السلام عليكم ورحمـة اللّـه تعالى وبركاته
معلقة الشاعر :شاعر الثقلين- شاعر الجزيره - شاعر العرب -
شاعر الملاحمّ -ملك الشعر - شاعر الارض - مارد الشعر - شاعر الأقصى - سلطان القصيد -شاعر القرن - الشاعر المعجزه -
سبع الشعر
نـاصر الفراعنه
وأترككم مع القصيده
الف ليـل مـع الزيـن ليـل وليـل""مع سوى الزين عن الف ليـل وليـل
ليلي الزين ينقص مـع الثلـث ثلـث""وليلي الشين ياخـذ مـع الليـل ليـل
يا حمـد لا جـواب لمـن لا سـأل""ولا به احد بيعطى وهـو مـا سـأل
بسـم (مفردعلـم)لا يعـرف بــأل""ويل ويله علـى فجعتـي عزرئيـل
ليت مـن يسـأل الهاشميـة سـؤال""كيف امسـى بـلا حـال حـال وآل
عذرها ويش اذا جاء يـوم السـؤال""عند من لا عزب عن عيونه ضئيـل
جـادل علقـت فـي خفوقـي خبـل""مثلهامـا خلـق لا بـعـد لا قـبـل
جادل بحـة الصـوت منهـا تهبـل""من شـذا زنجبيـل ومـا سلسبيـل
يعقد السحر منهاعلـى اربـع حبـال""سحر من كل ما لا خطر لـي ببـال
زلزلتنـي ولا زلزلتـهـا الجـبـال""اشعم الشمع الاشعـل واكـن السبيـل
كم على العيـن منهـا قضيـة قتـل""حي ابو شـارب لافتلـت لـه فتـل
ظبية التل تلت حشـا الجـوف تـل""فـي غنجهـا ختـل قاتـل للقتيـل
فاتـر اللحـظ منهـا سبايـا تتـال""سرجتهـا المنايـا لـيـوم القـتـال
يا حمد لو تبـي تهلـك اول وتـال""غضة الطرف منها بمضـرب فتيـل
شمعلانيـة مثلـهـا مــا مـثـل""مثل مـا قـال راع المثـل بالمثـل
سندس مـن كسـا نـورس امتثـل""يـا مثـل لا يمثـل بمثلـه مثـيـل
نصفها نار والنصـف نـور مثـال""ومن سنا نورها الساري اقرب مثـال
بارق في سمـا نجـد الـه امتثـال""استخيله وانا صـوب بيضـا نثيـل
يا رجل انت لو شفتهـا فـي عجـل""اقسـم بربـي فـلا تشيلـك رجـل
وكان ما جابت آجلك مانـي رجـل""وان تجاوب حجـل كـل واد هجيـل
عندل صال عنهـا حديـث وجـال""ما لقى الحسن مع حسنها لـه مجـال
فتنـة للنسـا خـل عـاد الـرجـال""تزرع الشك عند الف جيـل وجيـل
اكحلا ما ذكـر يـوم حطـت كحـل""كيـف بالله تبـي مثلهـا يكتـحـل
كيـف بالله والكحـل وهـو الكحـل""يشحذ الكحل منهـا لطـرف كحيـل
مثلهـا لابتعـد لـه تشـد الرحـال""صفوة الخمس بين الرشـا والمحـال
نقوة الست مـن كـل حـال وحـال""سابعة سبـع مـن عالـم المستحيـل
في (.....) دخيـل بوجهـي دخـل""لافترش صدر صدر وصدر خذ وخل
يا حمد لو طلع فـوق راسـي نخـل""ويش فيها ارض جردا وسقاها مخيل
آه ويلـي وويـلاه تكفـى يـاخـال""شفـت بالخـد منهاسميـك ياخـال
حب خال على الخد منهـا استخـال""واستخلته بدم عين مـا هـو بخيـل
في حشا الصدر منهـا حمـام هـدل""حط فينـا مـع الهجعـه ولا عـدل
بـه علـى طلـع رمانتيـن استـدل""من سبل ذيل شقرا غذوا لـه جديـل
في تمايل جسدها وهو فـي اعتـدال""شكل حرفين جـن عكـس دال ودال
ولااعترض شفت رقم اربعة لا جدال""تقل عن كل عظم اعطي غصن بديل
سابق السيف منهـا العـذل وانخـذل""دونها عاهـل جـاب شعـر القـذل
نفث ساحر مراكـش وحطـه جـذل""بيـن حـرة ثقيـف وحـرة هذيـل
ما درى ان الهوى بذل ليـس ابتـذال""فطـرة بيـن غمَـر قلـوب تـذال
نشـوة تجعلـك بيـن وامـن وذال""سامية ما تخلي مـن الـراس ذيـل
آه يا مـن لهـا هـاش قلبـي ورلَّ""واتشقلـب عليهـا تشقلـب غــرلَّ
نبضةالقلـب منـي بصـرخـة درلَّ""كن ينفض عظامـي عليهـا دريـل
تقل فـي داخلـي شغلـوا سنتـرال""لا تذكـرت اسـم ربـوة الميتـرال
انتهض مثل جنـدي رأى الجينـرال""لأسم من جدولت حجـة فـي بريـل
فتنة منـذ مـاض الأزل لـم تـزل""موطن الحسن من حيث تنـزل نـزل
عزلـة المعتـزل بابتسامـة غـزل""تقلب الأرض طول وعرض وتزيـل
صدرها في ارتحال وهو في انتـزال""خصرها في اكتمال وهو في اختزال
وركها في اجتماع وهو في اعتـزال""في جزالة هزيـل وهزالـة جزيـل
فتنـة زلـت الأنبـيـا والـرسـل""مـرّ ترياقهـا فـي عيونـي عسـل
حبها غاسـل مـخ ناصـر غسـل""عادة الحـب للمـخ الابلـج غسيـل
مع سفر وجهها وادي العرض سـال""دونها البيض من فيض غيض تسـال
ما عقب نوم طاهر جسدها اغتسـال""وكوثر الخلد مع مـا عرقهـا يسيـل
آه يـا ليلـة صحـت للقلـب شـل""شل معي شلك الله مـن قلـب شـل
صوب عذرا بيدهـا عطتنـي وشـل""بنهشـل مثلنـا مثـل نـاس هشيـل
يا حمد من بسفع مـن الليـل شـال""لعنبـو لايمـه يـوم غنـى وشـال
شاف من لبست الليل بشـت وشـال""من على نور يدها قرت مـا تشيـل
ليتنـي مـن كتـاب بيدهـا فصـل""حرف ولا على الحرف همزة وصل
يا حمد ان حصل شي او ما حصـل""قدرها هو هو لوّ مـا مـن حصيـل
بس دقيقة وصـال ولـو بأتصـال""غاية القصد لو فوق صفـر تصـالَ
حصة الغوص من خالصات الخصال""صدت العوص من دونها بنت اصيل
ساد منها هل السـرد والشـرد ظـل""بردة المرد والجرد مـن ذي الفضـل
قارىء الورد بالنرد فاضـل وضـل""يوم ضايل على الخد منهـا مضيـل
من صفا هي شفا كـل داء عضـال""آية تاب مـن حسنهـا كـل ضـال
ما تجي الا بمية عام مـن النضـال""وجت لي بفضل ربي بشهر فضيـل
ما وطت بارض الا مطرهـا هطـل""صدرها طفل يسمـع بقصـة بطـل
مستقـل مـقـل مـظـل مـطـل""اهيف الوسط منـه بعـذاب مطيـل
فتنة طـال بالعمـر منهـا المطـال""قصر الله بها عمر مـن قـد اطـال
صدر,ردف,وبالوسط وسـط مطـال""دائرة,دائرة,بينـهـن مستـطـيـل
كـل خـد برمـش كسـاه استظـل""خـاف لا تحرقـه شعلـة لا تظـل
فالجبيـن تعلـق نارهـا وبتـظـل""بالفلق عذتها مـن هضيـل نضيـل
لو مشت في خلا قفر خالي مضـال""ما به من الونس فضلة مـن فضـال
شفت من حولها الفين ضولة تضـالَ""ضولوا كود انا دون ضولي مضيـل
جـادل يـا حمـد بالفعـل بالفعـل""بأسم ولا فعـل هـي قـول وفعـل
لو بيوم ادري منـي بيجيهـا زعـل""ياحمد مـت قبلـه مـع اول رعيـل
ربة الحسن طود علـى راس عـال""كوكب يشتعل فـي سمـاه اشتعـال
لو بيـد بـس تحدتـه قالـت تعـال""لطفى واختفى مـن معـال ومعيـل
جـادل مااستغـل الهـوى تستغـل""اشـرب الغـل منهـا واقفـي بغـل
حركـت خافـق ميـت واشتـغـل""وذيرت فـي خفوقـي نعـام بغيـل
غاليـة وافتدوهـا ثمانيـن غــال""ضاحكـات الليالـي عليهـا تغـالَّ
هيه من وين للقلـب عنهـا انشغـال""وهو لها عن سواهـا بشغـل شغيـل
هبـت الريـح منهـا هبايـب نفـل""سكرة ساهـر العيـن معهـا غفـل
طفلـة والفـت فـي خفوقـي طفـل""كل لغابت جفل مـن محلـه جفيـل
وهي بعد كل ما غاب جاهـا جفـال""من حراير هل الغرب الاقصى غفال
كني اسمع بجوفـي طبـول احتفـال""لااقبلت وانتهض (عامر بن الطفيـل)
يا حمـد ثقـل صـدق لقالـوا ثقـل""بالمقـل لـو تطالـع سفيـه عقـل
كـم الـى رحمـة الله منهـا انتقـل""من فقيد بحد سيف طـرف صقيـل
تعطي الموت فـال فكيـف العقـال""وصفها(ولـكـل مـقـام مـقـال)
فوق ما قـد يقـال(و) ومـالا يقـال""مثلهـا مـا يوصـف بقـال وقيـل
بالشكل مـا علـى شاكلتهـا شكـل""واهج الشـوق اكلنـي عليهـا اكـل
اببعض بعض فاقت حسن كـل كـل""وحاربت(حاشد)مـن بهاها(بكـيـل)
اتكالـي علـى الله فيـهـا اتـكـال""فـي عـزوم اليهـا ومنهـا تكـالّ
لو هواها علـى مـن هواهـا نكـال""ولو يكيلون لـي جايـر الهـم كيـل
أيها الربع هـل مـن سنـاء طلـل""جادك الغيث لا غيث خطـب جلـل
كن تساقـط مزونـه تساقـط هلـل""لا نفض مشلح المزن فوقـك شليـل
مـن جـلال دقـاق دقـاق جـلال""في الرعد منـه يـذّن ثلاثـا بـلال
كن تتابع نصوبـه جيـوش احتـلال""لجل خاطر سنا مع صهيلـه صليـل
شاعر جا يبي وصفهـا وش عمـل""شافها ومات ما كمـل اربـع جمـل
حظ مـن ليـس لـه ناقـة اوجمـل""من هواهـاولا بالامـل سـار ميـل
غاية في الـدلال آيـة فـي الجمـال""كاملـة كـل ولله كــل الكـمـال
من بدت له شمـال يصلـي شمـال""راهب شاف مـن ذا جمـال جميـل
اشرف الساقي من التراقـي مـن ال""غاليـة غـادة الغيـد لا لـم انــل
وصل مخمورة اللحظ لحظة ف(نـل)""يا فـؤادي مـن الهـم مـا لا انيـل
طالت القاصـرة واستحـال المنـال""ويل ويلي متى من (طـلال) بأنـال
مـن عـدو ننـال الصحيـب ننـال""دونه ابرص وحقرص ومقرص ونيل
باتمنـى وبعـض التمنـي جـهـل""يا حمد ليـت اهلنـا واهلهـا اهـل
في وعر في سهل صعب ولا سهـل""لو علي ابعد من الجدي عـن سهيـل
عند من حسنهـا شـد بـالا وهـال""نظـم لاميتـي يبتـهـل ابتـهـال
بميـة زدتهـا سبـع سبـع تـهـالّ""انقص الما وازيد اشقـر البـن هيـل
جادل عـن سواهـا بعينـي حـول""مااصخت الضحك مع نخولة كل خول
غمـزة العيـن منهـا تزلـزل دول""ويل ويلـي عليهـا وويلـي وويـل
جـادل حاربـت بالعمـام الخـوال""يا حمـد مختصـر سالفتهـا سـوال
وش طوال قصـار قصـار طـوال""رح لها واتعرف وش قصير طويـل
يا حمد صابني طلـق بنـدق عيـل""يا حمد حل موتـي ولا مـن حيـل
إنه(و) حكـم مـن لا بحكمـه ميـل""مير قم سوّ قبري ثم اعـول عويـل
صبوا الدمع فوقـي سـوات الخيـال""وشقوا الثوب فوقـي وقـل للعيـال
لاادفنوني يصيحـون عشـرة ليـال""عقبها روعـوا فـي خليـل خليـل
وصح لسان شاعرنا : ناصر الفراعنه
وأنشاءاللّــه تحوز على رظائكم
ودومتم سالمين
غير متصل
معلقة الشاعر الكبير : ناصر الفراعنه
