ياجار كانك طعتنـي برقـع الطيـر

[سلطان الروقي]

يالله حي الشباب ..
هذه القصيده قالها الشاعر عندما شاف بنت جاره جميله لاكنها دائما كاشفه وجهها فقالها لجاره عشان يفهمها ... والان اخليكم مع القصيده ...وشرط تعجبكم ..

ياجار كانك طعتنـي برقـع الطيـر
طيرك وحش واقلوبنـا مستميتـه

لولاي رجلٍ من رجال بهـم خيـر
ماصد واغض النظر مـن بخيتـه

ياجار طيرك كل ماعرّض اعصيـر
مـدري علامـه يلتفـت مادعيتـه

يمر كنّـه شـارد الصيـد لاذيـر
لابوه لابـو حـي حيّـه ، وميتـه

اغير,وانذر ، وانذر القوم ، واغير
وابيع روحـي ، وانهـزم لابغيتـه

يردّنـي ياجـار طبـعٍ لنـا غيـر
الجـار مانـدرج الغـرات بيـتـه

يبقا على حشمه ، وشيمه ، وتقدير
ويـروح عنّـي بالـردا ماقفيتـه

من خوف شيِ مابعد صار ، ويصير
يامّا هدمـت البيـت ، والاّ بنيتـه

بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه

يحدنـي يـم الخطـا دون تبريـر
الـي بلانـي بالهـوى ، مابليتـه

وانا بشر منـي خطايـا وتقصيـر
الله يغفـر كـل ذنــبٍ جنيـتـه

[admin]

قصيدة غاية في العذوبة

وهي للشاعر : هادي الرزقي العجمي



الف شكر على نشرها مرة أخرى وهذا يدل على قوة القصيدة وجمالها وحسن ذوقك

وهي منشورة هنا

http://www.sobe3.com/vb/showthread.php?t=12779

[سلطان الروقي]

الله يعافيكم ومشكورين

على مروركم الرائع

[خيَّال الغلباء]

سلطان الروقي جزاك الله خيرا ولا هنت

[سلطان الروقي]

--------------------------------------------------------------------------------

الله يعافيكم

مروركم يشرفني

لكم احترامي وتقديري