أبدي بذكر اللي فرض دين الاسلام = اللي بسط ارضه وثبت وتدها
واللي رفع سبعا وسيعات وعظام = ثم استوا في صيغةٍ و أفتردها
وقيض لناملوكا عزيزين و كرام = الاسرة اللي صدق عزت بلدها
باطهر بقاع الارض للدين حكام = المملكة من صار فيها حمدها
جاها معزي تشتكي جور الايام = وغنت له البيضا ورفرف سعدها
الخيل تصهل واسبق الجيش درهام = وسيوف هند ما بقت في غمدها
عقدين مع عقدين ساهر ولا نام = حتى ربت ثم انهضت من مهدها
وبرت من الاسقام واطياف الأوهام = وحدد قبايلها وولف عددها
وصارت لنا دولة بعد ماهي أقسام = عيون خيرٍ من توازى وردها
وصارو عيال العود للدين خدام = حامينها من كل طامع قصدها
واليوم في حكم ابيض الكف ضرغام = زيزوم عرب كل عيطى صعدها
أمة محمد تأملت فيك الاحلام = تبري مواجعها وتنقض عقدها
قدام يا حامي حماء الدين قدام = أنجدد لك البيعة ونافي بعدها
ريف الارامل والثقالا و الايتام = غيث المزون اللي يدندن رعدها
جعلك بخير كل عام بعد عام = وينجيك من سوالليال و نكدها
وأنا من الغلبا مطبقة الاحكام = قبيلة معروفة بصم يدها
على العهد وافين من عصر دهام = مواقف التاريخ محدن جحدها
وعداد من صلى فروض الله وصام = صلو على شفيع الامة سندها
أخي الكريم / عافك الخاطر بعد السلام صح لسان الشاعر / باني بن فايز السبيعي وسلم نبضه وبنانه وإعتلا شانه وشكرا جزيلا لك على نقلها والله يحفظكم ويرعاكم واسلم وسلم والسلام .
غير متصل
قصيدة الشاعر / باني بن فايز السبيعي
