إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة الجميلة في مدح قبائل الجزيرة العربية وقد قيل : أنها للشاعر الكبير / فيصل الرياحي البقمي ويقول فيها :
قبأيـلٍ تسكـن بشـبـه الجـزيـره = جزيـرةٍ تبهـر عريـضـه كبـيـره
والكـل منهـم لـه منـازل وديـره = من ساحل الأحمر ليا ساحـل عمـان
منهم " عتيبـه " نـعـم والله عتـيـبـه = قبيلـةٍ بـيـن القبـايـل عريـبـه
أمجادهـم تعـرف ولا هـي غريـبـه = ليا حل طار المجـد يطـرون عتبـان
ومنهم بني الحارث هل المذهب الزين = كسابة القاله علـى العسـر والليـن
تاريخهـم معـروف ما هـم غبييـن = والنعم يإبن الحارث طيـور حـوران
ومنهـم " سبيع " ونعـم بسبيـع دايـم = تاريخهم يشهد لهم فـي القـدايـم
نقـول حـق ولا نحـب الظـلايـم = يستاهلـون المـدح والنعـم سبعـان
و " غامد " ونعم بغامـد أهـل الشكالـه = قيـف شجيـع كـامـلات خصـالـه
الطيـب فيهـم والكـرم والبسـالـه = إلاّ وفي وقـت المحاضيـر شجعـان
و " قحطان " ساس الأصل نعـم القبيلـه = أفعالهـم مـن غيرهـم مستحيـلـه
بالطيب عـدو كـل عيطـاء طويلـه = والنعـم والله يا صناديـد قحـطـان
والنعم " بالأشراف " نسـل الصحابـه = الديـن فيهـم والسخـاء واللبابـه
والعرف والمعـروف شـدوا ركابـه = والنصح والإرشاد عن كـل عصيـان
وأولاد وائــل نـعـم والله قبيـلـه = أهـل الفعايـل والعمـوق الأصيلـه
منهـم ملـوك يكسبـون النفيـلـه = اسم ( عنزه ) في قمـة المجـد عنـوان
و " شمر " ليـا عـدت فعـول النحايـا = والنعـم والله يـا رجـال ا لطنـايـا
حمايـة القالـه سـهـوم المنـايـا = نقولهـا فـي حقهـم سـر وإعـلان
والنعـم " للعجمـان " ما فيـه معـروف= قول وفعل ما تنفـع نقـاط وحـروف
مجـدٍ تعـلا كنـه سهيـل مشيـوف = دليلنـا فـي مدحهـم فعـل راكــان
و " مطير " حمران النواظر هـل الجـود = تاريخهم من قبـل واضـح ومعـدود
مجـدٍ مثبتـة براهـيـن وشـهـود = ما ينجحـد مجـد وأهاليـه مـطـران
ونعمٍ " بحرب " ليا طرا طاري الأمـداح= أهل الموا قف كل ما صـاح صيـاح
حرابهـم بالنـوم ما هـوب يـرتـاح = من ضيمهم ما يمرح الليـل سهـران
و " سليم " أهل مجد مسجل بالأسطـار = ذربين أهـل قالـه وبالعـرف شعـار
وأظن هرج الصدق ما يقبـل إنكـار = أخذ الأدب والعرف من روس سِلمـان
وجمع " الدواسر " ما بهم قـول قايـل= دوسـر جمـل يشتـال كـل الثقايـل
باسمـه تسمـوا والفعايـل دلايــل = غـدران مـوت ما تحلـى بـغـدران
و " بني تميـم " اللـي فخرهـم مقيمـي= ودليلنا قول ابـن صقيـه ا لتميمـي
يدري بهم مـن كـان قلبـه فهيمـي = أخبارهم شاعـت لحضـر وبـدوان
وأيضا " بني خالـد " عـذاب العنيـدي = جو من سلالة " خالد بـن الوليـدي "
قـول محقـق ما نقـول السريـدي = نقرأ ونبحث لين نـدري بمـا كـان
و " زهران " جن الحرب يوم الحرايـب = اللـي طعنهـم يـودع ا لـدم رايـب
هبت لهـم مـن كـل طيـب هبايـب = والنعـم والله يا رجاجيـل زهــران
و " عسير " عسرين علـى كـل طمـاع = سباعٍ تعشي سبـاع الأقـذال بسبـاع
السيـف بيديهـم مخلـد ومـطـواع = ورمـاه ليـا رد النظـر لام نيشـان
و " شهران " مشهورين والجـد شاهـر = الكـل منهـم فـالمهمـات مـاهـر
طيب ليا عـدوا هـل الطيـب ظاهـر = معـروف ما يطويـه بعـد ونسيـان
و " بلقرن " قرن الموت شرابـة الـدم = حرابهـم يسقونـه الصبـر والسـم
في رؤسهم شيمـه وعـادات ولـزم = ما ينحصـي تعريفهـم عبـر قيفـان
وأيضا " بني مالـك " ذكرنـا فخرها = الطيب طـوع يـدينهـم ما عسرهـم
ليا ماجت أمواج البحر مـن بحرهـم = بحر يكز الموج مـن غيـر جيـلان
والنعم " بالأحمـر " علـى كـل حالـي = في كـل صعبـات اللـوازم رجالـي
شوامـخ ما هـم بـجـرف هيـالـي = كسبان يا حايز علـى المـدح كسبـان
و " شمران " ليا شمر عن الساعد الثوب = حرابهم يقفـي مـذلـل ومرعـوب
كم كدروا يوم الكـدر كـل مشـروب = ياهل الوفاء محد جحد فعـل شمـران
والنعم " بالأسمـر " ليـا حـل طـاري = شمعة فخرهـم ماذرتهـا الـذواري
يروون صفحـات القنـا والشبـاري= ويوردون ا لسيف لا صـار عطشـان
وصبيان " يام " أهـل العمـوق العريقـة = ستر الظعن يـوم الاّيـادي طليقـة
ما تختفي عن عيـن عاقـل حقيقـة = يام الحرايب يوم سوقـات الأظعـان
والنعم والله فـي رجـال " الشـرارت " = الطيب له فيهـم مـواري وإمـارات
أهل المراجل يـوم الأيـام عسـرات = الكل منهـم يجلـب الـروح قربـان
أيضا " بني هاجر " كفـوف الأسـود = ييثبت لهم في كـل عليـاء وجـودي
قول عليه الفعـل الأبيـض شهـودي = والصـدق قايـد للمعانـي وقبطـان
ونذكر " بلي " بلواء على كل عاصـي = ليا جاء نهار فيه شيـب النواصـي
رجالهم ينطـح خشـوم الرصاصـي = ليا طار ستر الوجه عن دعج الأعيان
وأيضا " جهينه " عزوة باسهـم بـاس = نطاحة ا لغاره علـى قـب الأفـراس
أمجادهم من يوم خلقوا علـى سـاس = بيت جويـد مـا نخلـع فيـه بيبـان
وأيضا " السهول " لهم مواقف وتشجيـع = يطوعـون الـضـد لازام تطـويـع
ويقال عنهـم انهـم حلـف لسبيـع = ذولا وذولا نعـم وافـيـن الأفـنـان
وأيضا " الظفير " أهل الظفر والمدايـح = يوم الثميـدي مثـل وبـل الروايـح
ارجـال ما فيهـم غمـوز وقـدايـح = منهم زبون أهل المقاصيـر " نومـان "
وسفيان من قبل النبـوه لهـم بيـت = صحيح لا أز ل بكلامـي ولا أخطيـت
قريت في كتـب التواريـخ وأوحيـت = سفيان سلسلة العريب ابـن سفيـان
و " طويرق " أهل الشيمـه المستديمـه = وأهل الوفاء وأهل اليديـن الكريمـه
للجـار عـز وللمـعـادي هزيـمـه = أقولهـا مانـي بـراعـي تـلـوان
و " هذيل " أهل غيره ومذهـب وجيـره = وميزاتهـم مـن غيـر هـذا كثيـره
وليـا قـدح للحـرب قـادح ذخيـره = تلقـى مقاديـم الرياجيـل هــذلان
و " قريش " مجـد قريـش كـل درابـه = قوم الرسول وقوم بعـض الصحابـه
ومجـد تعـدى الهاشمـي وشنبابـه = اللي من قلـوب البشـر زال الأدران
و " ثقيف " مـا يحتـاج نذكـر فخرهـم = ما دام " ابن يوسف " على طـول منهـم
يكفيهـم " الحجـاج " مجـد شهـرهـم = بالكتب والتاريـخ فـي كـل ديـوان
و " بني رشيد " مـن القبائـل يعـدون = ليا جت مجـالات المواقـف يبـدون
يبنـون بنيـان الفخـر ما يـهـدون = واللي نقدهم ما معـه علـم بخصـان
ونذكر " بني مـره " ونعـم آل مـره = للجـار عـز واللمعـادي مـضـره
واليـوم فـي نعمـه وسـره وقـره = بين الثلاث اللي خذتهـم بالأحصـان
و " أكلب " هل الطالات وأهل النواميـس = إمسيسـن بدوحـة المجـد تسيـس
كلامنـا ما بـه مجـامـل وتلبـيـس = والقول لاسلم الغـوى والخطـاء زان
والمعـذره يـا واسعيـن المعـرفـه = إن غاب عن تفكيري أحـد ما أعرفـه
للشعـر تصريـف وللهرج صـرفـه = ولا ينتجـازى الناسـي إلا بغـفـران
أخي الكريم / منسم الحفيات السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة القبائل والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام مع خالص التحية أطيب الأمنيات واسلم وسلم والسلام .
أخي الكريم / ماجد السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة القبائل والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية أطيب الأمنيات واسلم وسلم والسلام .
أخي الكريم / سبع السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة القبائل والله يعافيك ويبارك فيك ويجزاك خيرا ويبيض وجهك يا ذيبان يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام ومن قال ما هان مع خالص التحية أطيب الأمنيات واسلم وسلم والسلام .
أخي الكريم / حزم الجلاميد السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة القبائل والله يعافيك ويبارك فيك ويجزاك خيرا ويبيض وجهك يا ذيبان يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية أطيب الأمنيات واسلم وسلم والسلام .
غير متصل
