قصيدة زوج الشيخ / وديد بن عروج شيخ بني لام

[مخايل الغربي]

بسم الله الرحمن الرحيم

عرف لزوجة الشيخ وديد بن عروج رحمه غير هذه القصيده قولها جونا من العارض بجيش يهيفي يتلون ابن عروج مقدم بني لام ياماانقطع في ساقته من عسيفي وحمرا تقلط على الهجن قدام وبقي من ال عروج ال عروج اهل تربة حايل والقادر اهل الجوف والذي سبل جدهم مئتي نخله لابن السبيل في سكاكا

يالله ياعايـد علـى كـل مضمـاه = يامخضرن بالارض الهشيم المحايل
انت الكريـم ورحمتـك مانسينـاه = تروف با للـي دوم عينـه تخايـل
الطف بمـن كـن عينـه مـداواه = اللـي بقلبـه حاميـات المـلايـل
الوج مثل ايوب من عظـم بلـواه = واسهر ياما يصبـح النجـم زايـل
لاواحبيبي كـل ماقلـت اباانسـاه = له تفطني مـن الهجـن حايـل
واليانسيتـه فطنتـنـي بطـريـاه = شيبا ظهر من عاصيات الجلايـل
يلتاع قلبـي كـل ماحـل طريـاه = كما يلـوع الطيرشبـك الحبايـل
لاواحبيبـي سبعـة سنيـن فرقـاه = عليه انـا قصيـت كـل الجدايـل
لاواحبيبي يتلـف الهجـن ممشـاه = لامـن بغالـه نيـتـن مايسـايـل
لاوا حبيبي يسقي الربع مـن مـاه= دليـلـهـن وان تيـهـوه الـدلايـل
لاواحبيبي يرعـب الهجـن بغنـاه = مـن كثرماتوحيـه ليـل وقوايـل
لاواحبيبـي كـل قـوم ٍٍٍٍٍٍٍٍٍتنـصـاه = تلقـا ربوعـه طيبيـن القبـايـل
لاواحبيبـي تدفـق السمـن يمنـاه = يماذبح مابيـن كبـش ٍ وحايـل
لاواحبيبـي وافـيـاتٍ سجـايـاه = عليـه غضـات الصبايـا غلايـل
لاواحبيـبـي بـيـن ذولا وذولاه = خلـي بهوجـه معدليـن الفتايـل
لاواحبيبي طـاح يـوم الملاقـاه = بنحورغلبا فـوق قـب الاصايـل
الاواحبيبي طيـر شلـوى تعشـاه = قطا عة المهجة سناعيـس حايـل
ياعارفيـن وديـد ياطـول هجـراه = ياليتنـي بوديـد مـا لقـا بدايـل
خذيت اخوه ابي بـدل ذاك مـن ذاه = البيت واحـد ومـن كبارالحمايـل
عنـدي مثيلـه واحــدن كنه ايــاه = عليه مـن توصيـف خلـي مثايـل
الـزول زولـه والحلايـا حلايـاه = والفعل مهو فعل واف الخصايـل

وانتم سالمين والسلام

[أبو حمود]

الـزول زولـه وحلايـا حلايـاه == والفعل مهو فعل واف الخصايـل

الله .. الله
مشكور على نقل هالرائعه .. لاهنت ,,,

[مخايل الغربي]

بسم الله الرحمن الرحيم

المكرم الاخ مورد الهايب السلام عليكم ورحمة الله وبركاته وبعد اشكرك على المرور وانت سالم وغانم والسلام

[الليث]

الـزول زولـه وحلايـا حلايـاه == والفعل مهو فعل واف الخصايـل

الله .. الله
مشكور على نقل هالرائعه .. لاهنت ,,,

[فـــالح السبيعي]

مشكور يامخايل الغربي

قصيده راائعه جداا

لاهنت

[مخايل الغربي]

بسم الله الرحمن الرحيم

المكرم الاخ الليث والاخ ابوبندر السلام عليكم ورحمة الله وبركاته وبعد اشكركم على المرور بالقصيده وانتم سالمين والسلام

[منصور الحري]

مشكور يامخايل على النقل المميز

[ابن عفتان]

بيت له مكانته
وتشكر علي النقل المتميز

[ابن عفتان]

الـزول زولـه والحلايـا حلايـاه=

بيت له من المعاني الكثير

وتشكر علي النقل المتميز

[وافي السبـيعي]

الله الله عليك اخي \\مخايل الغربي


تسلم والله يعطيك الف عافيه تسلم يمناك

وصح لسان الشاعر


دايم تتحفنا اخي الفاضل بما لديك من قصائد طيبه