ياحمود بن قاسي تقدم مايذل الا الذليل

[مندوب سبيع]

السلام عليكم ورحمة الله وبركاته,,,,,

الليله ليلة جمعه ماعندنا دوام نبي لنا طاروق حماسي يدفينا من البرد
والمجال مفتوح لحمود ولغيره.



ياحمود بن قاسي تقــدم مايذل الا الذليل

.................................في منتدى الغلبا يجي لعلومنا صــــوت وصدا


جود حزامك يالسبيعي لاتحــيد ولاتمــيل

................ ..............اما تعــــلا في كـــــرا والا تهـــف امـــع الـــهدا

[مندوب سبيع]

وشلون يالربع مافيه احد
والا قومكم البرد؟؟؟؟؟؟؟

الليل

[حمود الحقي]

وعليكم السلام ورحمة الله وبركاته....
الليله من ليالي السعد توكل على الله والمعذره على التآخير

جيــتك لا كن اظـن يامنـدوبنا حمـلك ثقيل *** الله يســتر يالسبيعي لاتــكب المـــــنتدا

انته توصيني وانا في طرقتي ماابغى دليل *** مير المهم ارسم هدفنا وابد ياذيب الندا

[مندوب سبيع]

احسب حسابك ياوسيع المعرفه ليلك طويل

......................والليل مايسريبه الخــــواف وضعــــيف الجدا


السيل جاكم منتـحي والبرق يبرق فالمخيل

......................ماضنــــتي ينجيك من منحـــاه بابٍ موصـــدا

[ابو زيد الهلالي]

طاروق بدايته تبشر بدفاء

صحت السنتكم

[مندوب سبيع]

صح بدنك
ابو زيد الهلالي ابشر بالدفا

[حمود الحقي]

اجل بدينا ليلنا واكشف حسابات العمــــيل *** حنا بعيدين المدا وانتـــم بعيــــدين الــــمدا

ياصاحبي قال المثل فالوقت مايخدم بخيل *** وانكان طاري لك طــواري قلــت لاوالله بـدا

[حمود الحقي]

مرحبابك يابو زيد

[مندوب سبيع]

ياربعنا طول زمنكم واستعدو لرحيل

..................الله يسهل دربكم واللي سريتوبه فدا

ترا القيامه قربة ماباقياً غير القــليل

..................اما تعشــــاكم عشا والا تغـــداكم غدا

[حمود الحقي]

رحيلنا دونه ذحاح الموت والسيف الصقيل *** يــــاربعنا لـــيه الــردا منتــــم بتــــلابة ردا

ياما تجمـــلنا بكم لاكـــن مافيـــــكم جـــميل *** اثـــــــر البلا فقلــوبكم وكبودكم فيهـا صدا