منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يالله يامنقذ برحمتك طايعك=وعاصيك نفسه في عذابك غريقه
وديع ونفوس البشر من ودايعك=تطلب رضاك ومن عذابك شفيقه
يامن ردع يوسف من الذنب رادعك=طالبك مسكنا عراك الوثيقه
ويالادمي كثر لربك تضرعك=فارضه وجوه والبحور العميقه
وازرع وتحصد فالنهايه مزارعك=وحاول تصير غصون زرعك وريقه
متبوع واجهد قبل يلحقك تابعك=ويفتل عصب جسمك وتلتف سيقه
أد الفروض وحسّن اسوى طبايعك=وتبع هدا اللي جعلنا من فريقه
وطلب من مشفع شفيعك يشفعك=فاحبابك اللي بك صلتهم عريقه
وحصن بصر عينك وحصن مسامعك=ضد الأغاني والصور والمسيقه
والناس لاتشكي عليها مواجعك=تشكي وهي تلحق عليها لحيقه
وان كان بيدك ماتحقق مطامعك=اليوم ماينفع رفيقٍ رفيقه
أن كثر مالك شفت كلاً يطالعك=وكلاً يحطك لإجل مالك صديقه
وأن قل شفت اقرب قريبٍ مقاطعك=مايلتفت لك لو تطيح بحريقه
وغلا اصدقاك اللي منول تشجعك=يذوب ذوبان الحلا في بريقه
ويبقا الغلاء اللي مع هل الدين يجمعك=حتى ولو شح الزمان برحيقه
ناساً بصحبتهم تعلاّ روابعك=لنفس عزيزة واليماني طليقه
لو كان تحصيهم علا روس اصابعك=تغنيك من صحبة كثير الخليقه
والنفس عودها القناعة بواقعك=وتصير لدروب المعالي عشيقه
وصبر ودربٍ ياسع الناس ياسعك=ورزقك على الرب اتساعه وضيقه
والناس فيها لاتصدق توقعك=انواع مثل انواع نبت الحديقه
احدٍ ليا حتجته وجيته وقف معك=ياقف معك ويسنعك في دقيقه
واحدٍ يبي يقضي لزومك وينفعك=وعيا يباريه الوفق في طريقه
واحدٍ كريه ولانصيته يروعك=شكله ومنطوقه وقشر اتعليقه
وان اشتهى سنع لزومك وسنعك=قومة جمل لو ثـقل حمله يطيقه
وان ماشتهى ضيع لزومك وضيعك=حتى ولو انك ابن عمه شقيقه
وعنده سلوب يسمّحك به ويقنعك=وتسمح على ساسٍ كلامه حقيقه
فيه الزمان وفي حلاياه خادعك=فيروس كبد وغدتين وشقيقه
وناسٍ تشنف بالسوالف مسامعك=وتحسب مشاعرها اتجاهك رقيقه
ولاغبت قامت بالسنتها تقطعك=تقطيع سكين اللحم فالعقيقه
تبغي تنزل من مقامك: ويرفعك=قضبك لدينك والسلوم العتيقه
جود وظفر وخلاق ترفع مواقعك=ياحر ياللي كل نايف تويقه
غير متصل
