العلم لاقالوا رفيقك تردى

[ابوساره]

[poet font="Traditional Arabic,6,black,bold,normal" bkcolor="transparent" bkimage="backgrounds/14.gif" border="double,4,gray" type=2 line=200% align=center use=sp length=0 char="" num="0,black" filter=""]
العلم لا قالوا رفيق تردّى=ماعاد يعرف من يجيه ويزوره
وكتب وصاته وقال ديني مبدّا= واوصى بثلث المال ثم البزوره
الاجل لو انه طويل وتمدّى=تجيبك الايام هي والشهوره
والموت لوانه لغيرك تعدّى= لازم يزورك او تجيه وتزوره
كم واحد قبلك نزل ثم شدّى=هذى علاماته خراب قصوره
وترى جليس السو يعدى كما ادّا=تـجنبه قــــدام تلقـي شـــروره
والا جليس الطيب مسك ونّدا=يعجبك ريحه لاوضع لك بخوره
ومن جاب لك هرجه نقل عنك ودّى=هذاك نمام كثير ....الخطوره
والمسعد اللي بأمرربه تقدّى= وتبع طريق الحق لابان نوره

رائعة الشاعر محسن بن علي السبيعي
[/poet]

[خالد الشماسي]

سلمت يمينك

وصح لسان الشاعر محسن بن علي السبيعي


قصيدة معبرة تدل على شاعر جزل محب

[عيسى السبيعي]

الأخ ابو ساره

تسلم على النقل الطيب

وصح لسن الشاعر محسن ابن علي السبيعي

على هذه الرائعه الطيبه

[ابن شطيط]

قصيده اكثر من رائعه يابو ساره ولاهنت على نقلها للمنتدى والشاعر محسن ابن علي القريشي غني عن التعريف

رجل محب ومحترم الى ابعد الحدود يقدره الصغير قبل الكبير مجلسه عامر بالكرم والطيب وبالشعر الجزل الذي لايمل وتتوق لسماعه والكلام معه له من القصائد الكثير والكثير الذي يصب جله في الطيب والنصيحه والفخر والوصف

من الشعار الذين نتوق لسماعهم فالله يحفظك يابو علي ويعلي قدرك وكلمه بسيطه تجاهه للعلم فقط

وليسمحلي اخي العزيز ابو ساره في طلب قصيده الشاعر في البل

فسمعتها منه خلال زيارته لنا ولم احفظها كما يجب اتمنا منك ايرادها ولك تحياتي

اخوك

ابن شطيط