منتديات الـمـشـاهـيـر والقصص البطوليةشامل القصص والروايات البطولية لمشاهير وفرسان قبيلة سبيع الغلباء وبعض المشاهير من القبائل العربية معلومات و توثيق لتاريخ مجد اشهر رجال قبيلة سبيع
رد: قصيدة { النسب } المشهورة للشاعر / محمد بن عليثه الصنادله
كُتب : [ 12 - 03 - 2009 ]
اقتباس:
المشاركة الأصلية كتبت بواسطة عايش ابوليل
السلام عليكم ورحمة الله وبركاته
هذه قصيده من إحدى روائع الشاعر الراحل ابن عليثه اسكنه الله فسيح جناته!
والقصيده أشهر من نارٍ على علم خصوصا عند سبيع الوديان وفيها بيت كثيرا ماسمعنا يردد
على مسامعنا حين قال ..
جعل النسيب اللي يهاوش نسيبه=تهوشة اللي سمها بآنيابها
وفيها ابيات في الحكمه والنصح أترككم معها آملا التدبر في معانيها الج ــــزله !
يقول منهو بالمثايل تهيض=مثايلٍ عندي مفاتيح بابها
مثايل بين النشاما طريفه=ماهي خراميط كثير عيابها
اول كلامي بآبتدي ذكر الولي=رب كيرم والعباد أعتنابها
اللي على سبع السموات معتلي=لاسمعت دعوى المؤمنين استجابها
يوحي دبيب النمل في ليلة الدجى =في ليلة ظلمى ولا ينسرآبها
وهو اللذي في العظم يكسر ويجبر=وهو اللذي غيب الليالي درآبها
فيالله يالمعبود ياقايد الرجى =ياعالم والنفس عندك حسابها
لاجاء نهار فيه الاعمال تنورزن=وسيئات عبدك قربولك كتابها
ابيك تغفرلي ذنوبي وزلتي=ياربي اني داخلك من عذابها
فياجاهل الدنيا ترآها مغره=غيابت محدٍ درى وش غيابها
كم فرقت من شيخ قوموربعه =فكاكة الانشاب لاجاء أكتئابها
وتوجدوله وجد من فاخت النضآ=وخلوه في دار بعيدٍ سرآبها
اول جفايا هجمة شمخ الذرى=جرآلهاصادوف غزوٍ غدابها
خذوها سباع الليل نوابة الخلا=كل ابلج درب العدا قد عدأبها
فأنا يوم اقيس في الرجال وشفتها=يابعد مابين العوادي ومابها
الاسم واحد والمعاني تختلف=مختلف الانواع حتى جوابها
فيهم نقال الحكايا ربادي=هذيك يوديها وهذيك جابها
شباي في وجه الرفيق الموالي=لاجت من العدوان غيره شقابها
واليا تكلم لأهروجه خائعه=لاهيب تبدأ ولا ينبدآبها
دايم كبيح الوجه يشتم ويلطم=لاعود الله ليلته يوم جابها
هذاك لامن مات ماهوب يفقد=حيثه خساره للردي وش بغابها
وفيهم كمى البذات لوكان واجد=لاهيب تلاهيب لاتقضى ولا ينقضى بها
وفيهم سلاطينٍ وفيهم خناسر=والارماث لاتسقي ولا ينسقآبها
وفيهم كمى نجم الشمال المسمى=وباقي النجوم تضيع اللي سرآبها
دايم للربع حزة اللين والقسى =يشيل الخساير مايحسب حسابها
يصبر على شيل الحمول الثقيله= لاهابها ولد الردي مايهابها
وفيهم اللي لاجاء المحاضي يرثوله=ماهيب تؤخذ حجته لاألتوابها
وفيهم كمى سيوف الهنادي المزرفه=تحسى لحزات بعيد عقابها
لاجاء نهار فيه ناقص وزايد=سيوف الهنادي طلعت من جرآبها
واحد من الانساب ياجاهل بهم=لاتؤخذ بنته ولا ينهقآبها
يتاض ولد اللاش من غيض بنته=واليا اصبح الخايب تطوى زهابها
فجنب عن العالات واترك نسبهم=عقب النسب يصبح كثير طلابها
عسى النسيب اللي يهاوش نسيبه=تهوشه اللي سمها بآنيابها
واحد من الانساب ياجاهل بهم=مثل الجبال تزبن اللي بدآبها
انسابنا نعطيهم الخيل والنضى=وتحى خلايف نومها اللي دفابها
واللي يخلي واجب ابن عمه=حقه من الدله توالي إسرابها
قلته وانا من لابةٍ مسميه=صنادله تشكى العدأ من حرابها
واين صاح صياحٍ بنات السبيعي=صيحاتنا على العدآ يدعى بها
واليا لزمنا مسرعات المضارب =نرمي العشى لطيورها مع ذيابها
وأختامها مني صلاةٍ على النبي =اعداد ماسار القلم في كتابها
رد: قصيدة { النسب } المشهورة للشاعر / محمد بن عليثه الصنادله
كُتب : [ 27 - 05 - 2009 ]
مشكور وما قصرت ولا هنت
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
غير متصل
رد: قصيدة { النسب } المشهورة للشاعر / محمد بن عليثه الصنادله
