امـــا حـيــاةٍ كـلـبـوهـا عــلــى عــــز=ولا فــــلا لــــي عــنــد الاجــــواد رزه

[جزل العطايا]

احــــدٍ تـحـركــه الـمـشـاعـر ويـهــتــز=واحـــدٍ سـوالـيـف الـخـطـا مـــا تــهــزه
بـعـض الـعـرب ياشـيـخ مــا يـقـبـل الـكــز=شــيــخٍ ولا شــيــوخ الـقـبـايـل تــكــزه
والبـعـض عـايــش فـــي حـيـاتـه مـــدزز=مـــن ويـــن مـــا ودك تـــدزه تــــدزه
ان قـلـت لــه ياطـيـب فـالـي مـــع الـــوز=قـــال اعـتـبـرنـي يــابــن الاجــــواد وزه
وان قـلـت لــه عـنـز عــن الـجــود عـنّــز=ويصـافـحـك لـــو تـبـتـدي فـــي مـكــزه
هــذاك لــو تسـلـب معـالـيـه مـــا اهـتــز=مـــا تسـتـفـزه لـــو تــبــي تـسـتـفـزه
ولا فــانــا يـاشـيــخ عــايــش مــعــزز=لــي هيـبـةٍ مــن فـضــل ربـــي وعـــزه
قـلـبـي واعـرفــه لا تـوحــا الـخـطـا فـــز=لحـيـث لــه مـــع عـــزة الـنـفـس فـــزه
لــو كــان نفـسـي تشـتـهـي لـقـمـة الـــرز=مـــا سقـتـهـا للـشـيـخ مـــن شــــان رزه
اعــــز نـفـســي وابـتـعــد واتــعـــزز=لا صـــارت الـدعــوى تــطــول الـمـعــزه
امـــا حـيــاةٍ كـلـبـوهـا عــلــى عــــز=ولا فــــلا لــــي عــنــد الاجــــواد رزه
احـــدٍ بـــدون مـجـامـل الـنــاس مـرتــز=واحـــدٍ ولـــو تجـامـلـه مــــا تــــرزه

الشاعر ابن ميع العازمي

[مسلط 22]

الاخ جزل العطايا سلكت اناملك على هذا النقل الموفق وصح لسان الشاعر لانه ذو اخلاق والشعر كما قال عمر بن الخطاب يعلم مكارم الاخلاق وانت سالم والسلام

[جزل العطايا]

مرحبا والله ومسهلا يا مسلط لاهنت يالقرم على المرور الذي اتحفني دمتى على خير ومحبه



اخوك/ جزل العطايا

[فتى العزه]

صح لسان الشاعر ابن الميع ومشكور على النقل ياجزل العطايا واختيارموفق وقصيده رائعه

[جزل العطايا]

مرحبابك يافتى العزه ولالهنت على المرور الطيب وسلمت

[ربح السبيعي]

لاهنت ياجزل العطايا اسم على مسمى

وصح لسان العازمي على هالقصيده الجزله والوافيه

[مشعاب]

لو كان نفسي تشتهي لقمة الـرز
ما سقتها للشيخ مـن شـان رزه



انت تمشي وحنا نمشي وراك

انت تكتب وحنا نقرأ

انت تختار و انا نستمتع


انت جزل العطايا وانا معجينك

[جزل العطايا]

مشعاب وربح مرحبابك ومسهلا بمروركم على صفحتي ولاهنتم على الردود الطيبه اللي مانستغربها من ناسن شرواكم دمتم اخوتي على خير ومحبه




اخوكم/ جزل العطايا

[المفالحه]

الف شكر اخوي الغالي جزل العطايا على هذه القصيده الراااائعه

والف شكر لشاعر على هذه الابيات العميقه وهي تحكي واقع الكثير

من الناس في الزمن هذا لللآسف

اخوي جزل العطايا الف شكر مره ثانيه

ولا هي غريبه منك

تقبل تحياتي