قــــصــــر الـــــعـــــز

[هاجد صنيدح]

للــــــعز ياقصـــرٍ علــى ضــــــــف وادي = في شارع الوادي طوالٍ مبانـــــيه
قــــــصرٍ لكــــل النــاس ظــــله ينــــــادي = كلٍ تظلل فيه من ضل راعــــــيه
قصـــرٍ تشــوف بــه الحضر والبـــــوادي = قصرٍ ليا جيته جميع البشر فيــــه
قصــرٍ غـــلاه بمهجــتي وبـــــــفـــــوادي = قصرٍ أحبه حيل بالحيل وأغلــــيه
ماهـــو مـــثل غـــيره ولاهـــوب عــــادي = قصر الامير اللي بعيده هقاويـــــه
أمــير نجـــد اللـــي يضـــد الــــمعـــــادي = يالله عسى ربي يمــــتع ليــالـــيـــه
لعـــــل مايلـــبس علـــــيه الـــــــحــــدادي = ولعلنا بالعـــين دايــــــم نراعيـــــه
ودون الوطـــن نثـــني كلام وكـــــــــادي = لاحتاجنا عيبــٍ عليـــنا نخــليـــــــه
هــذه بلــدنـــــا غـــير كـــــل البــــــلادي = الشرع فيها من تعلا يوطــــــــــيه
بيـــــدٍ أمـــــينه ماتجـــــيها الايـــــــــادي= اللي تخرب كــل شــيٍ وتنهـــــيه
في ظــل ابو متعـــب هــنانا الرقــــــادي = القائد اللي هــم شعبــه يقــزيـــــه
ذخـــر الوطـــن ذخر العرب والعبــــادي = ذخر الجميع وكل شعبه يحيــــــه
لاجـــــى نهـــارٍ فيـــه كـــثر العنــــــادي = الراي رايه ويش ماقال نوحـيـــه
ولاجـــى نهـــارٍ فــيه ثــار الــــزنــــادي = عهدٍ علي لافديه لافديه لافــــديه
بالــــــروح وبدمـــي وشـــربـــي وزادي = هذا كلام الشعب كله وانا أبديـــه
وولـــي عـــهده دون شعــبه يــــفـــــادي = يرخص لشعبه كل غالي ويعطيه
وياهـــــيه ياراع الفــــــتن ويــن غــادي = خل الفتن ياهــيه ياهــيه ياهيـــــه
تدعو لخراب الدين باســـــم الجهــــادي = غاوي ومن يتبع طريقك تغويــــه
ماعنــدك الا الكــــذب ويا الـــــــدوادي = تكذب وتبهت جعل كذبك تلاقــيه
تحســـبك في لندن ركبت الشـــــــدادي = تحلم بشيٍ منــت كفــوٍ تسويـــــه
غرتك نفـــسك تحسب أنــك قيــــــادي = تضحك على الجاهل بكذبك تمنيه
حاقــــد وخايـــــن للوطــن يالربـــادي = الدين يــبراء منــك والله يــبريـــه
وجــــهك غشـــاه العاركـــله ســـوادي = حتى المداوي ياولـــد مايداويــــه
وياهــــل العقول النـــيره والرشـــادي = الناشئه تحتاج نصحٍ وتوجــــــيه
توحــــدو الوضــع يبغـــى أتـــحـــادي = ومن هـــس منـــا لازم انا نقديــه

[فـــالح السبيعي]

هاجد بن صنيدح السبيعي

صح لساااانك

وطنيه جميله جداا جداا ويستحق وطننا الغالي

ومليكنا المحبوب وولي عهده هذا الحب والولاء لله ثم لهم

بيض الله وجهك أخوي هاجد

وسلمت لنا هذه القريحه التي أمتعتنا بالجزاله من راعيها

دمت بمحبه

[((ابوحمود))]

صح لسانك وبيض الله وجهك

[صقر العوامر]

صح لسان الشاعر وتسلم على القصيدة الطيبة

[ربح السبيعي]

صح لسانك ياهاجد بن صنيدح



على هالقصيده الجزله والرائعه



سلمت ودمت

[خالد الشماسي]

صح لسانك أخي هاجد بن صنيدح



قصيدة جزلة كعادتك


دمت ودام ابداعك

[الحرألأبيض]

أخي الكريم/هاجد ابن صنيدح

سلمت وسلمت أفكارك التي أنجبت

لانا هذه الدرار الجميله والذي يزيدها

روعه وتميز هو الوطن الغالي على الجميع

صح لسانك وبيض الله وجهك على القصيده

وعلى أخلاصك وحبك لوطنك دمت أخي ودام وطننا الغالي

شامخآ وسالمآ من شر كل حاسد وحاقد في ضل حكومتنا الرشيده

بقيادة الملك الصالح خادم الحرمين الشرفين/ابومتعب وولي عهده

وتقبل مروري ومودتي

دمت بود

[هاجد صنيدح]

فالح السبيعي
صح بدنك لاهنت
وتقبل تحياتي