منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ايوالله افزع مع سبيع واعنزها = لاصار مافيه في الديوان سبعاني
كلمة وفا قلتها في وجه لامزها = ولاهمني لو يضيق افلان وافلاني
عوايدي احفظ العليا لمحرزها = ولاجامل الناس والغلطان غلطاني
طيبعة ثابته في الروح كانزها = يوم(ن) بعض العرب بالحق بلشاني
وسبيع ماهي بحاجة احد يبرزها = تاريخها شاهد في راس ماباني
قبيلة عزها الله ثم عززها= بافعال قوم(ن) على العدوان شجعاني
وفعايل الطيب لايمكن تجاوزها= من شان يرضى من العربان تعباني
واللابة الي يبي الغماز يغمزها = روس(ن) على ربعهم ماهم برعياني
قصدي ابو اثنين لامن ثار مكنزها = شيوخ الجمالين من ماضية الازماني
شيوخ قديمة تمركز في ماراكزها = شيوخ لها في مقام العز عنواني
ماعابها عايب بالبهت ينبزها = مادام هي راس والكرعان كرعاني
حقيفة واضحه يعتز حايزها = ويموت بالغبن منكرها والاحزاني
ماطال من روسها ولاطال منجزها= ولاوصل ماوصلته في كل ميداني
أخي الكريم / مجازف السلام عليكم ورحمة الله وبركاته وبعد : شكرا جزيلا لك على نقل هذه القصيدة الجميلة للشاعر الكبير / عبدالله بن ضويحي اّل ناهض الصخابرة الدوسري صح لسانه وسلم نبضه وبنانه وإعتلا شانه واّل أبو اثنين شيوخ من شيوخ أهل سنان وعنان ويستاهلون والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
