منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه القصيده قلتها في مزاين الابل عند سبيع في محافظة رماح عام 1424ه
عند الشيخ مسلم بن سعد ابوثنين
آمل ان تحوز على استحسانكم
بسم الاء له اللي فرض على البشر شهر الصيام=ابداء بذكره خالق الاكوان رب العالمين
رباً تنام الناس وعيونه تعالى ماتنام= سامع دبيب النمل منشي وسط الارحام الجنين
رباً تعيش بقدرته وبنعمته كل الانام= رباً شرع خير الفضائل كلها للمسلمين
رباً عطانا الطيبات وبين اصناف الحرام=في محكم كتاباً تغذا به نفوس المؤمنين
ربي بعد شكرك وذكرك للحضور ازكا السلام= من مهجتي نفحة تعابيره تعم الحاضرين
سلام ياربعي سبيع اللي لهم قدر ومقام= يا عزوتاً نفخر بماضيها على مر السنين
يا عزوة الغلبا هل النخوه مقابيس الظلام= يا اهل المواقف والفعول اللى مشاهدها تبين
تشهد لهم حم الشعاف اللي حدوا عنها الخصام= ياما كسبناها وصرنا دونها حصناً حصين
تامن بنا السرفات وان شفنا الخشوم ام العرام=دون العشائر نرخص الارواح والدم الثمين
حنا حماها با السيوف اللى يقصن العضام=صطواتنا تجعل مغاوير المعارك مذعنين
نضرب بها المرباع لاطاح المطر شرقاً وشام=ترعى الحيا وانا على حدب الرماح معنزين
ويوم السنين الاوله خذنا من لعليا السنام=خذنا سنام المجد من قمة فعول الاولين
يوم السنين اللى تبين ابها المواقف فى الزحام=وحنا حما داراً تهقواها نفوس الطامعين
حامينها بسيوف هنداً تصحي عقول النيام= وهدف الرماح اللى مضاربها تضد المعتدين
وزوداً على ورث الجدود اللى خذينا با الحسام= خذنا الحفر ورماح برماحاً توردها الايمين
داراً نزعنا ملكها رغم المشاهير العظام= ماجت بحب اخشوم اخذناها بفعل الصاملين
لاللحصرذكرت واحد من فعولاً كا الوسام= لي الفخر في ذكر وقفات الجدود السابقين
وعقب الفعول الجاهليه تشهد جيوش الامام= حنا سند عبد العزيز اللى به القاسي يلين
اهل الولا واهل الوفاء حنا سند حكم ونظام= اهل العقيده ماتغيرنا علوم العابثين
وتظرب بنا الامثال فى الجيره ومدات الكرام= وحنا معسفت المهار وللمعالي معتلين
ودخيلنا يامن لياجا في حجانا مايضام=وخوينا عند القسى يلقى بنا خير القرين
ولاانقص امجاد القبائل لاتوليت الكلام= في منبراً قدمي مداغيش النشاما جالسين
في كل ديره حقها وانا رموز الاحترام= مانهضم حقوق القبائل وان هرجنا منصفين
اقولها في حفلتاً يجذب سناها كل عام= فيها المزاين والمنافس بين سموا الطيبين
فيها رجالاً سخرو للبل جليل الاهتمام= قطعانهم من حول نبراس العلا متمركزين
وفيت يا رمز الوفا ما يلحقك والله ملام= يا بو ثنين اللى نثرت المال لجل الغانمين
وفيت يا راعي فعولاً ما يغطيها الكمام= جوايزاً تصرف مثل صرف الذهب للفايزين
نفخر بطيبك يا مسلم يابعد كل الليام= شيخاً رفعت النا شراع العز رغم الحاسدين
يابن الشيوخ اللى لهم بين العرب قدر ومقام= نفخر بكم يا عزوة العشوى على مر السنين
وان ما فخرت بمثلكم ترى على الدنيا السلام= وانتم شيوخاً للمعالي والمكارم وارثين
وصلوا على خير البشر وازكا التحيه فى الختام=واليا دعيتونا ترانا في طلبكم حاضرين
غير متصل
