ريالين إتصال
للشاعر:مدغم أبو شيبة السبيعي{سمي الزعفران}
للحـزن ساحـاتٍ بصـدري مثـل ساحـات القتـال
فيهـا الاصيـل مـن المـهـار تـعـوّد بخيالـهـا
ولا يطفـي حـر مابـي مـن حـرايـق وأشتـعـال
الا الدمـوع اللـي مـن عيـونـي يـهـل هلالـهـا
لازال فيـهـا دمعتـيـنٍ لـلـفـراق ولاتـــزال
ذكـرى هنـوفٍ كـل يــوم أحطّـهـا وأشتالـهـا
راحـت عسـى الله مايلحقنـي مشاريـه الـرجـال
تقـول كنّـي ماخلقـت مــن الـتـراب الاّلـهـا
عـزّ الله أنّـي مانسيـت أفعالهـا بنـت الـحـلال
لـعـل ربــي مايجـازيـهـا بـســو أفعـالـهـا
أكبر جريمـه ترتكبهـا فالهـوى مـن وسـع بـال
هــذي ضحايـاهـا بقلـبـي شـيـدوا تمثالـهـا
وشلون تهجرني وأنـا مالـي علـى الهجـر أحتمـال
وشلـون تهملنـي وأنـا مانيـب أطيـق أهمالـهـا
وشلـون تقطعنـي بسيـف البعـد قطّـاع الوصـال
وأنا لـو أقطـع عـرق قلبـي ماقطعـت اوصالهـا
وشـلــون ماتشتاق,,ماترحم,,ماتذكر,,مـ اتـسـال
وشلـون ماتطـلـق يـديـنٍ كبـلـت iiبأغلالـهـا
وشلـون مايـطـري عليـهـا لاتفـيـت فالـظـلال
متشـبـثٍ لاوقـفـت جنـبـه قـعــد بظـلالـهـا
مكسور خاطر والسوال أعـووووذ مـن ذل iiالسـوال
يامـا أنتظـر مـن بـرج هاتفهـا يبـث iiأرسالهـا
لكـنّ مـال الآدمـي حيلـه لامـن الـحـظ iiمــال
الميلـه اللـي فـال ربـي خيـر لـه مــن فالـهـا
هـي افقدتنـي مـن هنـا .. وأنـا فقـدت الاتصـال
مـن يــوم راحــت لارسايلـهـا ولا iiجوالـهـا
ياقـسـوة الايــام والـحـظ الــردي والاتـكـال
علـى مقولـة ( للمواقـف والـلـزوم ارجالـهـا ii)
يالله دخيلـك مـن تردّايـة نصيـب وشيـن iiفــال
من حيـرة آمـري ليـت عنـدي حيلـةٍ iiوأحتالهـا
أن أرخصت قدري وطاحـت قيمتـي والهجـر iiطـال
قولولـهـا تـتـرك مكابـرهـا وتـاخـذ iiبالـهـا
أنا من اللي فوق .. فوق و فوق .. فوق و عال .. عال
تركـد ويركـد عمّهـا معـهـا ويـركـد iiخالـهـا
لاوصـلـت للـحـد هــذا لانـقـاش ولاجـــدال
تبـعـد وتنـكـف الامــور دقاقـهـا وجـلالـهـا
لو المفارق صعـب والنسيـان ضـرب مـن الخيـال
ارخـاي راســي لايــروق الـهـا iiولايحلالـهـا
احفـظ لهـا قيمـة غلاهـا وأنتظرهـا مـن iiشمـال
وإذا نستـنـي هــذي الدنـيـا وهــذا حـالـهـا
أمّا أني أنساها .. نسى الله مـن نسـى ذاك iiالقبـال
ياااااصـبّ روحـي صـب دلتّهـا علـى iiفنجالـهـا
قولولهـا لاستخسـرت فينـي ريالـيـن iiأتـصـال
تهـدي علـى ( جمعيـة الصـم البـكـم ) جوالـهـا
غير متصل
