طفل عليه من البهاء ستر وعقود

[السبع الحر]

قصيده رائعه لشاعر الكبير محمد بن احمد السديري رحمه الله.

لولا الرجا واعلل القلب بوعود = بوعود خل صار شوفه شفاقه
لولاه ما عودت نفسي على الكود = وهو الوحيد اللي عشقته عشاقه
اختار قلبي بالهواء ناعم العود = ما غيره احد من المخاليق شاقه
طفل عليه من البها ستر وعقود = ومن القوام اشباه وجهه دقاقه
ياناس حبي له بلا سلم وحدود = وافراق روحي من سبايب فراقه
ان كان شفته فتح القلب بورود = وان غاب هلت دمعتي من فراقه
خلي سحر هاروت بشفاه معقود = اللي نهب مكنون قلبي سراقه
مادام هو موجود فالحب موجود = وسط الضماير مبهمات اغلاقه
ياناس انا احبه ولا فيه منقود = وقلبي لغيره ما يعرف الصداقه

[روح القصيد]

السبح الحر ..

جعل ربي ما يهينك يالغالي على هذا الاختيار الرائع ..

وصح الله لسان السديري ..

تقبل تحياتي ..

روح القصيد ..

[خالد الشماسي]

اختيار موفق



بس نبي قصيدك يا السبع الحر :)



ولا من قصايد ابو طلال

[السبع الحر]

شكرا روح القصيد شكرا ابو عمر على المرور الرائع والتعليق الاروع وانشاءالله هناك اخبار ساره لجماهير ابو طلال سترى النور قريبا .اما بالنسبه لقصائدي انا فاانا مقل ولكن ساحاول طرح مايجد لدي ووفقنا الله لما يثري هذا المنتدى المتميز