وينك يا طويق

[مروّض]

كل عام و الجميع بخير...

بعد أبتدي و استعيذ من الشياطين=سلام تسليم طيب بلا نهايه
نويت اباخذ مع اهل العرف تمرين=و اعرف من طويق مضمون الحكايه

أخلصوا عليّ

[طويق]

[مروّض]

حيّاك الله يا طويق...استلم

لا شفت نفع الحجر لا تسكن الطين=و الرجل يعرف بمنطوقه و رايه
الطير ما ينفعه كفخ الجناحين=لا صار جوّه ميادين الرمايه

الهمام ...الهمام

[طويق]

عقب القسى يامروض عودت لـين *** مـع دورة الـوقـت تنـهد البـناية
عان العرب دوك في الديرة مقيمين*** دقوا لهم في عمود البيت راية

[المولع]

اسلم اسلم

صحت السنتكم واستمرو نبي نستمتع

انا في صف طويق

والا اقول مروض والاتدرون ابي اتفرج بس

[مروّض]

أشكرك يا المولع على مرورك و تشجيعك...

استلم يا طويق..

أحد تحدّه نواميسه على الزين=وأحد يقول السما هذي سمايه
لا كبر حب الهبايب يزعج العين=ياليت ابو زيد تكفيه الوصايه

العجل.. العجل

[طويق]

مراحب يامروض

مضمون زرفك يبان من العناوين *** ماعاد يحتاج تفصيل الرواية
لكن هالحين يالطرقي على وين *** صبرت صبرٍ بما فيه الكفاية


تحياتي

[مروّض]

الظاهر يا طويق ان الدار خاليه...
ما فيها الا أنا و أنت... ولا وش رايك..

استلم..

الصاحب اليا لقيته يوفي الدين=أحسّب لخطوتي و احفظ غلايه
مرّيت بير الادب و القوم عجلين=لكن ما شفت من يروى ضمايه

وينكم يا الصفوف...ما أسمع الا صوت المولع لحاله..عساه يسلم..

[عابر القارات]

مروّض
طويق

متابعينكم الله لايهينكم

مروض حلقي من كثر ماغني في الصف تقطع

هذا فيصل دوت نت مشجع وحلقه تقطع

[طويق]

لاهنت ياعابر القارات يامال العافية

خلوووووها ....... استلم يامروض :