مساجلة بين فيصل بن سلطان الدويش وعلي الأزمع أبو ثنين
--------------------------------------------------------------------------------
يقول فيصـل ابن سلطان الدويش ...
حنا نزلنا في طرف ساقان = غصباً عليكم ياعلي .
قمنا ورعينا عشبة الصمان = في مرتع دايم خلي .
في شف شقح تدهل الجيان = لا سمعت الصايح تجي .
ياويل من جاء يمة المطران = مغلوب لو انه قوي .
يشوف خيل فوقها فرسان = بصمع ولاهيب تهفي .
زيزومها وشيوخها الدوشان = نطيحهم دايم شقي ..
وهذا رد الشيخ / علي الأزمع ..
.. ياطارش لا جيت ابن وطبان = مهوب فالمـــرتع هني ..
حنا رعينا العشب في الصمان = ونرعى مويتل هم نجي ..
غصبً عليكم ياولد سلطــــان = وتجنبــــــــون أم العجــــي ..
في شف وضحى تدهل الجيّان = مقياضها عد(ن) عذي ..
أبشر بخيل فوقها سبعـــــــــــان = خيالها ماله لـــــــدي ..
بتشوفها بالنور لا من بــــــان = والنصر من عند الولي ..
وبعد هذي المساجله غزا علي الأزمع بمن معه من سبيع على مطير ودارت بينه وبينهم معركه قويه قتل فيها القريفه شيخ البدنا من مطير الذي استمات على ان لا يأخذ علي من ابله وابل ربعه شي وقد قال فيصل الدويش حول هذي الحادثه
جانا علي وفي يده مفراص
= وعيا على تال المغاتيري
منها القريفة طاح فالمداس
= وخلي لعكف المناقيري
......