قصيدة ابن مرهب في حفل ال ابو شيبه

[ماضي المديري]

قصيدة الشاعر / عبدالله بن مرهب البقمي
القيت في حفل ال ابو شيبه في محافظة الخرمه
بمناسبة زواج شقيقه الشاعر الكبير مدغم ابو شيبه محمّد ابوشيبه
وكان حفل رائع بكل ماتحمله الكلمه
شهد الحفل تواجد مجموعة شعراء واعلامين
وكانت امسيه شعريه جميله

أبا أسلّـمْ!! سـلامٍ ينحـت الصخره!!..ويطبـع طبـعْ!!=أنـا لـي.. بالقصيـد الجـزْل!! والاّ الهـزْل ماليبـه!!
أنقّي وردْ!!من بستـان!! وأشـرب مـن زلال النبـعْ!!=وأغوص!البحـر!! للمـرجـان فالغـبـات وآجيـبـه!!
وأنا شاعر!! ولا أْجْهـل درب رجلـي وآتخبـع خبـعْ!!=أقيس الدربْ!! بعيونـي!! قبـل ماْأمشيـه وأعطيبـه!!
يومٍ الـلاش!! قَسْمـه فالمراجـل دوب ثمـنْ ورُبـعْ!!=أنـا قَسمـي!! يذريني!!عـن القيـض!! ولواهيـبـه!!
عسى!! يمناي لوماني كفو!! لاجيـت!! تِجْبـع جَبْـع!!=وش الرجّـال!! لـولا.. ماقـفـه!! والاّ مواجيـبـه!!
بأسم سَمْوَ البقوم!! إليا حضرت أحضر!! ولانـي تِْبـعْ!!=خوي الـدربْ!! لامنّـه.. دعـا!! نوفـي!! مطاليبـه!!
وأنا.. من.. روس.. قومٍ فالمواقف!! ذكرها.. بالطبـعْ!!=يشرفنـي!! ليامنّـي حضـرت.. وقمـت.. أماريـبـه!!
حضرنا ..للعواني!! لأْنهـم صَفْـوة!!.. خوال..ورَبـعْ!!=غلا مدغم!!..غـلا عايض!!..غـلا ربعـك يابوشيبـه!!
هل الغلبا!!.هـل الميقـاف!!.. يـومٍ اليمانـي جِْبـعْ!!=مطوعة الصعيب!!... ليا بطشو.. تخضـع!! مراقيبـه!!
مدلهة الغريب!!..ليـا غـدت!! عشره..ثمان..وسَبْـعْ!!=موردة الشريب!!.. ليـا.. ضمـا تصفـا.. مشاريبـه!!
فعايل هنْدهم فالروس!! أكل..منهـا العقاب!!..وَشْبـعْ!!=ولدهـم لابلـغ!! رشـده توخـى!!.. مـن مخاليبـه!!
يامدغم!! والكرم... في لابتك يبقـى!! سِمـات وَطبْـعْ!!=ياطيب النـاس!!.. لكـنْ السبيعـي!! فـارقٍ طيبـه!!
يامدغم والبناخي سِبْعْ!! لأنه.. مـن.. سلالـة سِبْـعْ!!=عروق أسبيع!! فـي دمّـه تـزود.. العـز!! والهيبـه!!
ترى!! الرجّال.. لاخبو.. خواله!! قـام.. يكبـعْ كبـعْ!!=وإذا طابـو.. خواله..كـل علـمْ الطـيـب يحريـبـه!!
وليد الضَبْعْ!!.. لوشمّـخ بنابـه.. فالنهايـه.. ضَبْـعْ!!=فكمّا.. الذيب!! لو شمّـخ بنابـه!!... راضـعٍ ذيبـه!!
عسى!! وجهٍ ماهـوب يقـدّر الوافيـن!! يِقبْـعْ قَبْـعْ!!=ماهْو.. كفْو.. المواقف!! نعنبـوه..!! ونعنبـو صيبـه!!
ولـد دَبعْ..وولـد دبعْـه.. أكيـد إن النتيجه...!!دَبـعْ!!=عساه أتلا!!..وأنـا.. ماعاد..أبـا حَشْـة.. عراقيبـه!!
لأناّ في.. محل أهل الوفا!! صفـوة.. خـوال.. وَربـعْ!!=حضرنا.. حشمـة الغلبا!!وحشمـة.. راس أبوشيبـه!!
باسم!! سّمْوَ البقوم!! اليا حضرت!! أحضر.. ولاني تِبعْ!!=أجي!!فالصـف الأول والـخـوي أوفــي مطاليـبـه!!
عسى!! يمناي.. لوماني كفو!! لاجيـت تِجبْـعْ جَبْـعْ!!=وش الرجّـال!!... لـولا... ماقفـه... والاّ مواجيـبـه

[الحر النداوي]

انها اشهد انها قصيدة جزلة من شاعر جزل

صح لسان الشاعر قائلها

وصح الله بدن ماضي المديري ناقلها


وتقبل مروري ,,, الحر النداوي

[ماضي المديري]

الحر النداوي لاهنت على المرور
والشاعر بن مرهب شاعر جزل بما تعنيه الكلمه
تقبل تحياتي وتقديري

[العاقل الحكيم]

الأخ العزيز / ماضي المديري ....

يعطيك العافيه على إيراد هذه القصيدة الرائعه والجزله .... وصح لسان قائلها الشاعر / عبدالله بن مرهب البقمي .

تقبل تحياتي ,,,,,,

[ماضي المديري]

المشاركة الأصلية كتبت بواسطة العاقل الحكيم

الأخ العزيز / ماضي المديري ....

يعطيك العافيه على إيراد هذه القصيدة الرائعه والجزله .... وصح لسان قائلها الشاعر / عبدالله بن مرهب البقمي .

تقبل تحياتي ,,,,,,

العاقل الحكيم

لاهنت على المرور العطر
فعلاً قصيده جزله وابن مرهب من كبار الشعراء
على الساحه الشعبيه حالياً ومن الشباب الواعد
والصاعد نتمنى له التوفيق
تقبل تحياتي وتقديري