يقول من لاذاق طعم المنامين × × × لا نام ولد اللاش ماطاب نومي
اعرف هل الدنيا واقدر هل الدين × × × ولا كل رجالا يسد اللزومي
وافرح ليا جاني كتاب العزيزين × × × اقدره واوقف معزه واقومي
شرواك ياداثان نسل الكريمين × × × قوم لهم في نجد عزا يدومي
تشكي لوقت قد شكوه الميامين × × × يقسي عليهم والردي مخدومي
قد ذقت ياداثان منه الامرين × × × لاارتاح في ليلي ولا ارتاح يومي
لاكن وطيته يابو فيصل برجلين × × × وابشرك تحققت لي حلومي
اصبر يابو فيصل واذكرك بعدين × × × ومثلك على روم المعالي عزومي
وليا لقيت الناس فيهم دنيين × × × خابرك ياداثان عنهم تشومي
ترتاح منهم كل ماصدت العين × × × والله يلوم اللي لمثلك يلومي
ياكثر في وقتك تشوف الرديين × × × في وقتك الطيب تراه معدومي
ولاجاك ردي ذقت طعم المنامين × × × ولارتحت ياداثان يطيب نومي
الشاعر سالم محمد المطوع
غير متصل
