{ ملحمة قبائل سبيع الغلباء }

[مسلط 22]

قال الشاعر سعود بن مسند المجمعي السبيعي في تكملة الملحمه الرائعه
فعولكم ما والله احصي عدادها وخذيت ماضيها من الشيبان
ومن بعدهاباذكر فعول القبايل واخصهم بالفعل والبيان
قبايل في المملكه مشهوره نشدلها بالسر والاعلان
في كل دار حقها من رجالها والاوله تختص بقحطان
قبيلة يوم الجهل معروفه وافعالها مضمونة ضمان
من بعدهم شمرهل العز والشرف شمرجمال الشيل بالوكدان
اقولهاوالله على مااقوله الشمري يدين مايندان
اماعنزه من ماضي الدهر واخره قوم تهدم سيد الحيطان
قلت عنزه واقول نعم اللابه من ساس وايل نعم بالويلان
وقبيلة العجمان لاوصل عدها ياويل من تلوي به العجمان
قبيلة منها الشجيع الفارس ياجاهلين اسمه فهوراكان
واما الدواسرناطحين الغاير ماهمب في يوم اللقاء شردان
وبني رشيد اهل اليدين الطليقه ياكم فرقوامن جملة الخلان
لاجاء نهار فيه عدل ومايل بين العزاوي هن والاديان
اما بني مره فمر حالي مروين حد المرهفات سنان
اما الظفير مظفرت من عنالها قوم على الجيره لهم حنان
واماالسهول اهل الفعول الوافيه اللي وردهم راجع ظميان
لادارهم ذيب العشاء ما صادهم يدوج ويعود وهوجيعان
والادالعتيبي هل فعول قديمه لاثار عج وكاضمات اعنان
ذباحة الحايل عسام العايل الاد العتيبي لابة ظفران
محدن دخل حد العتيبي وهازه الاعقب ماياخذاستئذان
اماقبايل حرب لاوصل عدها تشهد معي بفعولها البدوان
نطاحة البارود ساعة يحتمي وفعولها بنين على سيسان
ومطير لاجت بالزعل والتحدي كل القبايل خافوا المطران
واذكر بلي بلوا على كل عايل واماجهينه فاعرف الجهنان
اهل الجمايل في نهار الدبايل في ظلهم تريح الرعيان
وسليم ما حي رعى بحماها ولاكل جمع ينطح السلمان
وبني عطيه محتمين الرديه لاجاء نهار يفخر الكسلان
واماالشراري بالشجاعه يماري وفعولهم يثبت لها وجدان
والحارثي محراث نار حاميه وهذيل لاعدومع العمران
وغامد الى عدوا رجال الشجاعه رجالهم ياتيك لو حفيان
وان سلت عن الاشراف لاوصل ثقلهم هم الرجال اللي لهم عنوان
يانعم يالاشراف وانتم هل الشرف ولايجحد الشجعان كود هدان
اماالبقوم اللي تعرف العاني سم على كبدالمعادي لان
امابني شهران لاوصل عدها فالناس كل يعرف اشهران
اما قبيلة يام يوم المعارك ياكم غدى في دقلهم هموان
وعسير عسرين على من هازهم وكم واحد من ضربهم خمدان
والاحمري والاسمري والقرني منهم الى حتى بني زهران
اما بني مالك فهي معروفه والبارقيه هم واهل جيزان
اما بني شهر لاوصل دورهم ذكرتهم بالفعل مع شمران
وياناس ياللي ماذكرت اسماكم والله ماخليتكم حقران
وهذا الذي قلته وعد لساني ارجوالمغفره منك يارحمان
الله يغفر مامضى من ذنوبي ارجيه ماغيره لنا لجوان
والسلام

[الشمالي]

الملحمة هاذي هل هي في كتاب سوالف الطيبين للحضبي والا لا

[مسلط 22]

الملحمه تنشر لاول مره وقد نقل بعضها الحضبي في مجالس الغلباء من هذا الموقع وشكر الناقل في المجالس وقدحاز موقعكم هذا السبق في نشرها لانكم تستاهلون كل علم غانم والسلام

[أبو يزيد]

	قال الشاعر سعود بن مسند المجمعي السبيعي في تكملة الملحمه الرائعه ----------------------------------------------------------------------------------- فعولكم ما والله احصي عدادها==== وخذيت ماضيها من الشيبان ومن بعدهاباذكر فعول القبايل==== واخصهم بالفعل والبيان قبايل في المملكه مشهوره==== نشدلها بالسر والاعلان في كل دار حقها من رجالها==== والاوله تختص بقحطان قبيلة يوم الجهل معروفه==== وافعالها مضمونة ضمان من بعدهم شمرهل العز والشرف==== شمرجمال الشيل بالوكدان اقولهاوالله على مااقوله==== الشمري يدين مايندان اماعنزه من ماضي الدهر واخره==== قوم تهدم سيد الحيطان قلت عنزه واقول نعم اللابه==== من ساس وايل نعم بالويلان وقبيلة العجمان لاوصل عدها==== ياويل من تلوي به العجمان قبيلة منها الشجيع الفارس==== ياجاهلين اسمه فهوراكان واما الدواسرناطحين الغاير==== ماهمب في يوم اللقاء شردان وبني رشيد اهل اليدين الطليقه==== ياكم فرقوامن جملة الخلان لاجاء نهار فيه عدل ومايل==== بين العزاوي هن والاديان اما بني مره فمر حالي==== مروين حد المرهفات سنان اما الظفير مظفرت من عنالها==== قوم على الجيره لهم حنان واماالسهول اهل الفعول الوافيه==== اللي وردهم راجع ظميان لادارهم ذيب العشاء ما صادهم==== يدوج ويعود وهوجيعان والادالعتيبي هل فعول قديمه==== لاثار عج وكاضمات اعنان ذباحة الحايل عسام العايل==== الاد العتيبي لابة ظفران محدن دخل حد العتيبي وهازه==== الاعقب ماياخذاستئذان اماقبايل حرب لاوصل عدها==== تشهد معي بفعولها البدوان نطاحة البارود ساعة يحتمي==== وفعولها بنين على سيسان ومطير لاجت بالزعل والتحدي==== كل القبايل خافوا المطران واذكر بلي بلوا على كل عايل==== واماجهينه فاعرف الجهنان اهل الجمايل في نهار الدبايل==== في ظلهم تريح الرعيان وسليم ما حي رعى بحماها==== ولاكل جمع ينطح السلمان وبني عطيه محتمين الرديه==== لاجاء نهار يفخر الكسلان واماالشراري بالشجاعه يماري==== وفعولهم يثبت لها وجدان والحارثي محراث نار حاميه==== وهذيل لاعدومع العمران وغامد الى عدوا رجال الشجاعه==== رجالهم ياتيك لو حفيان وان سلت عن الاشراف لاوصل ثقلهم==== هم الرجال اللي لهم عنوان يانعم يالاشراف وانتم هل الشرف==== ولايجحد الشجعان كود هدان اماالبقوم اللي تعرف العاني==== سم على كبدالمعادي لان امابني شهران لاوصل عدها==== فالناس كل يعرف اشهران اما قبيلة يام يوم المعارك==== ياكم غدى في دقلهم هموان وعسير عسرين على من هازهم==== وكم واحد من ضربهم خمدان والاحمري والاسمري والقرني==== منهم الى حتى بني زهران اما بني مالك فهي معروفه==== والبارقيه هم واهل جيزان اما بني شهر لاوصل دورهم==== ذكرتهم بالفعل مع شمران وياناس ياللي ماذكرت اسماكم==== والله ماخليتكم حقران وهذا الذي قلته وعد لساني==== ارجوالمغفره منك يارحمان الله يغفر مامضى من ذنوبي==== ارجيه ماغيره لنا لجوان ============================================== الاستـــــــاذ/ مسلــــــــط22 بيض الله وجهــــــــك......والف شكر على تكملة هذه المعلقه وهذه الملحمه التاريخيه وبيض الله وجه شاعر المعلقه الثامنه /سعودبن مسند السبيعــــــي

[الشمالي]

بيض الله وجهك على ذا القصيدة الزينه يامسلط

لكن فيها بعض الملاحظات :

وألا العميره أهل الشرف مانسيتها
والصندلي فعله على برهان
مايقالهم ال العميره يقال لهم لاد العميري او ال العميري والبرهان او بريهه عيارة لهم فياليته يعدلها



ربعي بني وأولاد عامر
قبايل ٍ يرجح لها الميزان
من يعني باولاد عامر ؟ هل يعني جماعة العماني ام يعني عامر جد بني عمر والبرهان ام انه يعني عامر بن صعصعة جد سبيع كلها


وش خلاه يجيب الرشايدة والشرارات والهتمان
وش خلاه يجيب الاحمري والشهري وصفر سبعة
ياليته ماطراهم ومادام ان القصيدة مابعد نشرت فعدلوا فيها الاغلاط وخلوا الحضبي ينشرها مصححة

ومنا بني سوّاد نعم اللابه
ألاد السويدي لابة ٍ ظفران
همه هل البل لاهل البل غيرهم
ياكم سعوا يوم الجهل قطعان

والنعم بالسودة لكن ليش يقول همه هل البل لاهل البل غيرهم

وين راحت ابل سبيع وين راحت ابل المجامعة والفراعنة والملوح وبني ثور والقريشات والمشاعبة والجهوم وغيرهم هذا غلط كبير


وقال يمدح بني ثور
لاصاح صايحهم يجونك جنودهم
ولاناحروا لا كنهم عميان
اهون ماهنا ذبحة العمى ليا ناحرك هذا مهوب مدح جزل

وقال عن ربعك بني عمر
يمطر برد مافيه قطرة ميه
وش قطرة ميه هذي مايقولها بدوي صححوها وخلوا الشاعر ينقحها قبل ما تنتشر

[مسلط 22]

الاخ الشمالي ال العميره غلط مطبعي والصحيح ماذكرت اما ربعي فناقصه عند الادخال خطا والصحيح ربعي بني عمر والاد عامر والمقصود الحداريه والادعامر مثل ماذكرت جماعة العماني والصندلي مايقصد يعيره بل يقصد انفعله عليه برهان اي شاهد اما بني ثور فيقصد انهم لايردهم شئ مهما عظم
وبدون قصور باهل البل من سبيع ولكن السوده يستاهلون من اجل البل يغزون الصيعر وتقبل فائق الشكر والامتنان والسلام

[مسلط 22]

الاخ الشيخ الشمالي السلام عليكم ورحمة الله وبركاته وبعد افيدك بان الشاعر من حفظة القران الكريم وكلمة قطره عربية فصيحه جاءت في القران وختاما تقبل فائق الشكر والامتنان والسلام

[مسلط 22]

المكرم الاخ ابويزيد السلام عليكم ورحمة الله وبركاته وبعد جزاك الله خيرا على هذا الاطار الجميل للقصيده وجعلك ذخر للغلباء والسلام

[أبو يزيد]

الاستاذ القدير/مســـــــلط22

اشكرك على جهودك المباركه والقصيده وضعتها

فى الاطار كمايليق بوثيقه تاريخيه اما من ناحية

تعديل الاخطاء المطبعيه فهذا من صلاحياتك انت

والاستاذ/مخايل الغربي حفظكم الله ورعاكم.....

صوره مع التحيه للاستاذ/الشمـــــــالي

[مسلط 22]

الاخ ابويزيد القصيده بها عدة اخطاء اعرفها ولكن لااعرف طريقة التعديل لاني حديث عهد بتقنية الحاسوب والسلام