الشاعر مبارك العمري (الرادار) قصيدة في الملك وعودة الامير سلطان

[عزي لحالي]

يالله يامن خلقت الأنس والجان=تحفظ حكومتنا وتحفظ بلدنا
يا عالم بأحولنا كل الأحيان=يا المكتفل فينا ومحصي عددنا
يا الخالق المعبود يا عالي الشان=ادلنا للمعرفة لا قصدنا
نثبت محبتنا على مر الأزمان=للقايد اللي ضمنا واتحدنا
على كتاب الله وهو خير برهان=دليلنا درب القدا لا عندنا
وهدي النبي الهاشمي نسل عدنان=فطرة عليها كل بونا ولدنا
وازف باقات التهاني لكحيلان=اللي بمنتوج الشهامة سعدنا
مليكنا اللي له مكانة وميزان=اللي إلى منه دعانا وجدنا
بمناسبة عودة فضا الخير سلطان=اللي بخيرة عم الأقصا والأدنا
يشهد له التاريخ في كل ميدان=عضد الملك والي مهمة عهدنا
وتشهد بيوت الشعر في كل ديوان=من زود خيرة في المحاريف زدنا
وكلٍ معه في خاطرة نظم قيفان=واحنا مع الشعار نعطي جهدنا
سلطان راعي الخير في كل الأوطان=لا سلهمت سود الليالي سندنا
له في بلاد العز هيبة وسلطان=وقوة ندحربها من نصدنا
وامير عز من طويلين الايمان=من كثر مداته كسبنا وفدنا
له في دروب الخير منهج وعنوان=على مناهلها الثمينة وردنا
تمت وصلى الله على نسل عدنان=شفيعنا في يوم نلقا وعدنا