قصيدة الشاعر / الشيخ حمود ابن مفرح ابن فرحان الرويبي السبيعي
في الشيخ زيد المليحي
يامرحبا وثن التراحيب يازيد
ترحيبتن تبدي ويبدي قمرها
يامرحبا في ليله الفطر والعيد
الي بدا بهلالها اول شهرها
يالي كسبي الطيب في كل تمجيد
طيبك تبين ونتشر مع بشرها
مافي ارددها بكثر التراديد
تكفي الاشاره والمغني عبرها
يامرحبا بالي قريبين وبعيد
بالحفله الي كل طيب حظرها
ترحيبتن مالي وراها مقاصيد
الا الغالى الي حاضرن في سهرها
مليح فالجد الرويبي تواكيد
جد الرويبي في كتابه حصرها
ونا هل العادات في كل تشديد
وهل الكرم لاجت ليالي عسرها
يوم الجهل ومصافقات المواريد
نركب على خيلن سنودن ظهرها
بشلف تصد اهل القلوب الملاهيد
كبد المعادي تشتكي من خطرها
نحمابها العرب امهات المفاريد
سود ومغاتير قصيرن وبرها
نرعابها وقوم المعادي مجاليد
ترعا الشفاء والعرق محدن قهرها
مرن محادير ومرن مسانيد
والخيل تحماها وتحما سبرها
تفرح بنا خلجن خذوها المقاريد
وقفو عليها مبعدينن سمرها
قمنا على صفرن صواريخ للبيد
وترايعت لعيالها من سفرها
حذف الجنايز قدمها تماديد
في معركها يوم ثور غبرها
الله يرحم ميتين الاجويد
الي غدو يوم الجهل في سكرها
وكم من عقيدن حافنا يبغي الفيد
خذنا ركابه ارجع في ظهرها
ونجدد التاريخ والعهد تجديد
يدريبها الي مادرا عن خبرها
وسبيع كلن له فعول ومجاهيد
وفعالهم عند القبايل خبرها
حامين وديان النخل بالعباريد
وسيوف هند مايوني خطرها
لانوهو بالحرب قامو مجاهيد
ضرباتهم تفضى الجبال وصخرها
ضرباتهم فيها بروق ورواعيد
خيل خياله والبرد في مطرها
وحظوظهم يوم الحرايب مساعيد
كم من قبيله ذوقوها مررها
ومحددين ديارهم باتحاديد
الدار يرسي في ذراها حجرها
واليوم في كحم السيوف المجاريد
كلن يهاب وينهزم من نحرها
سيوف ال سعود الي تقص العجاريد
تقص راس الي يدور قشرها
وهاذا كلام الصدق مافيه تقليد
والكذب مايبني بيوت عمرها
وصلو على الجاهد الشرك تجهيد
على الرسول الي جنوده نصرها
غير متصل
