على اثر الرياجيل وعينوهم توهم وطرد معيض بن عبود (المعترض) لانه كان (عقاب الجيش) وهاذي عادة البدو من اول زعيم القوم اخرهم لا دبرو من غزيه واولهم لا غزو،،، المهم رماه معيض بالبندق ولا جات فيه جا اكثر البارود في ظهر حصان ابن حميد فطاح الحصان وطاح بن حميد وتكسّر وكان ابن حميد لونه (اسود اسمر) ويحسبونه ال مسعود (عبد) وطلب بن حميد (المنع) وجا في وجه (معيض بن عبود) وقال خلوه يال مسعود لاحدن يذبحه وكان مع بن حميد في الغزيه 70 لحيه من العتبان وعقيدهم (حنك) يوم شافو بن حميد طاح من فرسه انحاشو يحسبونه مات ولحقوهم خيالة الشرفا وذبحوهم كلبوهم ولا عود منهم لحيه واولهم عقيدهم (حنك) ورجعو ال مسعود لابن حميد وعينوه متكسّر وعرفه واحد من ال مسعود ورفع رجله فالسما وقال انت على ابن حميد حلال ولا حرام؟ علمنا بالصدق والا ذبحناك لانهم يحسبونه عبد ،،، فقال الا لا انا على ابن حميد وانا في وجيهكم لا تذبحوني ،،، ولا ذبحوه ال مسعود خوف من ان يقال ال مسعود ذبحو منيعهم وهو متكسر وفي وجيهم :) وكان ال مسعود في نفس الوقت يدفنون ماتاهم ذياب بن عبود والعاطفي وهاذا يدل على طيب روس الرياجيل وشجاعتهم وتقديرهم للسلوم والعادات،،، بعدها خذو ال مسعود المعترض وجلس عندهم لين تجبرت كسور بن حميد (عمر بن عبيد بن حميد) ورجع للربعه الحمده واول ما وصل لبيت ابوه (عبيد بن حميد) فقال البيتين التاليه/

والله لو ان الخيل مع المراح -- لا اريع الطارد مع المطرود
ياذيب ياللي تدهل السرداح -- اكل الربادي وزل بن عبود

الربادي = احد فرسان ال عاطف
بن عبود= ذياب بن جعفر بن عبود

يوم عرف ابوه (عبيد بن حميد) ان ولده كان منيع عند ال مسعود وجبرو كسوره ولا تعرضوه فزعل على ولده زعل شديد وقال ميده الرياجيل مانعينك وجيت في وجيهم وانت تقول ذا الكلام وطرده من بيته ولكن الرجال مادرى ان ال مسعود قد خذو قضا (ذياب والعاطفي) من اللي كانو مع بن حميد في الهيه (حنك وربوعه).

فردو عليه ال مسعود قالو/

يا طيور ياللي فالهوا سبَّاح -- اكلي حنك وربوعه اللي زود

حنك = عقيد من عقداء عتيبه وراح قضا في دم الربادي العاطفي خال ذياب بن عبود
وربوعه اللي زود = 70 لحيه من العتبان راحو قضا في ذياب بن جعفر بن عبود

حبيت ذكر القصه علشان يعرف بعض الرياجيل اللي في الموقع ان ذبحة (المنيع) عند القبايل (سوااااااااااااااااااااااااااااااااااااااااااااااا ااااااااد وجه) لو ال مسعود ما يعترفون بسلم (المنيع) كان قطعو راس (المعترض) بس الرجال جا في وجه (معيض بن عبود) فاكتفى معيض بن عبود بقتل (حنك وربوعه) للاخذ بدم اخوه ذياب والعاطفي وحتى لا يلحقه العار في اللي مات من ربوعه.

ارجو ان مشاركتي كانت مفيده لتبيان الحقيقه التي قد تخفى على الكثير (سواء سبعان او حتى قحاطين) ويحوفها بعض الشكوك ... وسبيع ونعم مزبنة الجاني يكفي تزبينتهم لابن ريفه جد القراقحه عبيده وسبيع وقحطان بينهم نسب وعنوه خاصة ال صامل اهل رنيه والخرمه.


والسلام عليكم ورحمة الله وبركاته .

 
 
غير متصل
 رقم المشاركة : ( 37 )
ناصر علي
عضو فعال
رقم العضوية : 39152
تاريخ التسجيل : 08 - 10 - 2009
الدولة : ذكر
العمر :
الجنس :
مكان الإقامة :
عدد المشاركات : 147 [+]
آخر تواجد : [+]
عدد النقاط : 10
قوة الترشيح : ناصر علي is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 13 - 12 - 2010 ]

اخي القحطاني الصدق وانا اخوك نورتذكر فعولكم مع الحمده اقول ونعم فيكم وفي الحمده لكن هديف الي ذبحوه القريشات واما هديف المجدع فذبحوه الفراعنه ومعه ابن الحماليه وضاوي ابن عرار صويب وصوب من الفراعنه 4 طال عمرك والقضيه قريبه وكل يعرفها واما هاجد ابن سحمان فانتم معترفين انكم ذابحينه وهو منيع واما التسعين لحيه من ال عبود فانا اوضحت لك وانت ترددها في كل مره وانا ابحث عن الحقيقه وانت كذلك
ومثل ماذكرت سابقا ذبحنا منكم وذبحتو منا غير من ذكرنا والرجال كل فيه حقه ونعم بسبيع وبقحطان وبكل القبائل وشكرا ياصبي قحطان

 
 
غير متصل
 رقم المشاركة : ( 38 )
admin
إدارة المنتديات
رقم العضوية : 367
تاريخ التسجيل : 09 - 08 - 2003
الدولة : ذكر
العمر :
الجنس :
مكان الإقامة :
عدد المشاركات : 3,450 [+]
آخر تواجد : [+]
عدد النقاط : 11
قوة الترشيح : admin is on a distinguished road
الأوسمـة
بيانات الإتصال
آخر المواضيع

التوقيت
رد: قصـة مقـتل الشـيخ/ هـديف ابن عـبود شـيخ ال مسـعود قحـطان على يـد القريـشات من سـب

كُتب : [ 13 - 12 - 2010 ]

الموضوع مقفل

والله والف نعم بكم يا قحطان

من غير قصور في لابتي سبيع الغلباء

الله يرحم من مات من الجميع ويتغمدهم برحمته وعفوه وغفرانه

ولله الحمد الذي منحنا الخير والامن والتآخي على الدين

أحب الصالحين ولست منهم = لعلي أن أنال بهم شفاعة
وأكره من تجارته المعاصي = ولو كنا سواء في البضاعة
 
موضوع مغلق

الكلمات الدلالية (Tags)
قصة القريشات سبيع قحطان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصـة تكــريم الشاعر ناصــر الفراعــنة في معرض Gitex 2008 بالتفصيـــــل ابن جعوان منتدى المسابقات الشعرية 20 07 - 05 - 2008 18:28
فقراء رنية يحلمون باستبدال عشش الصفيح راعي الجوفا أخبار مدن قبيلة سبيع الغلباء 1 18 - 02 - 2008 17:36
قصـة توبة الشيخ خالد الراشد القريشي1000 المنتدى الإسلامي 3 23 - 05 - 2006 12:56


الساعة الآن 12:55.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها