إعتماد إنضمام السهول للمزاين وإضافتهم في الشعار

[كشاف]

نحن قبيلة واحده في السراء والضراء واسأل الله لهم التوفيق

[إبن عجيان]

المشاركة الأصلية كتبت بواسطة كشاف

نحن قبيلة واحده في السراء والضراء واسأل الله لهم التوفيق

حناااا والسهول ربع ورفاقه هاذا شي مافيه شك


لاكن اذا حنااا قبيله واحده ليه مايكون شعار المزاين باسم قبيله سبيع
فقط واسم سبيع يشمل السهول وباقي قبايل سبيع مثلهم مثل الباقين من سبيع



لاكن ؟؟؟؟؟؟؟؟؟؟؟؟؟؟؟

[طالب الغفران]

رد : إعتماد إنضمام السهول للمزاين وإضافتهم في الشعار

مشكور أخي النايف والله يعطيك العافيه علي النشر

الله يحي ربعنا السهول في مزاين سبيع وهم ابنا عمومتنا ومنا وفينا

والله خبر يفرح الصدر وعلي العز والمعزعه والتقوى دوم أن شاء الله

[احمد احمد]

السلام عليكم ورحمة الله
رغم تحفظي على المزاينات بشكل عام والسبب مايخفاكم واكيد كل واحد بينه وبين نفسه يعرف اننا من المرجح نكسب ذنوب اكثر من مكسبنا للحسنات. رغم هذا اسمحوا لنعرتي القبلية تظهر يا جماعة واسمعوا وش بقول لكم.
اذا بغيتوا مزاينكم ينجح ويصير له صدا فعليكم بالاعلام والاعلام فقط والدليل يا اخوان ان مزاين قحطان كله كوووووووم وقصيدة القرقاح كوم. تم عرضها بشكل جيد وجميل وانا من الناس الي اول ما عرفت ان سبيع تنوي اقامة مزاين اول شي طرا علي قصيدة القرقاح.
الشي الثاني لا تنسون ان قبيلتكم قبيلة بدو والبدو صفتهم الثقل وعدم المطامر والمراقص لاننا باختصار ما تعرف له. خلوكم ثقاااال عشان يصير شغلكم مرتب.
الشي الثالث لا تهتمون كثير وش الناقة الي فازت ومن هو الي فاز ترى الموضوع اكبر من ناقة زينة وبعير سنامه منفهق. ترى البدو الي غير مثقفين حتكون هذي نظرتهم ولا احد يلومهم بس انتم ياالي تعرفون حتى النت وتعرفون الكفت ترى الموضوع مثل الي يروح يتصور عند الاستديو عشان يقدم على دائرة حكومية لو يصور وشماغه على شنق ما احد رايح يقول له شي ولكن اذا عدل العقال وكان مرتب ملابسه كان شكله احلى مع ان الشخص هو الشخص. باختصار افهموا با بدوا ان الموضوع (كحل عيون) ولا تروحون تهتمون بالعارين ترى هذا فقط جزء بسيط من الصورة
الشي الثالث لابد من دعوة شعرا وشخصيات مهمة من خارج سبيع وتكريمهم بدون زيادة بدون زيادة يا بدو لا تسوون فيهم كانهم مثل رؤساء الدوائر الي يجون في ديار البدو من زود التكريم يتحول الموضوع الى ضعافة. اياني واياكم يقول لي واحد سبيع اهل كرم تراني اعرف ها الشي وجميع القبائل تعرف ها الشي
وغيره يا معشر البادية الاحباء الله يخرجنا من نفق ها المزاينات
اعذروني ان ضايقت اي شخص

[سحاب السوده]

أحمد طرحك واسلوبك يدل على سوء أخلاقك وعدم مرعاة شعور الغير مثل (باختصار افهموا با بدوا ان الموضوع (كحل عيون) ولا تروحون تهتمون بالعارين ترى هذا فقط جزء بسيط من الصورة) أسلوبك ساخر ولا أظن أحد يتقبل منك نقدك إذا كان عنده شهامه وما هكذا تورد الابل المشكله أنك تصف الناس بأنهم بدو ومتخلفين ومايفهمون وأسلوبك يدل على أنك بزر