يا سلامي على الغلبـاء سلام (ن) يقـال = قدر منّـا علـى السبعـان وأعيانهـا

[صقر بجيله]

أول القول يا الله يـا رفيـع الجـلال=تحفـظ المملكـه والامـن باوطانهـا
شرقهـا غربهـا وجنوبهـا والشمـال=عاشـت المملكـه بالخيـر عمرانهـا
واحفظ العاهل اللي سيرتـه بالكمـال=مالنا غيـر ابـو متعـب وسلطانهـا
سادت المملكه والله عطاهـا الجمـال=واحتوت شرعة الاسـلام باحضانهـا
أمّنت من سكن فـي بيدهـا والجبـال=حسب ما جاء فـي السنّـه وقرآنهـا
رحمـة الله عـدد كثبانهـا والرمـال=وعـدد منبـت الاشجـار واغصانهـا
وين ابو تركي اللـي ظمهـا بالعـدال=يبصر الدولـه اللـي شيّـد اركانهـا
بعدها يا وجوه الخيـر جُـلّ المثـال=عد ما شالت الانـواء علـى امتانهـا
يا سلامي على الغلبـا سلامًـا يقـال=قدر منّـا علـى السبعـان واعيانهـا
واجبه قالها شاعر علـى كـل حـال=بالنيابـه عـن المـلّـك وشيخانـهـا
لا حضرنا وجينا مثـل هـذا المظـال=ننسـب القالـه العلـيـاء لعمانـهـا
حي هذا الكمال وحـي هـذا الرجـال=حـق يـا عـزوة الغلبـا وميدانـهـا
للتواريـخ وقفـه مـا عليهـا جـدال=بيّـنـت للقبـايـل جــل حقانـهـا
يا هل العشر يا اهل المقدره والفعـال=مـا تطيـر الصقـور الا بجنحانهـا
اشتركتـم بتوحيـد الوطـن والنظـال=دورة ايامـهـا تشـهـد لسبعانـهـا
طلتم الطايله ما شـي عليكـم محـال=الشهـادة لـرب الكـون شجعانـهـا
جاركم من كرمكـم راح همـه وزال=يوم صكـت عليـه الجـور بيبانهـا
والحقيقه هل الغلبا سمـاء مـا تطـال=بالكـرم والشجاعـه طالـت ايمانهـا
مدحكم حق واجب بعد جالـه مجـال=يـا بيـوت السعـوديـه وعمدانـهـا
انا ماني بجاهل فـي نسبكـم واسـال=معـدن الاصـل والنسبـه لعدنانـهـا
في نسب سيّد الخلق الشرف والوصال=قالهـا سـيّـد الكونـيـن ولسانـهـا
كلمة الصدق ما فيها شكـك واحتمـال=الشهامـه ضناكـم وانتـم اخوانـهـا
ادري المجد له سلّم صعيـب المنـال=حي دعـوى قبيلـه وارتقـى شأنهـا
شاعر المملكه ناصـر كريـم السبـال=نعلن الفرحه اللـي واجـب اعلانهـا
جيت داعم لراع المعرفـات الجـزال=عشت يـا شاعـر الحكمـه وبيبانهـا
افرحي يا بـلادي وابشـري بالقبـال=والبسي حلّـة تزهـي علـى الوانهـا
وانا ما جيت ابي في كلمة الحق مـال=جيت امثـل بنـي مالـك وعنوانهـا
جيت باحساس صادق والامانه تـلال=جيت مرسـول قيفـا شيمتـه صانهـا
جيت ابارك واهني يا هـل الاحتفـال=وانتم اهل الجمايـل وانتـم اعوانهـا
شعبنا مثل سيـلا لـه وكونًـا ثقـال=لازدحـم يطفـي الفتنـه ونيرانـهـا
كلنا شعب واحـد بيـن عـمٍٍ وخـال=مـا تقـر الكـفـوف الا بميزانـهـا
في ذرى القايد اللي يكتمـل فالنـزال=عاش صقر العروبه عـاش شيهانهـا
وادعـي الله يجنبنـا عيـال الظـلال=اللهم ادحـر اهـل الظلـم واعوانهـا
وان حصل قصر ياهل الخير والا كلال=اعتبـر روح زايـد بيـن حبانها

[خيَّال الغلباء]

أخي الكريم / صقر بجيلة السلام عليكم ورحمة الله وبركاته وبعد : أرحب تراحيب المطر أنت وقبيلة بني مالك العريقة وعموم قبيلة بجيلة وأنت هل المعروف والواجب وفي كل دار حقها من رجالها وصح لسانك مليون ولا يكفون والكاذب ملعون وشاعر الوطن / أبو فارس يستاهل وأنت كفؤ وأهلا للطيب ومعكم بالأفراح إن شاء الله :

شاعر المملكه ناصر كريـم السبـال
= نعلن الفرحه اللـي واجـب اعلانهـا

جيت داعم لراع المعرفـات الجـزال
= عشت يـا شاعـر الحكمـه وبيبانهـا

افرحي يا بـلادي وابشـري بالقبـال
= والبسي حلّـة تزهـي علـى الوانهـا

وانا ما جيت ابي في كلمة الحق مـال
= جيت امثـل بنـي مالـك وعنوانهـا

يا حي والله يالفال والقبال وأهلا هيل عد السيل وأصالة عن نفسي ونيابة عن إخواني أبناء قبيلة سبيع بن عامر الغلباء نرحب بك وبقبيلة بني مالك العريقة وعموم قبيلة بجيلة هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .

[صقر بجيله]

اخي الكريم / خيال الغلبا .................................................. ....................المحترم
السلام عليكم ورحمة الله وبركاته............... وبعد :
انا لم اقل الا الصدق وسبيع قبيله عريقة ولو قلنا في مدحها دواوين نبقى مقصرين
وما نا صر محمد الفراعنه الا شاعر الجميع ويستاهل التصويت والدعم
وهذه القصيدة بنيتها على اساس حفل البارحة الخميس ووجدت المنظمين لهم وجهة نظر اقنعتني في العدول
عن اظهارها اثناء الحفل
وهي هدية مني لاهل الغلباء جميعا ولابناء بني مالك جميعا ارجو ان تنال رضاء الجميع وتقبل تحياتي
ااخوكم / زايد المالكي ( صقر بجيله )

[خيَّال الغلباء]

أخي الكريم / صقر بجيلة زايد المالكي السلام عليكم ورحمة الله وبركاته وبعد : شكرا جزيلا لك مرة ثانية وأنت وبني مالك إخوان لنا وبيض الله وجهك عند مولاك يوم تبيض وجوه وتسود وجوه على هذه القصيدة الجزلة الرائعة في شاعر الوطن والثقلين الكبير / ناصر بن محمد بن فارس الفراعنة السبيعي وقبيلته سبيع بن عامر الغلباء وهديتك مقبولة وبلغ سلامانا إلى إخوانك أبناء قبيلة بني مالك البجلية العريقة هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .

[خالد الشماسي]

بيض الله وجهك وصح لسانك مليون



ما عليكم زود .. وقفتكم مع فرعون الشعر سيكون لها تأثيرا ايجابيا في التصويت



لا هنتوا

[صقر بجيله]

خالد الشماسي

الله يوفق الجميع وانتم تستاهلون كل خير ولا عليكم زود يا الغالي

[عبيد ابو شيبه]

صقر ابجيله

صح لسانك وبيض الله وجهك ولاعليكم زود

ومرحبابك في هذا الصرح الشامخ

[صقر بجيله]

عبيد ابو شيبه

ان شاء الله نشوف شاعر الثقلين وهو متألق وراجع لنا بالبيرق

[صامل الميقاف]

مشكور وما قصرت والله لا يهينك

[lion1430]

مشكور وما قصرت ولا هنت